السلاااام عليكموووووو
واشراكم حباباتي
قلت نبروفيتي و نزيد نديرلكم موضوع اوخر باش تنوضو الصباح و تتقهواو بيهم هههههه
الموضوع هدا قلت نحطلكم فيه باترون و نفذو في كتان صغير و خيطتو لسمسومة بنت خويا
الباترون نتاع جامب سويت كيما السالوبات و يلبسوه لكبار و الصغار شوفو هذا نتاعي لي نلبسو انا
و هذا الباترون يتفصل الطرف نتاع البيستيي وحدو و السروال وحدو رايحة ندير مقاساتي لكن في الاخير رايحين تشوفوه مصغر اوووكييي
نحكمو قياساتنا و نطبقو الكتان على2 و نفصلو انا راني زدت في ارتفاع الخصر يعني هنا في الباترون 32 انا درت 36
باش تكوني مستراحة
البيستيي نطبقو على 4 و نفصلوه و كي لعادة اهبطي في لاطاي ب 3 سم و من فوق نديرواو لاستيك يعتي رايح يكون بقياسات الباسان و تزيدي فضفضة علابالكم يطلع من تحت شوفي معايا
نطبقو الكتان على 2 و نبداو نفصلو
حنا ديما من خلف نحفرو اكثر من قدام في ارتفاع الباسان
هنا خيطنا لجناب لي هوما في الاصل الامام و الخلف نكملو نجملو السروال من تحت الرجلين
علو لي كوتي ماتكونش كاينه خياطه
نروحو للبيستيي نفصلو الاومامي وحدو و الخلف وحدو
و جينا لخياطه على لجناب
كي تلصقي البيستيي مع السروال تقدري ما ديريش زيادة في الكتان و تفصلي شغل سانتيور و بالطبع ديري لاستيك من فوق و في الوسط و اسفل السروال كيما تحبي
انا خيطت نتاعي و لبستو لسمسومة و هاي ليكم البطبوطة نتاعنا ربي يعيشها
قولو الله يبااارك
لا تعطيوها بعين ههههههههههه
و بررررررررك خلصنا و اي سؤال مارانيش ديسبونيبل حتى لغدوة في الليل لا حيانا ربي هيا انا نروح نرقد حباباتي سيييي يووووو توموووورااااووو
والسلام عليكم و رحمة الله و بركاااته