[walido2011]

السلام عليكم
اليوم درت لي مورانغ هي ساهلة بزاف و ما فيهاش بزاف مقادير
المقادير :
4 بياض بيض
280 غ سكر
طريقة التحضير:
نفصل الصفار عن البياض و حداري وقوع الصفار داخل البياض و نصيحة إدا طاحلك شويا صفار داخل البياض تغيريه

نرش الباض برشة ملح لأنه يساعد في البياض حتى يشد روحو

نجهز حمام مائي ونضع البياض فوق الحمام

نجهز الخفاقة ونبدا نخفق


حتى نشوف البياض ولا كي الرغوة و شايد روحو مايطيحش

نبدا نضيف فالسكر بشويا ونخلط

حتى يصبح هكدا

نجهز لابوشادوي

نعمرها بالخليط وندير دوائر صغيرة


نجهز ورقة من الأمنيوم نكرفصها بش نحطها على حافة باب الفرن لكي يدخل الهواء للفرن

ندخل السنيوا للفرن

و نضع ورقة الأمنيوم في حافة الباب هكدا

نسخن الفرن ما بين 50° إلى 100° ونتركهم يطيبو ساعة أو أكثر الحقيقة هوما ينشفو برك مالازمش يحمارو لوكان يحمارو ييبسو ومايولوش لي مورانغ
وهاهم بعد ما طابو


وكاين لي عملتهم بالأصفر والأخضر

ونتمنى أنكم تجربوهم