[أنا أمهم]

المشاركة الأصلية كتبت بواسطة ام دودة

شكرا حبيبتي حتى انا مازال يبانلي صغير بصح كاين اللي قالولي بلي لازم يتعلم

سامحني أم دودة لكن جلبتني هذه الجملة !!!!!!! شوفي التناقض اللي فيها : انت مقتنعة اللي ولدك مازال صغير , لكن آراء الناس هي اللي قلقتك !!!!

و الله توتري في روحك يا أم دودة, أعملي اللي يضهرك منطقي , إذا انت تشوفي اللي ولدك مازال صغير من غير ما تقلقي روحك, يتعلم بالشوية بالشوية , من غير ما تخافي , يجي يوم و تلقاه تعلم.

سامحني أم دودة أما و الله غاضتني حالك, خاطر تفكريني في روحي !!!! وقت اللي بنتي صغيرة , الناس الكل ولاو حكماء : لازم تعلميها تاكل وحدها, لازم تنحيلها الحفاظ, لازم بنتك تسمن, لازم بنتك تتكلم, لازم بنتك ..........لازم لازم لازم.... و شكون الضحية ؟؟؟ أنا اللي صرت متوترة و نحس اللي بنتي موش عادية, و بنتي اللي هي حياتي وليت نضرب فيها (بكل أسف)

و في الأخير اكتشفت ان بنتي أحسن من أطفالهم الكل و متقدمة على أطفالهم في كل شي و لله الحمد !!!! يا أم دودة انت فقط اللي تحكمي على أطفالك شنو اللي يصلح بيهم و في أي وقت بالضبط. هذه غريزة الأم !!!!!