اسفة على الازعاج لكن أطلب المساعدة منكم

[مشكلتي]

سلام عليكم


ارجو منكم ان تساعدوني

انا فتاة عمري 17 سنة
أحب شخص اكبر مني بـ11 سنة المشكل أني متعلقة بيه بزااااف عندنا مع بعض اكثر من ثلاث سنوات وهو قالي نجي نخطبك بعدما تجوزي الباك وراني حااااايرة من جيهة دارنا مايقلبلوش لانو كبير عليا بزاف وماشي من مدينة تاعنا وحابيني نكمل لقراية لأني ناجحة فيها مع انو قالي تقدري تكمليها

[منهاج]

السلام عليكم

الراجل كي راه طالب الحلال قولي لوالديك وتوكلي على ربي واستخيري ولي فيها الخير ربي يقدمها

[amel_star]

ربي يوفقك و لي طالبك في الخير و الحلال ما تخافيش منه كوني صريحة مع والديك
و ان شاء الله يتفهموك و العمر بينك و بينه ما يهمش لانه من المستحيل يكسر الحواجز مهما كانت
ان شاء الله تتهناي بحياتك و انت صغيرة ما تخافيش

[j.p.sarter]

17 سنة ديجا ودرتي لافار وخطبة ومانيش عارف واش....والله عجب ..وين بنتي يا طفلة.....ياك مازلت بنوتة كتكوتة .

[فيفان]

و تقولي كنتي معه اكثر من ثلاث سنوات يعني كنتي في سن 14سنة !!!!!!!!!!!!
المهم اذاكان جاد يتقدم ليطلبك من اهلك احسن ماتكملي علاقة الى مالانهاية

[جسر الأمل]

تعرفيه في 3 سنين يعني كان عمرك 14 ا بن عمي شوالا هدا راكم طيرو هههههههههههههه
شوفي قوليله يتقدم ومن بعد ساهل الحال كاش حاجة يفريها مع داركم يعني ادا بغاك تكملي قرايتك يفهم باباك ويقوله ماتخافش تكمل قرايتها عندي
وربي يسهلك

[نجمة ساطعة]

الله يبارك تلحقي قدي ولدك يفوت شهادة التعليم المتوسط .......ما شاء الله

[معجزة الاكوان]

كلش كلش غير سمعتك وشرفك الا راحو ميرجعوش
مازالكي صغيرة
اذا قدرتو تقنعو داركم اللهم بارك
اذا مقدرتوش اقطعي علاقتك بيه نهائيا
لانها علاقة غير شرعية وقادرة تكبار مبعد
واكديلو في مكالمة اخيرة بلي تستنايه
ونهار ما يقبلو داركم يجي

[slimeline]

انا 20 سنة بلا عمل و لا مستقبل

[نيل المنى]

يا أختي أفضل حل هو أن تصبح العلاقة واضحة أمام أهلك و أهله،خاصة و أنك في هاته السن.
خليه يتقدم و والديك"يتهلاو فيه"
بالتوفيق.

[slimeline]

هاذي كولومبو ما يحلهاش 17 سنة طايحة منذ 3 سنوات قمة حرقتولي راسي مخلطة بالنعاس

[عربية الهوية]

امني بالغولة لوكان عينو يخطبك يخطبك من قبل
مشي بعد 3 سنين هذا راه جايب بيك الوقت نيشان
ومعاه في 3 سنين هههههههههه والله ضحكتيني
3 سنين معصية وخطايا
الله يهديك اختي
راكي مرا الله يبارك عمرك 17 سنة نورمالمو ايجي يخطبك واش راه يستنا متقوليليش راه يكون في روحو
ووالديك علاه ميقبلوش 11 سنة مافيها والو
يعني عمره 29 سنة
مهوش كبير بزاف
انتم خيرتو طريق الحرام وتحوسيها تجيك ساهلة

[hidayasoun]

