اقتباس:
المشاركة الأصلية كتبت بواسطة biologie82
اخي عبدو ها انا دا ارد على موضوعك
اوافقك الرأي هده هي نظرة المجتمع اصبحت نظرة مادية بحتة للاسف لعندو دورو يسوى دورو ولعندو مليار يسوى مليار
لكني اطمئنك ليس كل الناس لهم نفس النظرة. هكدا باش تعرف الحبيب من العدو ودوام الحال من المحال وان شاء الله رايحة تفرج اصبر برك
انا نهار كنت نقرا دورو ماكنت نسعاه ماكونتش نعرف السوارد ابي حفظه الله ماكانش يلحق باش يعطينا,غير يكفينا في الماكلة والقراية
نهار طلعت الجامعة تقريبا نفس الشيء( الحمد لله اني قريت في ولايتي ) لابورس هاديك كنت نشري بها الضروريات والضروريات فقط ونزيد نعطيهوم منها في الدار
نهار تخرجت كفكيف عانيت من البطالة حتى عقود ماقبل التشغيل والشبكة كانت بالمحسوبية والمعرفة.
بعدها قررت اني نكمل ماجيستير غير خلصت توظفت مباشرة في الجامعة والحمد لله.تما عرفت الناس وعقليتهم الخاسرة والله تحير فيهوم كفاش يتبدلو معاك كيلقاوك طلعت بيك يولو يديرولك حساب والشان والله انا هادو الناس مانقيمهوم خلاص.بالعكس راني مازولت نحس بالناس ليعانيو وراني ديما معاهوم
والله نقولك صح السوارد مهمين بزاف في وقتنا ماشي باش يديرولك الناس القيمة ,باش تعيش حياتك براحتك .بصح الاخلاق والدين يبقاو اهم منهوم,غير الناس لطماعين ومشتاقين ليحكمو عل القيمة بالسوارد
المهم الصبر ثم الصبر في كل الامور وربي يفرجها
تقبلو مروري
|
بارك الله فيك أختي
بالفعل هذا ما نراه في الواقع ونفس كلامك هو كلامي
اما عن الصبر الحمد لله انا و صابر ولم اشتكي لحد اما كلامي فهو لإثراء النقاش وليش تذمر أو شيء آخر
وبارك الله فيك واقولك شيء الذي مر على الأشواك ونجح هذا يدل على عنه قد تحمل الصعاب وسيتحققي بإذن الله نجاحات أخرى
وإن شاء الله تبري بوالديك
بارك الله فيك أختي والله اسعدني مرورك كثيرا