اقتباس:
المشاركة الأصلية كتبت بواسطة *ام رامي*
السلام عليكمشوفي اختي
انافي غالب الاحيان ندير هكذا
جيبي دجاجة ديري شربة فريك بالالاجنحة والرقبة والقانصة
طبق رئيسي ارز ديريه باطراف الدجاج الصحيحة حسب عدد الافراد وخلي قطعة دجاج ارحيها نية زيديلها ملعقتين كبيرتين ارز طايب وبيضة وتوابل وكعبريها اقليهم ثم غليهم في شوية من مرق الارز مع كمشة حمص وزيتون اخضر وزيني بيهم الارز مع البيض المسلوق ويكون الطبق واسع وفخم
مقبل ديري دولمة باللحم المفروم ديري كريات كبيرة احشيهم بالجبن وطيبيهم مرق ابيض مع زيتون اخضر عقدي بصفار بيضة وشوية فرينة وقارس
للتغميس ديري حميص حار بزيت الزيتون وسلاطة ديري كيما السلاطة اللي حطيتها مفورة ومنوعة
انا المطلوع نديره في وقت الفراغ ونحطه في اكياس ونديره في الكونجيلاتور ونخرجه ونسخنه فوق طاجين او في الفرن يرجع جديد وهكذا ما نتعبش في نفس اليوم
التحلية ديري فلان الطبقات او سلاطة الفواكه
ان شاء الله اكون افدتك
|
يعطيك الصحة اختي ام رامي رانا درناها خلاص و جازت بيان و دوك انحطلك اتشوفي