[النجمة القطبية]

ولكن يا اخى ما هو ذنب الشعب اذا كان التعليم فى الجزائر مفرنس وكل شئ مفرنس
عندك مثلا هاذا الامر كان موجود اكثر فى جيل الاباء لان دراستهم فرنسى
حتى الدراهم مازال كاين ناس تقولك Dix Mille Francs
الجامعات مثلا الكثير فيهم الدراسة بالفرنسية مئة بالمئة وخاصة العلمية مثل الطب والصيدلة والبيولوجيا ولو تهدر مع الاستاذ بالعربية راح يطردك من الحصة واحتمال ان لم تحسن الكلام يوجهلك الانتقاد
للاسف مازال كاين ناس ترسخ هذا الاعتقاد ان الطبقة المثقفة لازم تتكلم فرنسية بالضرورة
اعتقاد موجود ابتداءا من الناس اللى تحكم بلادنا واللى يعجزو حتى يكونو جملة بالعربية ولا يخجلون رغم ذلك وتشوفهم يمسكون الورقة ويتلعثمون ويقرا من الورقة باش يقول جملة ونورمال وصولا للاستاذ وحتى الشعب البسيط