تطبيقي لنهار اليوم الجانب الديني الحمد لله الصلاة فالوقت+الادكار+التسبيح قبل النوم الحفظ راني فالاية12من سورة يس وان شاء الله ماتجي تكمل الدورة هادي حتى نكون كملتها باذن الله الجانب التجميلي بروساج نتاع الاسنان3مرات يوميا +اليوم حطيت ايكخون توتال للوجه +شربت كاس ماء على الريق الجانب التربوي راني مع مراجعة الدروس مع ولدي البارح راجعنا التربية المدنية اليوم عنده فرض ربي ينجحك وكامل وليدات المسلمين الجانب التنظيفي اليوم غسلت الحيطان وسيقت الارضية نتاع الغرفة ومسحت الباب فقط وما نقيتش التاقة ودرت الفطور فريت وسلاطة وعجنت الخبز نتاع ام كوثر بصح ما لحقتش نصوره من كتر اللي خرج خفيف وبنين قفزوبيه الجانب الصحي ما درت لا رياضة لا والو راني عادة مع الكدمات والاوجاع في كامل الجسم الجانب الجلفاوي هو اللي راه مخلينا ننعدو نسا رانا كل مرة نطبقو حاجة جديدة وندو افكار في غاية الروعة ونستمدو النشاط والهمة من هاد الشلة الرائعة