[غصن زيتون]

قصيدة حبيتك صدك للشاعر سيف العراقي
حبيتك
صدك ..معقولة ماحسيت
وآني الجنت اظنّك تدري
وتحبني
طلع قلبك اناني واني
بية أنغرّيت
ما وفّه لمحَبتي
وبالعجل ذبني
وحيد بلا حبيب ولا عشك
ضلّيت

شجره بلا ميّ ولا شمس جتني
صلب مثل الجبل بالشدّه
منهزّيت
بس بُعدك عليه بهالوكت
هزني
حيّرني الزمان وبيك
أنه أحتاريت
واظن بيك الزمن رايد تعذبني
نطرت محبتك بيهة شكثر
تانيت

لحظات العشك وياك
نستني
جنت اليّه الاهل انت
وجنتلي البيت
وبس انت الجنت بالدنيا
عاجبني
وجنت انت التذوّب قلبي
لو عدّيت
وأوكع لو عيونك مرّه
تنظرني
كم مرّه الوكت يجرحني
متأذيت

بس زعلك عليه الجان
يألمني

بشر غيرك أبد بكليبي
ما حطيّت
وكل واحد بعد بالدنيا
ما همني
جنت بعيني ليلى وجنت
الي جوليت
وجنت آنه قيس وروميو بهذنّي
وصرت كبالي عبله
ووالله لو مرّيت
اصيرن عنتر وابن امه اليلحكني
شجاك تغيرت وبروحي ما
خليت
بس حسره ودمع وجروح
أذتني
وشجاك تغيّرت صدكني ما
ظنيت
تنساني بسهوله وتبتعد
عني
أشتريت محبّتك بالغالي
كلّي شلون
فلس ونص محبتك هسه
باعتني
يا ذنب الجنيته وكلي .؟
شسويت
حتى انت بعذابي لوحدي
تتركني
قلبك هذا قلبك لو حجر
سجيل
حالك والله والعباس
صفنّي
جنت آنه الحبيب الما
يزيحه الكون
واحد هسّه زاحه شلون
فهمني
تمشي كبالي تضحك منشرح
وياه
ما عندك قصد كل قصدك
تغثني
مو صوجك ابد لا بيه كل
الصوج
قلبي بهالمواقف هوّه
اليحطني
صح آنه انجرح بس الجرح
استاذ
قاسي بشرحه لكن درسه
علمني
تعلمت ابقى صادق
بالعشك للدوم
ومنه اصنع تجارب خبره
تكسبني

روح خطيه انت ولا تظن
بيوم
تعرف شنو الحب..لك انت
متهمني

ما تكدر تحب تايه تظل
حيران

وقلبك ما يدك فد يوم
صدكنّي
وما تعرف بعد محبوب
مثلي يصي
ر
واذا واحد يصح لك مثلي
عاتبني
اربع سنين احبك تالي
هذا الصار

طول المده وانت بحبي
خادعني
آنه نسيتك بس هذا
الغشيم شلون
اذا ما عفته بعد اسبوع
خابرني
اذا ما
عفته بعد اسبوع خابرني



تحياتي الشاعر سيف العراقي
وانشاء الله تعجبكم