لا ماحكيتلكش
بصح يخي تعرفي مشاكلنا حنا والإدارة تاعنا 
هما ما يرضاوش إلا إذا طبقوا قراراتهم
و لو كانوا على باطل
و حنا ما نتهناوش غير كي يرجع الحق ( مابين قوسين نحص القسم تاعي بالكلام )
الفصل الأخير تصوري ... أستاذ الرياضيات راح يعدي الآرمي
و حنا بقينا بلا أستاذ طيلة الشهر
الإدارة تعاملت معنا وكأننا لسنا تلاميذ باكالوريا
الأساتذة موجودين وحنا ماكناش نقراو في الرياضيات
قالونا بللي مالقاوش بالرغم من أنو أستاذ جا ليهم وطلب منهم أنو يأخذ بلاصة أستاذنا و رفضو
حنا أصرينا على أنو هذاك الأستاذ هو اللي يجي لينا
هههه .. جابونا واحد الأستاذ قبلو أقل مايقال عنه أنو جا يعقب بينا في الوقت
من بعد نحكيلك حكايتو
في آخر لحظة جانا هذاك الأستاذ اللي طلبناه ولكن بعد جهد جهيد
ما ندققش في التفاصيل على خاطر الإدارة هدفها دائما هو قسمنا ( طبعا بعد الحفلة تاع العام الماضي 
)
المهم اللي صار فينا يطيح المورال
كنت دائما ندعي تصير كاش حاجة نرجع بيها لوضعي الطبيعي والحمد لله بعد طول انتظار أول يوم في الباك قابلت أستاذتي تاع الأدب تاع العام الماضي
صدقيني فرحت بزاااف كي شفتها ... العام الماضي هي اللي كانت تطلعلي المورال كي تشوفني محبطة
و بعدها حكاتنا حقيقة جديدة كشفنا سرها من الحقائق اللي مخبيتهم إدارتنا