[أم سراج الدين]

هاذا حنا عندنا في قسنطينة نسموه بوفريوة

المقادير
250 زبدة fleurial احسن وحدة ندير بيها القاطو
100 غ سكر رطب
بيضة كاملة و صفار بيضة
و الفرينة تشيحي بيها انا نخدم ب la belle

تخدمي الزبدة مليح تزيديلها السكر اخدمي حتى يدوب باليد طبعا زيدي البيض ثو شيحي الفرينة حتى تتحصلي على عجينة طرية ماتيبسيهاش

خليها ترتاح كلما ارتاحة بززاف كلما سهلتلك الخدمة

جيبي لمول و حطي فيها العجينة و اخدمي بيدك حتى تصوبيه انا ندير لمول قدامي دير كورات صغار نحطهم في المول ثو نخدم و نطلع لعجينة الزايدة ثم نطيبهم و نكمل حتى تخلاص لعجينة

نطيب نستليه و نعمر بيه من داخل و من فوق ندير شوية نستليه و les noisettes و شهية ططيبة