نحتاجو :عجينة مورقة و دائما معتمدة تاع يراسمين 26 يعطيها الصحة كلمة رائعة قليلة فيها تخرجلي كيما المحلات شكلا و ذوق https://www.djelfa.info/vb/showthread...=909132&page=4 حبة بصل مقطعة جوانح رقيقة و ثوم ،،،،، كمية من لحم مرحي طايب ( إختياري) فلفل حلو +حار كمية مليحة 2 حبات طماطم مقطعة مربعات ملعقة متوسطة طماطم علب ملح و زيت ،، حبات زيتون للزينة بيضة لدهن الوجه نسخن شوية زيت في مقلة و نحط البصل و الثوم و نقلبه لدقيقة ثم نضيف الفلفل الحلو +الحار و الملحو نقليحتى يذبل قليلا ثم نضيف الطماطم +الطماطم المصبرة و نضيف قيس فنجان ماء و نخلط و نغطيها مع التحريك من وقت لآخر..... كي تقرب طيب نحركها و نمعصها قليلا بظهر الملعقةكي تنشف نطفي عليها و نتركها تبرد نقسم العجينة المورقة لقسمين ... نحل الأولى نضعها في البلاطو نضع الحشو ... نسويه جيدا ثم اللحم ثم نضع العجين الثاني و نضغط على الحواشي ثم بواسطة السكين نسوي الحاشية ندهنها بالبيض ثم نزخرفها بالشوكة بعمل خطوط متعاكسة دون قطع العجين ثم نعلم الحبات بلاما نقطع ونرشق حبات زيتون ندخلها الفرن حتى تطيب من تحت ثم نحمرها من الفوق حبة وراء حبة ههههههههه هذا مابقات دعيوة خير ياسر عليا هههههه