السلام عليكم :أنا من خلال خبرتي في الحياة نصيحتي الأساسية لك هي اكمال دراستك أولا لأن هذا الرجل حتى إذا خطبك و تزوجت ممكن يجي يوم يحدث شيئ يفرقكم تلقاي فيه غير سلاحك وهو ديبلومك أما الخطبة أنا في بالي زيدي فكري 11 سنة معناها بيناتكم جيل كامل قادر بعد الزواج ما تتفاهموش و الأغلب الرجل اللي يدير علاقة مع فتاة صغيرة كيفك أكيد مش ناوي الحلال .
أختي العزيزة حافظي على نفسك قبل الندم

[الياس خلاف]

نصيحة مني : اقطعي العلاقة مباشرة ... ويوم تصبحين مستعدة لزواج بعد رضا والديك اخبريه .
17 سنة حب الله فقط . غيره يعتبر محرم .

[بلسم غرام2018]

28 وااااااااااااااااااااااااااااااااااااااااااو التحبيه احكي مع والدجيك

[Mustapha93]

اختي متقوليش نعرفو في ***** لانو اذا كان من ***** على الارجه راكي 3 ولا رابعة
منسيئش الظن بيه بصح اسمحيلي غلطتي اختي
ولي عملتيه مش راح يفرح والديك ويرفع راسهم من 14 سنة يا الله وين كانو والديك برك
ننصحك لوجه الله .................كلمة وحدة اغلبهم ذئاااااااااااب ................
اذا كان حاب يتقدم يجي لدار كان مكانش اقطعي قبل فوا ت الاوان

[soso sirin]

خلعتيني علابالك والله 17 سنة و راكي تخممي في الزواج و بغيتيه و عمرك 14 سنة انا الصح هذا الجيل راه مخوفني كون نقلك حاجة انا كان عمري 22سنة نهار جا واحد و بغى يخطبني كنت نقرى في الجامعة و قلت لالا مازالني مانيش واجدة للزواج .نقلك حاجة اختي روحي قبضي كاش كراس تاع مات و لا عربية و قراي على روحك العام الجاي عندكالباك ان شاء الله و زيد راكي تقولي راكي مليحة في القرايا امالا ماليك بلاك مايقبلوكش و زيد ماراكيش شايفة واش راهم حالات الطلاق و تقدري تنسايه ماتقوليش مانقدرش لانو انتي اصلا هاذو مشاعر تاع مراهقة و اذا راكي حاسة روحك قد المسؤولية روحي قولي لماليك لانو الحالة كي طول راه تتغبني .انا الصح دايمن نقولها لاختي الصغيرة نتوما جيل التسعينات جيل كارثة باغيين تحرقو مراحل حياتكم بلخف و باغيين تدو كلشي و في دقيقة وحدا

[malak annaba]

اسمحلي اختي منفهمش في لحوايج هادي بصح اني نقلك مادبيك والديك علي خاطر الراجل يتعوض مي امك وباباك لالا

[سماء الامل]

ليس المشكل في الفرق في العمربينكم ..لاننا شفنا حالات كتيرة منها الناجح ومنها لا
لكن المشكل في عمرك انتي
يعني راكي صغير وفي فترة مراهقة ...عواطفك مهيش مستقرة درك انتي راها تبانلك تحبيه ...لكن هدا ولف نتيجة 3 سنوات
لكن عزيزتي انا نصيحتي ليك...الهاي بقرايتك وتخرجي وراه ربي ايجيبلك مكتوبك اشتا هو ولا غيروا..
من الاحسن تحاولي تبعدي عنوا شوي شوي ...حتان تلقاي روحك نسيتيه

[قلم : داعية]

السلام عليكم ورحمة الله

الاخلاق تنبت كالنبات اذا سقيت بماء المكرمات

رايت ان تحفظي ماء وجه ابيك


وهذه نصيحة لفتاة تعلقت بشاب

http://www.youtube.com/watch?v=zWKnnUPWFqk&feature=related

[سجل أنا جزائري]

سبحان الله تسمى 14 سنة بديتي تحبي !!

ربي يهديك و يهدي ولديك اللي وراولكش صلاحك

ان شاء الله برك تفيقي لعمرك قبل ما يفوت الوقت ....