مساء الخير عليكن جميعا
في الصيف
ضربي بياض بيضة بالمغرف ثم ضيفيلها ربع كأس عسيلة مشرية ( المرجان) + نصف كأس زيت + 2 مغارف كبار عصير القارص + ربع كأس ماء + 2 باكي سكر ناعم ( من الأحسن المرجان) و خلطي بالمغرف ثم ضيفي الماء حتى تتحصلي على القوام المطلوب
في الشتاء
ضربي 2 بياض بيض بالباتور كالثلج ثم ضيفي 3 مغارف كبار عصير القارص ثم عطر القارص ثم من باكي إلى 2 باكيات سكر ناعم حتى تتحصلي على عجينة كيما الفوندون ادلكيها مليح ثم ضيفي ماء الزهر بارد حتى تتحصلي على القوام المطلوب
ملاحظة
جربي بالحبة عند الغطس و إذا كان ثقيل بزاف زيدي ما الزهر و إذا كان خفيف زيدي سكر ناعم
عند استعمال الملون حليه في ماء دافئ ثم ضفيه للخليط
في طريقة الصيف لا نستعمل الباتور هنا الفرق و في الصيف نستعمل الزيت و في الشتاء لا لأن الزيت تخليه طري و ذلك لشدة الحرارة في الصيف و العكس في الشتاء
يمكن عدم استعمال كل السكر ننقص و ذلك على حسب كمية القلاصاج المطلوبة ننقص في السكر فقط و المقادير تبقى نفسها
صدقوني ما يبسش
ماتزعفيش أخت لينا لأني طولت عليك لأن الكراس ماكانش عندي و حبيت نحطلك المقادير المضوطة