السلام

[مشكلتي]

السلام عليكم انا فتاة أحب شخصا نتحدث معا يعني علاقة جدية
طلب مني التسليم عليه في الخدود يعني سلام عادي مثل التسليم على أقاربي مع العلم أني لم أسلم عليه من قبل حتى باليد
أريد رأيكم أخواني ماذا أفعل؟؟؟؟؟؟؟

[فارس الجزائري]

.وعليكم السلام
خيرا إن شاء الله
أولا: لا يوجد علاقة جدية إلا تلك التي يكون صاحبها قد دخل من الباب
بمعنى التي يتقدم من خلالها إلى أهلك ويطلبك رسميا فدعيك من الخيالات وعودي إلى أرض الواقع
ثانيا: إذا كان التسليم على الأقارب غير مسموح به فما بالك بغير الأقارب لذلك الرأي الوحيد الذي يمكن أن تسمعيه هنا ونتمنى أن تعملي به قولي لذلك الشاب:
إذا تحوس علية أرواح البيت أمالية
لا تستهيني بالأمر عليك أن تفكري بجدية في وضعيتك
بالتوفيق إن شاء الله

[محمد جديدي التبسي]

قاطعي هذا الشخص ولا تتعاملي معه بتاتا فلا أخلاق له

كيف يطلب منك هذا؟! ما هذه الوقاحة وكيف تكلمي أشخاص غرباء عنك ويصل بهم الأمر إلى هذا الطلب.

حاولي أن تكوني جدية في تعاملك مع الناس ولا تحطي من كرامتك لأي كان والذي يريدك زوجة يعرف طرق الحلال.

[الدكتور سام]

مصافحة الرجل للمرأة الأجنبية حرام لا يجوز ومن الأدلة على ذلك ما جاء في حديث معقل بن يسار رضي الله عنه قال : قال رسول الله صلى الله عليه وسلم : " لأن يُطعن في رأس أحدكم بمخيط من حديد خير له من أن يمسّ امرأة لا تحلّ له . " رواه الطبراني وصححه الألباني في صحيح الجامع

[malak achark]

لاااااااااااااااااااااااااااا يا اختييي المرة هادي طلب منك التسلام على لخدود مرة اخرى يتمادى فطلب مع كل احترامييييييييييييي هده طرق الشيطان من خطوة لخطوة حتى يوقعك في معصية الله ولي يحبك يدخل من بابك ويخاف عليك من الشبهات

[نجمة ساطعة]

وش تحبينا نقولولك سلمي عليه !!!!!!!!!!!

سؤال ... ما هو سبب تسلامك عليه اساسا ؟؟؟

[أم البشائر]

نسال الله العافية

سؤال اختي

لانك بعضوية مشكلتي قدرتي تطرحي سؤال كهذا

لوكان بعضويتك الحقيقية نقسملك بالله ما تقوليها

لانها عين العيب والعار

والاثم ما حاك في نفسك وكرهت ان يطلع عليه الغير

جاهدي نفسك في اتقاء فتنة وحول الشهوات

والا اليوم تسلمي عليه كيما لافامي علما انو لافامي ما يسلموش عليهم

وغدوا تلقاي روحك معاك في زواج سري عافاك الله

اتقي صغائر الامور حتى لا تقعي في الكبائر

من يحبك يتووجه الى اهلك ليحق له كل شيء معك برضا الله

اما ان يشبع رغبته بك يوما فهم يراك جسما بلا روح

احذري واقطعي كل صلة بوغد كهذا

[بنت الحجاج]

ليوم طلب زوجْ قْدر

و غدوة

علابالكْ واشْ راح يطلبْ !!!

[نيل المنى]

أيتاك و هذه العثرة الخطيرة...لا تستهيني بهذا الطلب لأنه لو كان يحترمك لتركك براحتك و تفادى أي شيء يحرجك او يزعجك
تفطني....و اعلمي يا أختي العزيزة أنه يستغبيك لينال منك.
المؤمن كيس فطن.

