السلام عليكم
انا من النوع اللي نهرب من المشاكل الزوجية واللي يكون نوع الزوج له دور كبير فيها مثلا انا زوجي عصبي جدا كي يهدر هديك الدقيقة نقول غير ايه انعم وبلعقل بلعقل نقنعوا بلي حبيت انا يعني نجيبها فهامة والله نطلق غير بالخشونية تاع الراس تاعوا صافي انا عرفت نقطة الضعف تاعوا وهو ثاني كي نبدا انا نبكي ونشكي هو يسمع برك مايزيدش عليها
كل زوج عندوا نقطة ضعف ادا اكتشفتها المراة راهي تهنات طول حياتها وراح يكونوا متفاهمين دايما
وايضا الراجل ومن خلال ملاحظاتي انوا مايحبش المراة تفرض رايها ولا حتى شيء لازم دايما المراة تحسس زوجها انوا هو مول الكلمة فالدار وهو كلش وهي موراه وعلابالي شحال من وحدة راح تعارضني الراي بصح ياختي انا شفت بلي علاه لالا ايه هو مول الكلمة وكلش اللي قبلنا عاشوا حياتهم كامل هكدا وراهي ناجحة مية بالمية ملي تبدلت الحالة دار الشرع ولات فيها لاشان
يعني انوا المراة هي اللي لازم تعرف تتفادى المشاكل الزوجية وفي بعض الاحيان الزوج يتفهم زوجتوا ايضا
انا هدا رايي يعبر عليا وكل واحد وراييوا
شكرا على الموضعو للاسف مالقيتش ردود كنت حابة نقرا راي الاعضاء