مشكورة سوسوسيرين
اياي نقلك وشتاهو صاير الرجال تصيبهيم في السيبار مع لبنات و يضلو لاسقين في النت هاذدي منتديات يتسكع فيها و يحط موضوع و يقرعج على لبنات متزوجة لالا اشهو اسمك كيما العضوية و لا شو هو اسمك قوليلي انا خوك ؟؟ و طاطاطاطا يعني يدسر على لبنات و يحوس يولس مشرف يعني مدير في الخيالات و العالم الافتراضي و الخرطي ههههه الله يبقي الستر و يظل يتسكع في الفايسبوك و من باعد يقلك ما صبتش بنت لحلال؟ و هو عايش في عالم وحدا اخر ههههه لاخدمة لازدمة و يحوس لمرا تشريلو سكنة ؟؟؟؟؟؟؟؟؟؟ هو علا راجل ماهوش طايق ماا يتزوجش هو تانيت نسموه عانس باسكو عنس ولادو يكبرو يصيبوه شيخ مدعدع
و من باعد يصيب كيفاه يراسل البنات بالرسائل الخاصة راكي عجبتني و باغي نخطبك ؟؟؟؟؟؟ و هو يتمسخر راه حاكي مع ميات بنت و داير 100 عضوية عضوية مسمي رحو لخضر و عضوة مسمي رحو مصطفي و اخر مسمي رحو الفرزدق و اخر مسمي رحو توم كروز 66 .........و من باعد كي يلعب بيها يقلها ماكتبش المكتوب شغل يمشي معاها الكترونيا و يرندفوو الكترونيا جاتو ساهلا خيرمن قدام الناس و يقعد يجامل فيها ردك جميل تحليلك هيايل
تانيت تصيبيهم في لقهاوي و عينيهم زايغين و علابالك شا يقولو يعني قاعدين يكحلو على لبنات و يجوز كل النهار باطل و باعديكاش يقلك ما صبتش بنت لحلال ؟
ايا حنونة قوليلي كيفاه عباد كي هاذون تقبلي و تتزوجي بيهم يضيعو في الوقت و من باعد يقلك مالقيتش لي تقبل بيا
الذكور نتاع هذا الوقت باغين المراة خدامة برا و الداخل خدامة عند اماليه و يحوس عليها طباخة و رقاصة و جيملة جدا و مربية اطفال و قارية و شغالة
و عندها الدراهم و خدامة و لازم تسكن مع اماليه و نهار كامل مربوطة في شنبرتها و جامي لاتروح لدارهم و اذا مرضت يوم يقلها اختك في السوق تربحي و لا نزوج عليك
بالمختصر الاغلبية كسولين و اتكاليين يضلو في الانترنيت و الزناقي و الماتشات و من باعد يقلك مالقيتش بنت لحلال
علاه هذاك الوقت لي يضيعو في الانترنيت يروح يصور فيه زوج دورو و يولي راجل و يدير الدار
لالا يقتل عمرو في التمسخير و من باعد يقلك راني راجل ماكانش قطار زواج و من باعد يدحسو القطار كي يولي 45 عام او خمسين رايح يزوج 18 تجيب الطفل الاول يموت هو او يصبح شيخ الله يبقي الستر
هاذوني الجماعة يطيحو على الخدامات باش يعانوهم في المصروف
يخزر فيها ورقةشيك يعني قاتلو الطمع هاذون
ايا قوليلي تقبلي بواحد هاك مشراط و تصيبيه هو لاخدام لازدام و يشبع للربعا نتاع الصباح في اخلاقو و في لونو و يتشرط نحوس عليها
و كي يصيب المهبولة لي تقبل بيه يقلك لا لا بالاك نصيب خير منها هي ماصدقت لقات راجل واقيلا ماهيش صالحة
نشوف وحدواخرى بالاك نتزوج ميقريا خير و نقطع لبحر
الفحلة تقعد في دار باباها و تبور معليش و لا تتزوج بواحد رويجل نص راجل يمرمدها و من باعد كي يدير لكتاف يقلها الله يسهل
شكرا على مرورك اختي مي وااله كاين شي رجال مازالهم رجال تاع صح و ملاح معنتها كيما مازال بنات الاصل مازالهم ولاد الاصل و ربي يجيب الخير ان شاء الله