والله موضوع مهم جدا .الرشوة راهي رجعت وباء رانا نعانو منها في حياتنا بشكل كبير و الشي الي راه يقلق تاع الصح انو ماولاتش يتقاللها رشوة رجع اسمها مغلف باه مايدوش الذنب تاعها.رجع يسموها قهوة و احسن التسميات هدية.رجع بسيف على الواحد لازم يمد الدراهم للموظف باه يدير خدمتو الي هو اصلا راه خالص عليها .و الشي الي راه منتشر ضروك هو انو تمد هدية غالية باه يفوتولك خدمتك بلخف و ماتتلقاش عراقيل لانو ولاو يايفيتو التعامل بالدراهم .المشكل انو ولينا نتقبلو هذا الشي عادي و كي الواحد يهدر يقلك ماراهيش رشوة راهي هدية لانو في الاصل كون ماكانتش الخدمة بيناتهم راح يجيبلو الكادو.و مرات والله كاين شي وظائف الواحد كون مايحرسش نيشان والله يولي الرشوة يديها عادي حتا و كون يكون يتمشى نيشان .الرد عادي و لا محتاج تاني نمدولك كادو