خويا أنا من الجلفة و نوريلك واش راهو يصرا في الجلفة :
•نسبة الغياب الفصلي قريب توصل ل 50 بالمئة بصح المسؤولين يمدو الاحصائيات منخفضة جدا
•بالنسبة للغات يجيبولنا من القبايل و الشمال هوما الملاء 00 فيه لكن أبدا ميتفقوش مع التلاميد و ديما يدمونا و يقولولنا نتومايا أصحاب الجنوب حتة يكره التلميد القرايا
•تصيب أولياء التلاميد يقولو لولادهم لازم تربحو زكارة في الغيارين -عادة مايكون الغيارين هم الاقارب- يا لوكان بالغش و و و .
....
•أنا شخصيا نشهدلك بوجود حالات كثيــــــــرة من الغش في الفحص و البيام و الباك و حتى الجامعة ادا حبيت
•الاستاد هنا ماعندو حتا قيمة ديمة مهان من طرف الجميع تصيب الاساتدة يحترمو رواحهم معا بعضاهم لكن في الحقيقة هم مهانين لدرجة أنو اللي يغني يحبوه و يقدروه أكثر من العالم ...
•كاين أساتدة متكبرين لدرجة أبدا متتوقعهاش صدقني لدرجة أنهم كي يشوفو تلميد يقرا يحطمولو معنوياتو خاطر مزعيين منو و هدا شئ رأيته بأم عيني ماني نحكي غير هاك
•منحكيلكش خويا على المستوى المنحط من علاقات المسؤولين و الاساتدة مع تلميداتهم و هدا ما رأيته بأم عيني
•التلاميد يجيبو البيام بالكيتمان أمبعد كي يطلعو ميصيبوش رواحهم خلاص
•في القسم قريب40 واحد أغلبهم مشوشين كيفاش راح نقراو ؟؟؟؟
هادو الاساسيين برك الا حبيت نزيدك نزيدك بصفتي نايلية متمدرسة في الجلفة و نسردلك الوقائع كيما هي ... لا نوادي ترفيهية ثقافية . ماكانش دورات تربوين ولا مسابقات ثقافية بجدارة ...