السلام عليكم: خطرات تتلف عليكم واش تطيبو للفطور و لا العشا و تكوني عيانة هاكي طريقة بصح اعذروني مصورتش في الصحن تجيبي قدر تحطي فيه قطع الدجاج وزيدي حبة بصل مرابية و سنينات ثوم قصبر و معدون و زيدي التوابل و مبعد زوج أوراق رند ايلا عندك حمص جاهز و لا جلبانة و قطعي البطاطا كما كي تروحي تقليها و زدت شويا هريسة و ملعقة زيت الزيتون و قطرات ليمون و طبعا الملح و ايلا حبيتي حليي شويا طماطم المصبرة في شويا ماء و خلطي الكل مليح مليح و إلى كيس الشوووووووووووواء قطعيلو طرف صغير من الأسفل و غلقي مليح و ديري ثقوب في الكيس باش مينتفخلكش هههههه و الباقي مع الصور الصورة تاع اللي خلطت كلش محبتش تظهر المهم هذا كل الخليط في كيس الشواء درت الكيس في بلا قصيت طرف منو ودرت حوالي ست ثقوب بالابرة إلى الفرن روحي تكسلي ضرك و تفرجي على 45 دقيقة و لا ساعة حسب الفرن ديالك و ارجعي بلاك تروحي قاع انا الفرن انتاعي فيه ساعة نريقلها و تروح نخاف ننسى ههههههههههه هنا نزعتو من الفلان و هنا كي فتحتو تلقاي كلشي محمر و طايب ما عليك غير تحطيه في الصحن و تزوقي بقطع الدجاج من الفوق الله غالب نسيت مصورتش الصحن و صوصي الصحن بالمرقة اللي تلقايها في الكيس و زوقي بالمعدونس من الفوق هههه الذوق هاااااااااايل و الكسل أحلى أحيانا هههههههههه بصحتكم