المشكل إخوتي ماشي في إداري على رأس النقابة المشكل انو في النقابة مكانش مؤسسات مبنية على التمثيل الحقيقي ولي قادرة تنقل وبصدق مشاكل المعلمين والأساتذة وتدافع عنهم بقوة . الجماعة نتاع المكتب الوطني يرفضون أي محاولة لتدارس إمكانية مراجعة المشاكل التنظيمية في بيت الاتحاد ولي تخلي مكتب ممثل من مديرين يجلس ولمدة طويلة على رأسه وله الصلاحيات المطلقة في جميع الملفات بدون آلية تسمح بالمحاسبة والمراجعة وإعداد الملفات بكل تفاصيلها ولي يقول هناك مؤسسات في الاتحاد راه غالط كل شيء صوري وشكلي . ومن بعد يجي بعد ما تفرها فينا ويقول انتوما لي غالطين ومادرتوش اضراب . يا خي قولتو في البيانات الرسمية الاضراب ناجح و الأن تقولو الإضراب فشل يعني هدرة الوزارة صح. ما عدناش نعرفو وين رايح هذ المكتب نتاع النقابة بينا كل يوم هدرة جديدة وحيلة جديدة وتبرير جديد ولكن في الأخير ضاعت حقوقنا لأننا نخاف من أن نقول للمحسن أحسنت وللمسيء أسأت و نخاف أن ناخذ موقف صارم ونحبوا ونرضاو بالشخص لي يكذب علينا .