[stayfiya]

السلاام عليكم
وصح فطوركم كي راكم لحباب واش حوالكم
بالجمعة كيما قعدت في الدار خيطت روب خفااااف و ساهلين يعني تخيطي روبة في نص ساعة و ما تحتاجي غير 1.5 كتان و قالون خفيف ولا دبلة ولا اي حاجة ولا تحبي ماديريش شوفي اول حاااااجة اغسلي الكتاان و حديه مليييح
باه ما تتكلحيش كيفي و يشربلك و تعشي تلفقي
تبداي طبقي الكتان على 2 و من بعد على 4 اكي تسمعي
شوفي كيفاش درت
انا استعملت عرض الكتان كامل مانقصتش منو غير من فوق بلاصة المونش قصيت





كي تحليها جي عريضة ماتخافييش ضك ننقشوها على حساب لاطاي نتاعنا و كيما تحبو ضيقو الرقبة يا تفتحوها



بعد ما تلصقو لي مونش كفوالحاشية و ابداو انقشو و كي تخلصو حطو القالون انا وحدة درتلها دبله و وحدة لاستيك و هادي قيبيور
هاه واش رايكم راني لابستها باردة تسخف ههههههه راني نقصر راهي في المشينة لافي


خلاصت واش قلتو نورمالمون سااهلة ماااهلة هيا تطبيقاتكم حبيباتي وريولي شتارتكم نحب نشوف تطبيق لروبة السطايفية في العناوين هاد اليومين هههه هيا ااا تووت باش نحطلكم الكتان لي فضل واااش درت بيه لسمسومة هههههه
السلام عليكم و رحمة الله وبركاتة