كل وحدة تقول واش تخبي لرمضان

[سَلْسَبِيّلْ]

بما اننا في رمضان كل اخت تقولنا تحضيراتها للشهر الكريم اي لحوايج لتوجدهملو ان شاء الله
انا وجدت لفريك والكسبر والثوم بودرة وراني حابة نجرب نجفف المشمش كما ليتباع وحبيت ندير البوراك ونخبيه لكن للاسف مصلحليش المهم كل وحدة تعطينا طريقتها ونستفادو ان شاء الله من بعضانا
اللهم بلغنا شهرك الفضيل يا رب

[سَلْسَبِيّلْ]

وعلاه ماكمش رايحين توجدو لسيدنا لارمضان

[kadikirou]

okhti haba nsaksik wachi howa al kosbar yatba3 rich wanti li tyabsih wala kifeh ama 3la soualek bi idni leh rani m3awla nachri kamia mliha ma tamatim w narhiha w ki yarkhas chwi falfal har m3awla ndir lahrissa wal wrak ndirhem just kbal byoumin en plus m3awla nachri chwi louz w kakaw youkhti nkhabihem lel 3id 3la khater kolech yghaliw fih fi ramdan en plus nachri toum al hamra wan khbiha ghir tablagh chwi 3la khater matfsadch w tani kbal bnhar nprépari pate feuilleteé beh ndir kich pizza....hada a peu pré nchalah nkoun afatak

[الجواهر]

نوفر المال لنصرفه في رمضان و صراحة كل شيء متوفر
نشتري الفريك برك باه نقيه مليح و يكون نظيف و ساهل للاستعمال

[حوته02]

ani mwajda jelbana w karnoune w frik w krayes w rani nyabes fel toum w ncheleh rani nkarer ijibli toumatiche beh nkonjilha lel chorba w kache jdid rani ndifou

[سَلْسَبِيّلْ]

الكسبر حبيبتي نشريه حب ونقيه ونرحيه حنا الماكلا نتاعنا نخدمو بيه كلش سورتو شربة

[بتول8]

السلام عليكم بنات
نشوي الفلفل الحلو و الحار و نقيهم و نكونجليهم
الفريك و التوابل اكيد
السميد
و قبل بيومين اللحم نقصوه طراف طراف و نكوجليوه
هادا مكان

[ميرثا]

بصراحة مزلت مخممتش واش نخبي لرمضان
مدام هد المرة قدم شوي
كما قالو الاخوات لفريك وتوابل وبلاك مواعن تاع فخار هد مرة معولة
نشري منهم لانهم يضيفو نكهة روعة على الاكل

وباقي ساهل فيامات رمضان

مشكورة
: )

[wsila]

حنا نشريو الفريك ونشوطو الفلفل الحلو ونخبوه وندروه حميص في رمضان وزيد نشريو قبل فلان بكل اشكال ونفصو جلبانة ونخبوها كونجيلي

[هدايات26]

الكسبر حبيبتي نشريه حب ونقيه ونرحيه حنا الماكلا نتاعنا نخدمو بيه كلش سورتو شربة

حبيت نسالك كي تستعملي القصبر المطحون تزيدي تديري الحشيش في الاخير ام لا

[مولات الدار]

بما اننا في رمضان كل اخت تقولنا تحضيراتها للشهر الكريم اي لحوايج لتوجدهملو ان شاء الله
انا وجدت لفريك والكسبر والثوم بودرة وراني حابة نجرب نجفف المشمش كما ليتباع وحبيت ندير البوراك ونخبيه لكن للاسف مصلحليش المهم كل وحدة تعطينا طريقتها ونستفادو ان شاء الله من بعضانا
اللهم بلغنا شهرك الفضيل يا رب
أنا ياأختي خبيت التمر بعد ماغسلتو ,وخبيت الشريحة ,وخبيت الفراز , وعصرت اليمون والبرتقال باش نستعملهم كعصائر وللحريرة, والجلبانة ونحب نخبي كلشي خاصة الفواكه ولكن ماعنديش frigu ونخي الكرافس والجزر بعد مانرابيهاو,,,,,,,,,,,,الخ

