اقتباس:
المشاركة الأصلية كتبت بواسطة ام دودة
السلام عليكم ورحمة الله وبركاته
نحن عائلة نتكون من 6 افراد 4بنات و2 ذكور تزوجنا 3 بنات والاخ وبقس في المنزل اختنا واخونا
الاخ اللي متزوج مايشبعش خلاه دائما وراء ابي شراله سيارة وعوانو سلك سكنة تساهمي ودرك راه ساكن فيها يعني الله يبارك بداره بخدمته شهار وبسيارة اخر صيحة
عنده 4سنوات ملي خرجها من la maisonودرك خطبنا لخويا الصغير وراح نديرولو العرس وابي يحوس يشريلو سيارة يخدم بيهل نقل حضاري السيارة في اوت يخرجها ولازم يخلصها كاش حوالي 110 مليون
جانا خويا الاكبر وقالنا راني حاب نغير سيارتي ونشري قولف اي ابي هو اللي يعاونو وابي ماهوش مليونير راه عادي مجاهد وعنده الورقة تاع المجاهدين ليسانس عولنا نبيعوها ونديرو العرس ونخرجو السيارة تاع خويا ونتهنو عل ابي امي وتبقى اختي بلا زواج وماعنهاش ذهب لازم نديرولها
احنا مالقينا كيفاه نتصرفو مع خويا وهو مليح معانا طول نلقوه في الشدايد وحنين علينا وماناش حابين نخسروه على حاجة كيما هكا وهو عرس درناه كبير لانه الاول وخسرنا واش راح نقلك خويا الصغير طالب غير القليل وقال مانديرش عرس كبير خوالي وعمامي برك
كيفاه راح نتعاملو مع انانية خونا اللي راه يحكم ابي ويضغط عليه برا واختي اللي في الدار قالت كون يدي الورقة قالت انا نروح وماعادش تلقوني وعندها حق لانها عايشة ناقصة في الدار والدراهم يدي فيها خويا ومرته ومرته ماتشمناش وتنظرش فينا
اريد رايكم
مع العلم اننا كون نهدرو ونقولو لا راح تثور مشاكل بينو وبين خويا اللي راح يتزوج وممكن يبطل ثان خايفين ابي يزعف وتطلعلو الضغط وراكم على بالكم بالعواقب |
السلام عليكم يا اختي الغالية
اسمحيلي اتكلم في مشكلتك و اعطيكي حل بسيط في البداية تضنيه ما يجيب نتيجة و لكنه يجيب نتيجة باذن الله
جربي تحكي مع اخوكي المتزوج في موضوع اخوكي الصغير
و قوليلو واش رايك نديرولو عرس كبير و و و و و وماتذكري سيرة السيارة اللي يحوس يشريها
و كانك ما تعرفي بالموضوع
احكي معاها و دللليه و خلي كلامك عسل معايه و شويا ضحك و ابتسامة منك رايح يسمع كلامك
ليس شرط اتنك تحكي معاه مرة واحدة و بعدها تقولي فشلت التجربة
مرة و اثنين و ثلاثة و و و و و و و ساعات اديلو معاك شي في يديكي هدية صغيرة ( يبقى اخوكي و يستاهل اكثر )
و كي يبدا يتفاعل معاك
قوليلو واش رايك نخلو الوالد بعيد على ضغط العرس و مشاكلو و تكون ليك بصمة في زواج اخي و تكون انتا اللي زوجتو
صدقيني لو تكون المسؤولية على عاتقو رايح يتنازل على طلباتو
و ما تقولي لحتى واحد على هذا الشي لانهم اكيد رايحين يقولولك ما يسمع كلامك و يخلوك محبطة