[*بيتي مملكتي*]

اليوم درت مطلوع الفرينة أو الدقيق كيما يقولولو إخواننا المشرقيين

ماعندي ما نقولكم فيه الصور وحدها تحكي عن خفته و مذاقه القطني

تقدري ديريه بمقاديرك الخاصة و بطريقتك و للمبتدئات نعطيكم طريقتي




البسملة1


المقادير نتاع 2 قرصات مطلوع:

- رطل فرينة إذا حبيتيهم كبار أو 400 غ إذا حبيتيهم متوسطين
- 2 م ص ملح
- 1 م ص سكر
- 5 م ص خميرة الخبز يعني 2.5 لكل قرصة
- شوية سانوج أو الحبة السوداء

[IMG][/IMG]

التحضير: ولا أسهل

**ضعي الفرينة في قصعة و أعملي حفرة وسطها حطي الخميرة و السكر
**الملح و السانوج حطيه على جانب الحفرة ماتحطيهش مع الخميرة لأنو راح يبطل مفعولها

**صبي الماء الدافئ فوق الخميرة و اجملي الفرينة نتاع الحواف بالشوية حتان توصلي للملح و كملي بالماء حتان تتحصلي على عجينة طرية تلصق في اليد
**بلا ما تعجنيها غطيها و خليها ترتاح و تختمر مدة 30د

[IMG][/IMG]


**بعد ما اختمرت

[IMG][/IMG]

**اعجنيها مليح مليح حتان تولي ملساء وإذا جاتك ناقصة طراوة زيديلها الماء الدافئ(أنا نبللها كفاية منذ البداية )



**اقسميها على 2 و كوريها و خليها دقيقة وحدة فقط ترتاح باش تقدري تقرصيها


[IMG][/IMG]

**قرصيهم و خليهم يختمرو مدة 10 د أو 15 د حسب الجو إذا كان سخون بزاف ولا شوي شوي

[IMG][/IMG]


**كي يختمروا تكوني حطيتي الطاجين يسخن و طيبيها على الجيهتين

[IMG][/IMG]


و هذي هي النتيجة الخفة و الطراوة و الملمس القطني و كذلك المذاق القطني


[IMG][/IMG]

شوفي هنا من الداخل كيفاش خرجت مقطنة روعة

[IMG][/IMG]

ماذا بيا اللي مجرباتوا من قبل تدخل تخبرنا عن تجربتها إذا ناجحة وهكذا باش نشجعوا اللي ما جرباتوش باش تجربوا

و شهية طيبة