اقتباس:
المشاركة الأصلية كتبت بواسطة pinkswift
صباح الخير
انا مجربة عجينة عطاوهالي في الاصل صنايعية في بيتزيريا
و الحق من تم مبدلتهاش خلاص و الي يذوقها يسقسي طول ع العجينة
حتى شيخي و عجوزتي يحبوها بززاااف ههههههههه
المهم
انا ندير كيما عطاوهالي بعد السوائل ثم نشيح بالفرينة
ندير عضمة كاملة مغرف سكر كبيرة كاس حليب فايض و يكون دافئ نصف كاس زيت و خميرة الكسرة و لكان مزروبة ديري مغرف صغيرة معاها خميرة كيميائية باش تطلع ليه ليه
ثم نشيح بالفرينة نزيدلها الملح حتى نتحصل على عجينة طرية (متعجنيهاش بزااف) انا جوست نتحصل ع عجينتي نحبس بعد نحط فوقها مغرف كبيرة زيت زيتونه و نعاود نلوها بيه و نخليها ترتاح حتى ساعة الى ساعة و نص
و نطرحها بشوية فرينة هووووووووووب للمول مدهون بشوية زيت الصلصة و الديكور الي عندي و هووووووووووووووووب للفرن
و رديلي لخبر
|
ربي يعيشك انت و الاخوات و يخليكم