[نيفرتيتي.]

المشاركة الأصلية كتبت بواسطة om mo3ad

لالا أختي كيفاه ماوزال صغير و كيما يقولو العادات تتعلم في سن 3 إلى 4 سنوات
أنا ولدي درك 3 سنوات و كي يروح للتواليت يقولي نغسل وحدي و أنا نوقف معاه و نوريلو و نقولو إغسل يدك و كي شافنا نصب الماء و نغسل التواليت يدير كيفي حتى هو و يصب القريزيل
حتى ساعات نلقاه صبها كامل

و تضحكي عليا مرة سقساني على السافورال قلتلو ا نغسلو بيه
كي راح للتواليت غسل بيه فرغلي القرعة بلا ما عيطلي
حتى نشم في ريحة السافورال هههههههههههههه


يعني اللي حبيت نقولو الطريقة إنك توقفي معاه و كل مرة يدير حاجة و إنت معاه
يعني بالتدريج حتى تشوفيه يخدم كلش وحدو و ما يحتاجكش أبداي كل مرة أخرجي من التواليت و قوليلو أغسل درك
نجي و هكا يوالف وحدو
و هي عادة
و ثاني مع الكلام و التشجيع و تفهميه بضرورة أنو يغسل و ولدي كبر وووووووو

يعني الله يبارك راهو يفهم
و الصغار الكل يفهموكي تتكلمي معاهم


و ربي يعينك أختي

يا اختي حكاية السافوريل راهي عندنا الكل ومانشم كان ريحتو حتى نلقاه كبو ههههههههههههههه
والحمد\ لله راه يفهم
نجرب بالعقل نشالله حتى نتهنى منو