راني حضرت تارت فراز من مطبخي و ان شاء الله تجربوها و تعجبكم
التحضير للكيكة
6 بيضات + 6 ملاعق أكل مملوءة سكر وتخفق في الخلاط على درجة سريعة بعدها نخفض السرعة مرة وهنا نضيف كاس زيت ونتركها تنخفق مرة أخرى
ونضيف5 الى 6 ملاعق كبيرة طحين +1 ملعقة كبيرة نشا + 2 خميرة الحلويات ويوضع برفق على الخليط حتى يحافظ على الهواء
يوضع في صينية وعلى الفرن درجة متوسطة
التزين
بعد ما طابت الكيكة قسمتها على 2 و سقيتها بسيرو
حضرت كريمة الزبدة و خلطت معاها شوية كرام شانتيه اخذت الجزء الاول من الكيكة و درتلها كريمة و من بعد ضفتلها الفراولة
و ناخدو الجزء الثاني من الكيكة و نضعها فوقها وغطيتها بالكرام شانتيه و في الجوانب درتلها كوكاو مرحي و زينتها بالفراولة
ان شاء الله تعجبكم و تجربوها
