[انتي بلون الورد]

المشاركة الأصلية كتبت بواسطة ريحان الجزائر

السلام عليكم و رحمة الله و بركاته أختي لعزيزة لازم طيبيه فوق ورق الطهي راهو يجي لونه بني تلقايه عند لحوانت يبيعوه كيما لانيمينيوم و لا سيلوفان هاداك ديريه في سنيوة تكون مربعة و لا مستطيلة و فرغي فوقو الخليط تاعك لازم يكون جاري و حطيه يطيب و بعد ما يطيب حطي طرشون و لا طرف قماش فوق الطاولة و أقلبي السنيوة لي طاب فيها القاطو تاعك فوقو (يجي القاطو فوق القماش) و نحي ورق الطهي براحتك راهو يتنحا بلخف و مايلسقش أمبعد لما تنحيه شبحي القاطو تاعك كيما حبيتي وبداي رولي فيه من طرف و كملي حتى يخلاص شغل كيما ترولي الزربية هههههههههههههههههههههههه عفوا لكن باش تفهمي برك و زيدي زينيه على حساب الوصفة لي راكي حابتها و ساهل ماتتحيريش و الله يكون في عونك بالتوفيق