تعرفي علاه كل الزيجات الي تكون قبل الزواج عن حب فاشلة لانو حنا نبغوه في الاحلام مانبغوش في الواقع معنتها حنا نديرولو صورة من كريستال الشفاف حاسبينو ملاك نازال من السما و مع اول موقف الكريستال يتكسر و المشكل ماتقدريش تلميه مشكلتنا لما نبغو واحد حاسبينو عندو خاتم سليمان و لا العصى السحرية معنتها انا اذا هذا السيد قالي راح نسكنك في الجنة مانقبلش واحد يقولك كلمة نهار نتزوج بيه ماشي اذا صبتو مسكنى في دار في الدنيا نقولو الجنة وينها ماشي معنتها قالي مانقبلش عليك الكلمة نولي نداق في خلق ربي و نبدا بوالديه و نقولو ايا دافع عليا .الهدرة ساهلة معنتها قادر قبل ماندخل دارو يديرلي طريق في البحر مي انا تاني عندي عقل ماشي كل كلمة يقولهالي نحسبها صح و هو تني ماشي كل كلمة نقولها يحسبها صح معنتها مانبنوش لرواحنا جنة في الدنيا و حنا متاكدين انو الجنة كاين في الاخرة برك .الزواج ينجح عن علاقة حب مبنية على الواقع ماشي تبنات في عالم الاحلام و زيد الحب هو حلم مي الزواج هو الحقيقة و مكانش كيما الحقيقة الي تبنات على حلم ممكن تحقيقو في الواقع