[sissou nrdn]

ما تروحوش لبعيد هذا راه الخوخ بالفرينة لكنه لذيذ و يشبه للخوخ بعجينة اللوز جربوه ما تندموش
العجينة: 500غ مرغرين, 3 ملاعق اكل سكر ارطب, 3 بيض, فاني, 2 خميرة الحلوى, فرينة
اخدمي العجينة كيما الصابلي و قرصيها في بلاطو ثم اثقبيها و طيبيها في الفرن , بعدما تخرج من الفرن و تبرد ارحيها
و زيدي عليها 750غ سكر ارطب, 250غ مرغرين ذايبة, فاني و تلميها بماء زهر ماتكونش يابسة باش ما
تتشققش و الا جات طرية بزاف ما تخافيش خليها ترتاح شوية تولي تحكم روحها
[IMG][/IMG]
[IMG][/IMG]
من جهة اخرى رابي كاس نتاع جينواز و كاس مكسرات مرحي و تلميها بعسل او مربى
[IMG][/IMG]
خذي شوية من العجينة و ضعي داخلها بولة نتاع الجينواز
[IMG][/IMG]
ثم كعبريها مليح و شكليها كيما الخوخة
[IMG][/IMG]
ستفي الحلوى في بلاطو و نروحو الان لطريقة التلوين : ضعي شوية من الملون البرتفالي في شوية ماء زهر ثم رشي الحلوى مستعملة فرشاة الاسنان
[IMG][/IMG]
في الاخير اصنعي الاوراق بعجينة السكر و لصقيهم و خليها تنشف شوية ثم رشيها بالسكر الارطب لكن ما تكثريش
[IMG][/IMG]
اخيرا نطلب دعوة خير من الاخوات