[سَلْسَبِيّلْ]

حبيت نسالك كي تستعملي القصبر المطحون تزيدي تديري الحشيش في الاخير ام لا

لا لا حبيبتي متزيديلو والو وحدو

[OU SS AMA]

متخموش بزاف مناه رمضان جاي في السخانة ومنقدروش ناكلو علبالي غير فواكه باردة ومشروبات وكل ماهو خفيف باه نقدرو نصليو وربي يعينا ويتقبل منا جميعا ويرحمنا ويعتق رقابنا .............آمييييييييييييين

[nari21]

ana nadir likorani natayabahom wa nahatahom fi konajilatar bach fi ramadan nahachihom barak mara borak wa mara koraniyat wa nawajad alafalafal waa samid wa lafarina wa nakadam la3asila lafarik wa adchicha
wanakadam atom wa nakonajalih hada mani matafakara ki natafakar nagolakom

[سَلْسَبِيّلْ]

متخموش بزاف مناه رمضان جاي في السخانة ومنقدروش ناكلو علبالي غير فواكه باردة ومشروبات وكل ماهو خفيف باه نقدرو نصليو وربي يعينا ويتقبل منا جميعا ويرحمنا ويعتق رقابنا .............آمييييييييييييين

ايه صح حبيبتي لكن نقولو لبعضانا باه لمتعرفش حاجة تتعلم من اختها هاو ليك انا استفدت بزاف ربي يحفظكم كامل وربي يعينا على الصيام والقيام يارب

[سَلْسَبِيّلْ]

ana nadir likorani natayabahom wa nahatahom fi konajilatar bach fi ramadan nahachihom barak mara borak wa mara koraniyat wa nawajad alafalafal waa samid wa lafarina wa nakadam la3asila lafarik wa adchicha
wanakadam atom wa nakonajalih hada mani matafakara ki natafakar nagolakom

اختي لكورني كتكونجليهم ميتكسروش وافيدينا بالطريقة لان ولادي يحبوهم بزاف وبالنسبة للبوراك تاني تخدميه وتكونجليه والا تشريه واجد انا جربت نخدمو في البيت مصلحليش مكانش قد خدمت يدينا جي بنينة

[hanaa zahra]

ارجو منك ان تفيدينا عن كيفية تحضير الثوم بودرة.ولك مني جزيل الشكر.

[سَلْسَبِيّلْ]

الثوم تقومي بتقشيره ودشدشيه في الروبو وتتركيه يجف مليح ومنبعد ارحيه وهزيه في سيار رقيق ولخشين هرسيه بالمهراس

[قطيطوشة]

السلام عليكم
الله يعيد علينا رمضان بالخير والبركة والمغفرة والأجر إن شاء الله
والله يقدرنا على صيامو وقيامو آمين يا رب
بالنسبة لرمضان أنا هذا اول رمضان ليا بعد زواجي
ومادام راني خدامة راني حابة نوجد من درك كاش عفسات نربح بيهم الوقت في رمضان
إن شاء الله نشري طماطم ونرابيها ونحطها في دي بوات ونخبيها في الكوجيلاتور
تاني نشري فلفل حلو وحار ونشويهم وندير الحميص ونكونجيليه
نرحي توم ونخبيه
نوجد عجينة البيتزا و لابات فويتي ونكونجليهم
راني مخبية تاني القرنون والجلبانة في الكونجيلاتور
نشري شوية كوكاو ولوز وندير حشو للصامصة مثلا لسهرات رمضان ونخبيها
هدا ما تفكرت لحد الآن ولي تعرف حاجة تزيد تولهنا
للبنات لي قالو يكونجيليو البوراك يقولونا الطريقة من فضلكن

[{ٲُمّنيَــ㋡ ـــــةٌ}]

قصدك تكونجلي الديول اذا عاد هكا ماتقدريش ماما العام ليفات كامل تكسر لها ولا يابس وغير يتكسر واذا في طريقة اخرى الله اعلم

