بخصوص موقف الشيخ حازم فهو يرى ان اختيار ابو الفتوح اخف من اختيار غيره
وموضوع المقر دا تم اظهاره فى الاعلام بصورة مشبوهة , لان ببساطة الشيخ حازم لا يملك اى مقرات , واحنا مش حزب علشان نتنازل عن مقرات لحد , دى بتبقى شقق مؤجرة بصفة مؤقتة ولما الشيخ حازم استبعد بيتم اخلاء المقرات , فالمقر بتاع الاقصر اخده واحد من حملة صباحى ايه بقى المشكلة ؟
اما بالنسبة لموقف ابو الفتوح وقضية تهدئة الرأى العام بخصوص المجلس العسكرى , بقى قتل واعتقال وتعذيب الناس وهتك الاعراض الرد عليه يبقى ان طنطاوى رجل وطنى وشريف ؟ لا والله ونعم التهدئة , اهو النوعية دى من التهدئة بيبقى ليها اسم تانى حضرتك عارفاه؟
اما الاستبن ابو الفتوح فدى حقيقة , شوفى مثلا وائل غنيم وعبد الرحمن يوسف وبلال فضل وغيرهم كتير من رموز حملته الانتخابية كلهم كانوا اتباع البرادعى يبقى استبن ولا مش استبن؟
اما انصار الشيخ حازم فبصراحة بعد الشيخ حازم مايملاش عينهم لا ابو الفتوح ولا غيره .
ام وبخصوص الفلول لو حضرتك شايفة نفسك من النظام السابق ومن الفلول فدا شىء يخصك لكن عن نفسى لم اكن يوما من النظام السابق والحمد لله , لكن فى النهاية الفلول دمروا البلد على مدى عشرات السنين ولا يمكن ائتمانهم عليها مرة ثانية الا لو كنا حمقى او مغفلين او متآمرين .
وبالنسبة لابو الفتوح فهو بنفسه اللى قال انه ليس اسلامى انما محافظ يميل لليسار
وفى النهاية كما قلت سابقا نحن لا نختار الافضل لكن نختار الاقل سوءا , وهذا قدرنا بعد استبعاد الكبار .