المتآمرون الحاقدون الرافضون المخادعون الناقدون المستفزون المرجفون الخائنون ............... والله يا إخوتي خايف نروح لنار إذا كانت عندي غير وحدة منهم وعلى حساب الجماعة لي راه قلبها محروق على الجماعة نتاع المكتب الوطني راهم كامل فيا .أنا حبيت نقول حاجة وحدة واش رايح نستفيد كي ننتقد مواقف الجماعة نتاع المكتب نتاع النقابة لي ضيعت حقوق الموظفين في القانون الخاص .فهموني برك هل رأيتم واحد يحب أن يخرب بيته بيده ما عدا إذا كان مهبول وما نيش حاس روحي لحقت لهذه الدرجة .وزيد هل هم معصومون ومنزهون حتى نتغاضى عن المطالبة بكشف الحساب وفتح القانون الداخلي للمراجعة المستعجلة خلال فترة الصيف لكي لا نكرر نفس الأخطاء.أنا نختم فقطة وتفكرت قصة الصحابي عمر الفاروق منين خطب في الناس عندما تولى الخلافة وقال : لو رأيتم فيا إعوجاجا فقوموني.فيندب له رجل من عامة المسلمين يقول : لو وجدنا فيك إعوجاجا لقومناك بحد سيوفنا . فما يزيد عمر على أن يقول : الحمد لله الذي جعل في رعية عمر من يقومه بحد سيفه.
يا جماعة ربي يهدينا الكل . احنا رنا نطرح في المواقف ونتدارس في الاختلالات لي رانا نشوفو فيها ولي تأثر على تحقيق مطالب منخرطي النقابة ونقترح في حلول جدية وبناءة لكي نضمن استمرار هذا الصرح النقابي لي ما نسمحوش باش يكون هو شخص معين ولا مجموعة معينة . هل نحن متآمرون ؟