[نجمة ساطعة]

السلام عليكم..... تمّ غلق الموضوع في قسم مشكلتي و كنت قد كتبت ردّي فأبيت إلاّ أن يقرأه الجميع

المشاركة الأصلية كتبت بواسطة عُضو مُحترم

شوف نفهّمك يا حبيبي

انا رجُل و نفهم العقلية مليح مليح

انت حاب وحدة تاع 17-19 تقّلشك

و تعيّشك المُراهقة اللي انت ما عشتهاش

يعني انت حاب ترجع صغير و تعيش la belle vie

و لهذا مش حاب تتزوج بهاذي اللي عمرها 30

وانت تعتبرها كبيرة و ( ما تعرفش تعيّشك و تقلّشك)

راك تحوّس على الأصغر و الاجمل

و هذا من حقك

ولكن اللي مش من حقك

هو انك تخلي الطفلة ترتبط بيك ( عاطفيا) و تخطبها

و امبعد تحبّس الخطبة؟؟؟؟

بغض النظر على الاذى النفسي اللي يلحقها

انت ما خممتش المجتمع واش رايح يقول عليها؟؟؟؟

علاه خطبها و بطّل

بالاك كاشما سمع عليها

او شاف عليها او او او ........

راك تعرف اللسان تاع المجتمع تاعنا


========

انا انصحك ان تفسخ خطوبتك منها

بما أنك مش مستحملها

و مستحيل تتزوج بوحدة ما تحبهاش

و تشوف فيها ( رخيصة ) و سايبة

و هي تتبع فيك و لاصقة فيك و انك أنت عنتر العبسي


و أكيد

هي ربيّ يجيبلها من هو خير منك

و انت ربي يجيبلك من هي خير منها


========
انا متأكد ان هذه الفتاة تعرف على الاقل تصنع 5 انواع حلويات و 5 اطباق

لما يجوك ضياف تحّمر لك وجهك امامهم

و تعرف تهدر

و تواجب الضياف

و تعرف تتعامل مع اهلك

و تعرف تربّي اولادها احسن تربية

و من خلال احتكاكها مع المتزوجات

تعرف الكثير الكثير على الزواج و الحياة الزوجية

و تعرف كيف تواجه الحياة و صعابها و كيما نقولو تاكلة على روحها

على الاقل تعرف أكثر مما تعرف بنت 17-20 ( مع احترامي لهُن)

و لكن لي فايتة بليلة ........ فايتة بعشرين حيلة

انتهى.

رجاء توقفوا عن سخافاتكم ما هذا ؟؟؟؟؟؟؟؟ لولا علمي أني في منتدى يعني نصفه خرطي

لاصبت بانهيار عصبي ....

بنت 17و 18 تقلشك ...و هل تعتقد يا هذا بنت 30 ما تعرفش تقلش شيء غريب فعلا

احطيكم علما الانثى التي يحبها الرجل في شخصيتها و ليس في سنها سواء كانت بنت 13 او بنت 30

و الدليل فشل بعض زيجات بنات 15 من الايام الاولى و نجاح زيجات الاخريات

افكار سخيفة من واقع مليء بالعقد