[faizarbh]

السلام عليكم أعزائي
اليوم جبتلكم هاد الحلوة و كل واحد كيفاش يسميوه حنا نقوقلولو كولني و اشكرني و راه يجي بزاف بنين صدقوني نتمنى اجربوه
المقادير
500غ زبدة طرية
كاس سكر قلاص أي ما يعادل 9 ملاعق أكل
من 2 إلى 3 ملاعق كاكاو
ملعقة فاني
1 خمارة
و الفرينة حسب الحاجة
طريقة التحضير :
نخلط الزبدة مع السكر جيدا بيدنا ثم نضيف بقية المكونات و في الاخير نضيف الفرينة حتى تتلم العجينة و تولي كيما تاع الصابلي
ثم على طاولة العمل نرش الفرينة و نفتح العجين و نقطع دوائر و نديرهم ندخلهم للفرن يطيبو
مثل ما راه موضح فالصور






نوجد كريمة الزبدة اللي نلصق بيها حبة على حبة :
نأخذ كمية من الزبدة تكون طرية + معجون و تكون الكمية متساوية و فاني و نضربهم بالباتوغ مليح مليح نديرو غير شوية و ايلا خصتنا نزيدو نضربو
ثو نلق بيها حبات القاطو
نحضر قلاصاج اللي نغلف بيه القاطو :
تقدري تعوضي هاد القلاصاج بالشوكولا تذوبيها و تزيديلها شوية حليب و زبدة
القلاصاج : ملعق كبيرة كاكاو + ملعق سكر قلاص نذوبهم على النار ثم نضيف فنجال حليب و نتركهم يعقدوا إلا ما كفاتكش الكمية زيدي مقادير أخرى .
ثم نغطس الحلوة في القلاصاج و كي تبدا تنشف نديرلها خطوط بخليط السكر قلاص + الحليب و ما نكثروش الحليب لانو يجينا جاري بزاف و كي تنشف حبات الحلوة جيدا نديرلها المعجون مع الاطراف و نرمدها باللوز او كوكاو .
تابعوا الصور




ملاحظة : الوصفة مافيهاش البيض

نتمنى تعجبكم الوصفة
لا تنسوني من صالح دعائكم
كلمة شكر تشجعني على المزيد
تقبلوا تحياتي