[اميرة باحتشامي]

نسال الله العافية

سؤال اختي

لانك بعضوية مشكلتي قدرتي تطرحي سؤال كهذا

لوكان بعضويتك الحقيقية نقسملك بالله ما تقوليها

لانها عين العيب والعار

والاثم ما حاك في نفسك وكرهت ان يطلع عليه الغير

جاهدي نفسك في اتقاء فتنة وحول الشهوات

والا اليوم تسلمي عليه كيما لافامي علما انو لافامي ما يسلموش عليهم

وغدوا تلقاي روحك معاك في زواج سري عافاك الله

اتقي صغائر الامور حتى لا تقعي في الكبائر

من يحبك يتووجه الى اهلك ليحق له كل شيء معك برضا الله

اما ان يشبع رغبته بك يوما فهم يراك جسما بلا روح


احذري واقطعي كل صلة بوغد كهذا


صدقت اخت دمعة

الاخت صاحبة الموضوع ربي يهديك راكي تهدري من عقلك ولا كاشي منام شفتيه كي كنت راقدة ثبتي روحك

الحرام بين والاحلال بين ياك راكي مسلمة وتعرفي الحق من الباطل ورانا كامل جزائريين ونعرفو عقلية بعضانال واذا خوك ويحشم يسلم عليك فما بالك بواحد اجنبي والسواد الاعظم تقولي علاقة جدية بلا جدية بلا بطيخ
قال حب قال هذا كب ماشي حب هذه اسمها علاقة غيرررر شرعية ماشي جدية

..............................
رايحة تحطي نيفو في التراب يا حرة فيقي لروحك

معظم النار من مستصغر الشرر
سلام

[الجليس الصلح]

حافظي على نفسك هذه بداية لدخول الشيطان بينكما والعلاقة الجدية عنوانها الزواج لا غير ارفضي له ذلك بلطف واطلبي ذلك بالحلال والسلام

[معجزة الاكوان]

سمحيلي ختي هاذي مش علاقة جدية
سلام عادي اومبعد سلام الاقارب
اومبعد سلام الصديقات وهي رايحة
ناكدلك حاجة لوكان طاوعيه ميتهناش
نيقضي على شرفك وتلحقو للكبيرة
حتى وكان ناوي حلال طاوعيه يبدل النية ويعود يشك فيك
اذا باغيك يقدم ياكد بلي ناوي حلال يا لوكان يخبر باباك
اومبعد لمعندوش في عقلو

[slimeline]

ثعلوب هاذا البنادم صياد كبيييييييييييييييييير

[عربية الهوية]

تسلمي عليه مدام علابالك بلي حاجة مشي مليحة علاه راكي تسقسي هنا حابتنا نقولولك سلمي عليه
يا اختي حتى الاقارب ومتسلميش عليهم بالخدود روحي اقراي على دينك
ويا اختي اقعدي حبيه حتى نهار تطفر فيك
اليوم تسلمي عليه غدوة يتمادى في طلبه الا ان تقع الفاس في الراس وتقولي علاه عرفت واحد كيما هدا
اخطيك منو هدا انسان مخادع
لوكان جا صح يحبك ميطلبش منك هاذ الطلب
اخطيك من الغاشي الراشي
وقلتي علاقة جدية يعني عاقد عليك طبعا لا
خاطبك حتى اذا كان خاطبك متسلميش عليه من الخدود

[تائبة الى ربها]

صراحة لو كنت مكانك , طبعا لن أكون مكانك فأنا لم أفهم ما معنى "علاقة جدية" لتركته, يعني لو كنا مخطوبين لفسخت الخطبة
وليس علي أن أنصحك, أنت تعرفين ما عليك فعله و ما هو الصحيح فلو لم تكوني على علم ما سألت أبدا
و الاخوة لم يقصروا أصلا

[ريمة89]

اظن ان هده ليست بمشكلة اصلا وليست محل للنقاش اصلا
ربي يهدينا اليوم تقولينا قالي سلمي عليا وهده مشكلة غدوة تجي تقولينا غلطت وحبيت نتوب
اختي مانقولك علاه مانقولك كيفاله المصافحة والتسلام بدون نقاش لالا وديجا ليكيدي عليك هد الانسان والعلاقة الجدية مستحيل يطلب منك تسلمي عليه
وزيد تقولينا وانت على علم كبير بالاجابة اللي راح تلقايها انوا طلب منك على الخدود ............ وعادي
حيرتيني
كان ممكن ننصحك فحاجة كبيرة وتعتبر مشكل ........انما هدا ليس اصلا بمشكل الناس ربي عالم بيها وانت تخممي ادا تسلمي عليه فالخدود ...........
الله يهديك ويهدينا ..........

[lilou f lilou a]

لو كان جا يحبك راه جا لداركم

[sonia2012]

قاطعي هذا الشخص ولا تتعاملي معه بتاتا فلا أخلاق له