هل أجد من تقبل بي؟

[مشكلتي]

خاوتي انا شاب ديابيتيك و ندير ف الانسولين و دوكا في عمري 30 سنة و حبيت نتزوج كيما صحابي مي على حساب هدرة الناس قالولي مش رايحين يقبلو بيك لبنات و علابالكم انا حساس بزاف و رايح نتقلق بزاف لوكان يرفضوني بسبب مرضي.لانو المرض حاجت ربي مش انا الي مرضت روحي.المهم ناس قالولي لازم تشوف واحدة مريضة كيفك باه تكونو متكافئين
واش رايكم

[أم البشائر]

شوف وحدة قلبها رحيم وعلى يقين بلي من ابتلاك اليوم قادر ان يعافيك غدا ويبتليها

مادام الله قدر عليك شيء فاعلم ان فيه خير لك

اخلص النية لله واكيد سيمنحك زوجة صالحة

واللي كان هاذ المرض عائق بالنسبة ليها اكيد ما فيهاش خير لك

وكل مبتلى على قدر دينه

وفقك الله

[نجمة ساطعة]

ربي يشافيك يا رب .....

اول حاجة نقولهالك اقصد المدينة اللي تخاف ربي .... اكيد تلقى نصيبك و ربي يهنيك يا رب

[amola 14]

كاين اللي تقبل بيك
ربي يلاقيك ببنت الحلال

[Mireya]

السلام عليكم
الله يشفيك يا اخي من مرضك
و لكن لا اظن ان هذا سبب يمنع من الزواج بالعكس ربي سبحانو احل علينا الزواج لاسباب عديدة و منه هذا اسبب فالمراة تكمل الرجل و الرجل يكمل المراة معناه انت حق عليك تصيب بنت الحلال لكي تساندك و تنتهلا فيك و هي اللي توقف معاك لان الزواج مسؤولية و هي واجب عليها و بمجرد تواجدها معاك راح ترتاح نفسيتك و ممكن يخف المرض شوية يا اخي كاين بنات الفاميليا بزاف اللي يعرف معنى كلمة الزواج و معندهم حاجة في الظروف الصحية للرجل لان هذه هي سنة الحياة انت عليك تنوي و تتقدم تخبرهم طبعا بالمشكل الصحية ديالك و كل شيء فيه خير ربي يبارك فيه و متخليش هدرت الناس تاثر عليك انت خوذ بالاسباب و كل شىء بالمكتوب و انشاء الله فيها خير و ربي يبارك على البكري يا الله راني فولتلك هه
في امان الله

[ANWAR 11]

يا اخي لا اظن ان هذا سبب ترفضك الفتاة من اجله
عليك فقط مصارحتها من البداية
ربي يسهلك ان شاء الله

[leila-bee]

يا اخي علاش راك تقلق في روحك عيش حياتك كيما تحب انت وتخطط انت يااو انت الي تتشرط او تشووف الي تعجبك و تليق بيك وتقبل انت بيها وااش خصك بالعكس انا نعتبر واحد عندو مريض ميعديش مايكوونش عائق في الحياة عاادي الناس كامل معرضة للاذى انا عندي بنت خالي في نفس الوقت هي صديقتي مزوجة بوااحد عندوو نفس مرضك او راهي لاباس عليها عندها 3 اولاد او راهي عايشة معاه افضل حياة كيما تقولي خطرات ننسي بلي راه مريض لانو هو متقبل المرض و يتعايش معاه عااادي وكانوو الناس كامل كيما هو ماشي حاس بالنقص وبالتوفيق وان شاء الله يا ربي تلقى اللزوجة المستقبلية لي راهي في بالك وتتمناها او متبقاش طلع وتحبط اودي رووح تخطب بنات الناس في انتظارك سلالالام

[فتـ حييةـاة]

تلقى عادي ماهيش مشكلة كبيرة غير انت راك مكبرها ...بالتوفيق

[ايمان نور الجزائر]

ما تكبرهاش بزاف..المرض نتاعك ماشي مزمن ويمكن التعايش معه
فقط احسن الاختيار وتوكل على الله واستخره

[أم معاذ أم معاذ]

أكيد كاين اللي يرفض أخي عادي و من حقهم
و أيضا كاين اللي تقبل عادي
يعني ماديرهاش مشكل أنو ترفضك وحدة
كيما البنت المريضة أو عندها مشكل صحي يرفضوها

وننصحك خير وحدة اللي تكون في نفس وضعيتك أو هي أيضا عندها مشكل صحي
حتى تدي فيها أجر
خاطر البنت تعاني أكثر إن كان عندها مشكل

و ربي يرزقك الزوجة الصالحة

[رزان.]

