[مريم الصابرة]

السلام عليكم اختي
شوفي نقولك الناس ما ترحمش ولو كنت ملكة الجمال معناها راكي تعيي في روحك باطل راهم عايشين حياتهم وإنت خربت تفكيرك ووقتك على جال الناس
شوفي لو شابة يهدرو لو مطلقة يهدرو لو عاقر يهدرو لو بالجلباب يهدر وفيك وما يرحموكش معناها ارمي عليك
خليني نقولك لو تشوفي نسبة المطلقات كامل شابات وعلاه الجمال ما شفعلهمش الجمال ما راهش معيار إنت خمي ربي واش فضل عندك واش مدلك مميزات واحمديه وخليك من الناس
قارني روحك باللي مريض باللي مشلول باللي محروق كامل واش يقول يقول يا بيت راني في مكانها ولا المكان اللي راني فيه يا اختي ربي مدلك جمال لكن داخلي وصدقيني تلقاي اللي يقيمو ويقدرو وربي راه مقسملك حياتك
شوفي حياتك وعيشي وخليك من الناس لأنو اللي خلق الشابة خلقك واللي خلق الطويل خلق القصير واللي خلق السمينة خلق الرقيقة معانا اختي ربي خلقنا وربي صورنا وما عندناش حق نعترضو اما الناس خليك منهم لو العيوب يخرجو للبرا لو كامل رانا غوال ونخوفو عيشي حياتك ونتمنى املوضوع الجاي تقولي راني رجعى لحياتي شويا كوراج وواجهيهم بالضحكة اللي يسخر منك عادي أبتسمي الضحكة تقتل عدوك ما بالك اللي يسخر ويا ختي اللي يسخر منك سخر من ربي والعياذ بالله إنت عندك حسنة وهو ربح ذنب شفت شكون الرابح موفقة