والله أنا متعجب ومستغرب من تصريحات الجماعة نتاع المكتب الوطني نتاع اينباف والجماعة لي دايرين بيهم من قبل كانو يقولو بلي الكنابست نقابة فئوية وضيقة وأنانية وتخدم غير مصالح الثانوي ومعلابلهاش بخاوتها في الابتدائي والمتوسط وكانو يقولو بلي نقابة اينباف هي النقابة نتاع الصح نتاع قطاع التربية لأنها تحمل هموم الجميع واليوم راهم يلومو فيها لأنها تقترح فتح أبوابها لجميع إخوانها من الطورين الابتدائي والمتوسط اختياريا وليس اجباريا .يعني الجماعة نتاع المكتب نتاع اينباف راهم يقولونا تبعونا بالسيف و يفرضو علينا طريق واحد ونقابة وحدة وتوجه واحد أنا نقول بلي مقترح الكنابست هو اضافة للعمل النقابي ومكسب يجب أن يثمن والعبرة في مكنيزمات التنفيذ لهذا المقترح لي راني نشوف فيه يخدم المصلحة العامة للمربي أيا كان طوره.الساحة تسع الجميع قالها المكتب نتاع النقابة نتاع اينباف وقالو لي ماهوش عاجبو الحال من التوجهات نتاع النقابة وطريقة التفاوض ودعاوي الاصلاح لي نادينا بها يغير النقابة ويرحو يشوف النقابة لي تعجبو .