السلام عليكم

توكل يا أخي على الله مادام ناوي الحلال و أكيد ربي راح يسهلك ذلك

فقط أنصحك بمصارحة البنت و إن لم تقبل فلا تيأس و لا تتأثر بل ابحث أكيد يوجد من ستقبل بك و الواقع خير دليل

أتمنى لك الشفاء و ننتظر أن تخبرنا يوما أنك وجدت الزوجة الصالحة الطيبة التقية

ربي يسهل لك و يسهل للجميع

[بنت الحجاج]

كـــايــــنْ

[catia]

اخي ان الذي ابتلاك لن ينساك ان كنت مؤمنا حقا ورضيت بما اصابك وتيقن انك ستجد من تقبل تسعدك وتنسيك مرضك ثم ان
هذا المرض اصبح كالزكام لا يخيف احد فتوكل على المولى ولا تياس ومبروك مسبقا

[معجزة الاكوان]

ما هذا الكلام الفارغ
متشوفش ليهم
انا بنت عمي ماشاء الله وخطبوها بزاف ومقبلتش
وجا واحد ديابيتيك وكعاد معروف باخلاقو قبلت بيه
ماشي مشكل خلاااااااااااااص
انت برك دير الثقة في روحك وقدم بلا تردد
لانو الثقة هي اول حاجة تاثر فالناس

[نيل المنى]

ليس بالضرورة أن تكون هي كذلك مريضة لتقبل بك،يكفي أن تصارحها منذ البداية و أن تعجبها شخصيتك....
كاينين مصابين بأكثر من هذا و تزوجوا و أنجبوا و عاشوا حياة طبيعية جدا
ربي يوفقك لتجد مبتغاك.

[جيهان13091991]

ههههههه و الله يا أخي لي يسمعك يقول عليك مريض بمرض مزمن عفانا الله ، وعلاش ماتقبلش المرأة لي حاب تزوجها بيك راهو مرض السكري لا هو معدي و لا شيئ ما عليك غير الحفاظ على نفسك و راح تعيش كي الناس لوخرين و انا نقولك لي ماتقبلش بيك على هذا السبب جايحة أكيد و إن شاء الله يرزقك ربي ببنت الحلال و أتقدم و ماتخافش و ربي يهدي الناس لي قالولك هذا الشيئ قتلتهم الغيرة و الحسد

[bass_inf]

بالعكس تماما تجد بادن الله الزوجه المناسبه
توكل على الله وكل شي مكتوب من عند ربي

حتى الزواج متل المرض من عند ربي
الدعاء ثم الاخد بالاسباب
ربي يجيب الخير

[السَّحابة البيضاءْ]

براي هذا يعتمد على مدى الاصابة


علاش حتى تروح لوحدة مريضة حكاية الانجاب رايحة تكون صعيبة


شوف وحدة صحيحة تقدر وضعك وتكون متفهمة وربي يسهلك ان شاء الله

[ملاك/92]

لا اظن اخي ان المرض عيب هذا قدر الله
معنديش حتى شك انك متلقاش البنت الي تستاهلك
ربي يشفيك من مرضك
و يوفقك في اختيار بنت لحلال

[الوداع]

لا تسمع لهدرة الناس واستشر طبيبك يحدد لك الاحتياطات التي تتخذها ، ثم توكل على الله وأكمل نصف دينك على سنه الله ورسوله

[rankachamika]

السكري ليس بالمرض الهين ................لكن اكيد ستجد بنت الحلال اذا ما كنت متخلق ومتدين وفيك شروط الزواج

وفقك الله ورزقك بنت الحلال