السلام عليكم
ههههههههههههههههه يعطيك الصحة ام ساجد موضوع في القمة
طبعا من صغري الى يومنا هذا وانا الطبخ في واد وانا في واد لكن حاليا الحمد لله بنة مقبولة وشكل لا علاقة وشعاري في البيت دائما وابدا هو الفايدة في البنة مش الشكل وهم طبعا موافقين ياكلو ودموعهم تسيل ههههههههه يخافو مني
نحكيلك حكاية كنت صغيرة ممكن في الابتدائي وامي خرجت وعمري ما عجنت من فحوليتي الزايدة فكرت مباشرة في الشخشوخة عجنت عجينة كبيييييييييييييييييييييييييييرة ويدي صغيرتين قريب نقعد في وسط قصة العجين غلبتني ومن بعد شعلت النار وحطيت اول قرصة تاع رقاق ( لا اعلم وش تسموه عندكم) حطيت يدي مباشرة على الطاوة تع الحديد ( الطاوة هي لي يطيبو فيها الرقاق تكون حديد مش طين ) المهم مع هي سخونة تحرقت واغمي عليا هههههههه بقيت مدة وانا مغمى عليا وانا وحدي في الدار طبع القرصة تحرقت مش رايحة تنظرني حتى نفيق ومن بعد جات امي في الوقت المناسب لو كان طولت اكيد لقات الدار شاااعلة ما عيطتش عليا بصح اكيد في قلبها قالت حصلتني وحصلت روحها ومن بعد فرحت كي شفت امي رحت نجري غسلت وجهي ومبااااااشرة الى الشارع نلعب وكانني ما درت حتى حاجة
حكاية اخرى كالعادة خرجت امي من تقفل الباب من لقيت روحي في الكوزينة لقيت التشيشة تع الفريك نشروها مش مغربلة ومش مصفية نصفوها وحدنا المهم غربلتها ولي يرموه هو لي طيبت بيه الجاري وكي طاب ما عجنيش شكلو ههههههه رميتو وغسلت المواعين وقعدت نتفرج في التلفزيون وخلاص هذا وش تفكرت ان شاء الله حكايتي تجي خفيفة عليكم
سلام