السلام عليكم ورحمة الله وبركاته ايا لبنات تشوفو البان كيك اللي درتو لبارح كي جعععت وحطيتو في منتدى آخر المهم جايهبل منطولش عليكم جربوه وان شاء الله يعجبكم المقادير:6 ملاعق كبار فرينة 6 ملاعق كبار سكر 6 ملاعق كبار حليب 2 بيضات وأكيييييد قشور ليمون أو برتقال اللي متوفر باش يغطي ريحة البيض الطريقة سهلة جدا :53: في الخلاط نحطو الفرينة والسكر والحليب ونخلطوهم مليح ثم نضيف الصفارين ونستمر بالخلط حتى يبياض الخليط شوي من جهة نطلعو البياض مليييييييييح انا العجانة تحرقتلي امالا الخلاط مقامش معايا بالواجب بصح معليهش نكبر وننسى ثم نضيف البياض لباقي الخلطة وندخلوه فيها برفق باش ميروحش الهوا اللي دخلناه فيه وخلاااااااص الخلطة تاعنا جاهزة نكونو سخنّا المقلاة مليييح يلزم تكون تيفال باش متلصقش وندهنوها المرة الاولى بشووويييييييية زيت ونفرغ من الخليط كيما الغرايف لما تتشكل فقاعات نقلبها ولازم النار تكون هادية لأن الخلطة فيها سكر وتزرب تتحرق والصورة خير دليل ههههه كانت النار قاوية كي درت اول وحدة مخذيتش بالي طريقة التقديم كل وحدة وذوقها والحوايج اللي متوفرين عندها سواء صوص شوكولا أو كراميل أو أي شيء أنا كان عندي معجون مشمش لصقت البان كيك فوق بعضهم بالمعجون وقطعتهم ممممممممم بنان جربـــــوها وادعولي حبيباتي