الســلام عليكم ورحمة الله تعالى وبركاته
أختي العزيزة شاءت الأقدار ان أرى موضوعك من بين آلاف المواضيع رغم انني لا ادخل كثيرا للنت
لكنها ليست صدفة بل الله يسخر عبادا لأجل عباد صالحين ..بدون اطالة ركزي معي جيدا
منذ ان كنت صغيرة وجدتي الله يطول في عمرها تطيب وحد الأعشاب وتمدها للناس في سبيل الله
ومن بين هذي الادوية دواء الاكزيما .. والله على ما اقول شهيد
يجو بزاف ناس كبار وصغار نساء ورجال مساكين طايبين عد ما جربو كل انواع الادوية والمستحضرات باغلى الاثمان
وانا في يوم من الايام كي كبرت قلت لازم نسجل هذي الادوية ونهديها في سبيل الله وباذن الله ستشفى ابنتك خطراكش قلتلك جاونا بزاف ناس وبشوفت العين رجعو صافيين كي لحليب
المهم .. الوصفة ساهلة ارجو تجربيها انتي وكل مريض
* نص رطل حرمل + نص رطل مثنان + 50غ عسل حر + نص رطل خروع + 1 كيلو شيح +200غ توتية +200غ كبريت +قليل من الشب +100غ اللوز المر +1 كلغ بصل +1كلغ ثوم عربي *يعني الثوم لحمر* + 12قرعة قازوز صغيرة نتاع قطران *هكذا تتباع عند العطار +كيلو دهان او زبدة مسوس نتاع البقرة
الطريقة لي تحضري بيها الدوا
تحطي الدهان او الزبدة المسوس في اناء كبير *برمة قيس شهر هكاك* وتضيفيلها جميع الاعشاب وتكون مرحية *رطبيهم مليح* وتخليهم يغلو مع بعض على نار هادية حتى يطيبو كامل ويولو على شكل نشا
ومن بعد تحطيهم يبردو وتجمعيهم في اناء كبير ومغلق *بورت مونجي مسكرة مليح* وتضعيهم في الثلاجة .
تقبضي بنتك تغسليلها بصابون الحجرة وكاين يقلو صابون لعرب او صابون الطرف مع ماء دافىء وتحاولي تنزعيلها القشور وتنظفيها جيدا ومن باعد تنشفيها وتوضعي الدواء
ملاحظة : رح يحرقها شوي خليها تستحمل اختي وان شاءالله كيما قلتلك نتيجة مضمونة
ولازم ديما تغسليلها بصابون الحجرة ماتغسليلهاش بصابون اخر
ان شاءالله نكون بلغت بشي لي راه عندي وانا شفت بعيني ناس بزاف براو بفضل ربي سبحانو هو لول وبفضل هذا الدواء
اختي اجرتي ان تدعيلي بالستر في الدنيا والاخرة وربي يشافيلك بنتك وجميع مرضى المسلمين
آآآمين