مرحبا بيكم مرة أخرى , هنا نكمل نوريكم طريقة تقديمي لخبزتي العزيزة (مع إنه يمكن تقديمها كما هي) بعد فرحتي الكبيرة بالخبزة , قلت لازم نحتفلو بيها ههههههههه ( هي مش أقل من الكيكات!!!!!! صحيح و الا أنا غالطة ؟؟؟ هههههههه) قصيتها على اثنين : شربتهم الاثنين ( زيت زيتون و زيت التن مخلوطين) ثم زدت شربتهم صالصة حمراء (مثل صالصة البييزا بالضبط) مفوحة بالكليل و الزعتر زينتها بسلاطة (طماطم و فلفل و بصل مقطعين و مفوحين بالملح و زيت الزيتون) من بعد زينتها ببطاطا و بتراف مسموطين في الماء و الملح بيض مسموط, زيتون أخضر و أسود و من فوق تن . خسارة لو كان جا عندي موزاريلا راني حطيت من فوق و سخنتلها الفرن من فوق لمدة دقيقتين راهي خرجت تهبل (باقي طامعة نزيد ههههههههه) ثم رجعت النصف اللي من فوق (نسيت نقوللكم تعملو أمارة في الخبزة قبل ما تقصوها باش ترجعوها متطابقة) و قدمتها سندويتشات ههههههههههه هذا في المحاولة السابقة (فاشلة نسبيا ههههه بسبب العجينة و الطبق المستعمل ) قدمتها بهذا الشكل: إن شاء الله تكون خبزتي عجبتكم و تجربوها (موش لازم تعملوها سندويتشات هههههههه) دعواتكم