السلام عليكم و رحمة الله و بركاته
رجعت ليكم بصوفة جديدة و حصرية طبعا من مطبخي بعد كيكة الفراشة
وصفتنا ليوم ان شاء الله رايحة تكون les palmiers و هي حلوىمصنوعة من عجينة viennoiserie
و هي نوع من العجينة تسبع للبريوش و لكن بطريقة مختلفة شوية...تبعوا معايا
نحتاجوا للمقادير التالية
-600غ فرينة
-200غ زبدة
-60غ سكر
-50غ خميرة
-1 بيضة
-20سل حليب
-نص ملعقة صغيرة ملح
-فانيليا
الطريقة
هاهي المقادير كلها امامكم
نبداو باول حاجة و هي انو ندوبوا الزبدة و الحليب مع بعض فوق النار و نخلوهم يدفاو شوية
بعدها نديروا باقي المقادير في عجانة او اعجنوا بيدكم و ابداو تعجنوا و باضافة الزبدة و الحليب
نعجنوها مدة 5 دقايق و نغطوا لعجينة بقطعة بلاستيك و نخلوها تخمر
في هاد الوقت نوجدوا واحد الحاجة تجي في الوسط
ههههههههههههههه
نخلطوا 100غ زبدةو 100غ سكرو 2 ملاعق كبار نشا و فانيليا مع بعض و نخلوهم على جيهة
بعدما تخمر لجينة نحلوها رقيقة و ندهنوا قفوقها الخليط لي كنا وجدنا
نلفوها حتى نتحصلوا على حربوش مايكونش غليظ بزاف نزيدوا نلفوه حتى يزيد يرقاق
انا هنا خدمت بكل كمية لعجينة ادا تحبوا تقسموها على تنين و تصنعوا كل حربوش وحده
بعدها نقطعوا اشكال بهاد الطريقة ...نقطعوا حربيش صغار هكدا و نزيدوا نقسوهم في النص ..نديروهم
في صنينة فرن و نهدنوهم بالبيض و نزيدوا نخلوهم يخمروا و ندخلوهم للفرن حتى يطيبوا
و هاهوما واجدين ...درت ليهم من فوق النابج باش يعطيلهم لمعة شابة
يجوا خفاااااااااااف بزاف و طريين و لبنة نتاعهم تهبل نتاع لفانيليا
يارب تكون عجبتكم وصفتي نتاع ليوم و للمرة لاقادمة ان شاء الله
دعواتكم معايا
