[ahmedchek]

المشاركة الأصلية كتبت بواسطة طاب جناني

القضية أكبر من تنسيقية المدراء هذي ولي ولدت بشلاغمها لدرجة أن الناطق الرسمي باسم النقابة نتاعنا قالك ربما تحقق ما عجز مناضليو الاتحاد بالكل على تحقيقه؟؟؟؟ المشكل يا خاوتي في الجماع نتاع المكتب نتاع النقابة ولي ديما رنا نقولو دايرين رايهم وما علا بالهمش بالقاعدة التربوية لي راهي تسعين بالمئة مشكلة من المعلمين والأساتذة ولي هي تصنع الحدث النقابي بامتياز..

أنا حبيت نطرح سؤال هل فكرة التنسيقية نتاع المدراء اقترحت من القاعدة ولا فرضت من الجماعة نتاع المكتب .أنا نتحدى أي انسان نقابي في اينباف ويكون عندو الشجاعة وراجل ويقول نوقشت وصودق على انشاءها من القاعدة يعني من في اجتماعات نقابية على مستوى البلديات والدوائر و جميع الولايات ومن بعد على مستوى المجلس الوطني للنقابة .

راني قلت مرارا وتكرارا أن القرار النقابي نتاع النقابة قد صودر من طرفة جماعة مشكلة من زوج ولا ثلاثة جمعو كل الصلاحيات نتاع جميع المؤسسات النقابية وراهم يقولونا نديرو فيكم وبيكم واش نحبو لأنكم ما زال ما لحقتوش درجة الوعي لي تخليكم تسألون وتحاسبون وتتابعون وتقررون.

وإلى أن يسترجع القرار النقابي من طرف القاعدة التربوية وتفعل المؤسسات و تحدد صلاحيات الجميع ويتم فتح ملف القانون الداخلي للمناقشة والتصحيح وتحدد الأولويات والاستراتيجية المستقبلية للنقابة سنظل نصرخ في وجه كل من صادر القرار النقابي لمئات الألاف من المنخرطين ويرفضالحوار الجاد وينعت كل من يريد ذلك بالخائن والمشكك والعدو.....

هذه اللجنة اخي كونها عمراوي حصريا بعد48ساعة من ظهور نتائج احتجاج الكنابست وظهور منصب الاستاذ المكون وببيان من صياغة عمراوي.....وخلاصتها لا نقبل تساوي الرئيس والمرؤوس

هذا هو تفكير عمراوي الرئيس فالرئيس عنده لا يستطيع ممارسة سلطته الا اذا كان اكبر تصنيفا

---والسؤال المطروح..هل يصلح هذا الرئيس ان يكون قائد نقابي يدافع على المرؤوس اذا مسه تجاوز ما من الرئيس