سلام حنوناتي كنت قاعدة دخلت للمنتدي هاذي ماهي حلويات مت بالسخفة هيا رحت كي الفحلة للمطبخ نتاعي باه ندير حاجة حلوة منلقى لا عضام لا خميرة لا فاني نلقى المكونات هذي لي درت بيهم الخلطة العجيبة نبداو بسم الله المقادير= علبة بسكويت بيمو و ماشابه علبة شوكولاطة انا درت امبسادور نوار 3 مغارف شوكولاطة غبرة 3 مغارف نشاء نصف لتر حليب 2 مغارف سكر ( هنا لازم نبهكم لحاجة الشوكولاطة الغبرة فيها السكر يعني ديري السكر و دوقي) 3 مغارف زبدة كريم شانتيي للتزيين التحضير= نرحي علبة البسكويت و نذوب الزبدة و نخلطهم مع بعض نحطهم في مول هداك لي يتنحي القعر نتاعوا و الى الفرن مدة 10 دقائق فقط ونخرجوا يبرد اما الكريمة نحط الحليب و النشاء و الشوكولاطة غبرة و نحط الشوكولاطة مكلاه تذوبيها حطيها درك تذوب معاهم و السكر و الى النار نقعد نخلط فيها منحبسش حتى تخثار و تشكل فقاقيع يعني تغلى نحيها و نصبها فوق طبقة القاطوا لي درتيه و الى الثلاجة و كي تبرد زينيها بالكريم شانتي ونخليكم مع الصور= جربوها مممممممممممممممممم والله تهبل و كيما يقولوها خلطها تصفى الصراحة الوصفة درتها من راسي مكانش عندي فكرة سابقة والحمد لله ربي ستر خلجت مليحة بصح ماشي دايما التخلاط يخرج حوايج ملاح و لا واش رايكم