[قطيطوشة]

أنا كونجيليت ديول تونس يعني لي مشريين واجدين نخبيهم في صاشي تاعهم نجبد نستعملهم يبقاو هوما هوما
مي الآخرين نضن يتكسرو كيما قلتي

[{ٲُمّنيَــ㋡ ـــــةٌ}]

ايه ماما خدماتوا مالا تكسر لها وعادت كل يوم تخدم قيس ماتطيب

[souad jijel]

السلام انا هذا اول رمضان ليا في داري وزيد مع السخانة و الحمل ربي يفوت على خير

انا خبيت غير البصل و الثوم وراني نخممفي الفلفل بصح مزال غالي

كيما ايطيح نشري مع السحونة و البروم و المقالي و............................

راكم تعرفوا التخربيش تاع الكوسينة و النساء

[موسى2207]

البوراك الي نعرفو تلفي كل ورقة كانهامحشيةوحطيهم فةق بعضاهم وكي تحتاجيهم اجبدر قدر الحاجة وخليهم مدة يتنحي منهم البرد حليهم واحشيهم

[قطيطوشة]

اختي راكي مجربة هاد الطريقة؟

[oumtamime07]

واش نقدرو انخبو اختي مع السخانة والانقطاع المتكرر للكهرباء كون جا لبرود يتخمل راني خبيتو ربي ايعاونا على اداء الفرض

[{ٲُمّنيَــ㋡ ـــــةٌ}]

شفتي اختي نهار كامل وهي تروح والسخانة وووو ربي يعينا وانا كيفك من بسكرة

[سَلْسَبِيّلْ]

بالنسبة للبوراك اختي المجتهدة نعتيلي طريقة ماماك في البوراك الطياب راني درت شحال طريقة ومصلحش
وكاين لكونجليه ويبقى هو هو افيدوني عيشكم

[omseheil]

الديول كي تنحيهم من الكونجلتور فوريهم بالساشي انتاعهم حتى يطراو ومبعد استعمليهم عن تجربة راهم يصلحو

[{ٲُمّنيَــ㋡ ـــــةٌ}]

بالنسبة للبوراك اختي المجتهدة نعتيلي طريقة ماماك في البوراك الطياب راني درت شحال طريقة ومصلحش
وكاين لكونجليه ويبقى هو هو افيدوني عيشكم
اختي لازمك تشري مقلة جديدة وبانسوا ماما تخلطها قدر ماتحبي تدير الفرينة في طبسي وشويا ملح وتخلطها مع الماء راهي تجيك شويا فيها فقاعات كي تديريالماء انت خلطيها برك تعود شوية خاثرة وديري حمام مائي وحطي فوقها المقلة وادهني المقلة بالزيت وبعدها عودي ديري الخليط نتاعك بالبانسوا وكي تطيب حطيها تبرد وبعدها ادهنيها بالزيت وماتحطيهومش فوق بعضاهم وهوما سخنونين لانه مباعد كي تعودي تطيبي يخرج لك الحشوا وكي تكملي ديريهم في ساشي وحطيهم في الثلاجة
لتمنى ان اكون قد افدتك

[سَلْسَبِيّلْ]

[quote=*المجتهدة*;10627870]اختي لازمك تشري مقلة جديدة وبانسوا ماما تخلطها قدر ماتحبي تدير الفرينة في طبسي وشويا ملح وتخلطها مع الماء راهي تجيك شويا فيها فقاعات كي تديريالماء انت خلطيها برك تعود شوية خاثرة وديري حمام مائي وحطي فوقها المقلة وادهني المقلة بالزيت وبعدها عودي ديري الخليط نتاعك بالبانسوا وكي تطيب حطيها تبرد وبعدها ادهنيها بالزيت وماتحطيهومش فوق بعضاهم وهوما سخنونين لانه مباعد كي تعودي تطيبي يخرج لك الحشوا وكي تكملي ديريهم في ساشي وحطيهم في الثلاجة
لتمنى ان اكون قد افدتك[/quo
حبيبتي سلميلي على ماماتك وقوليلي نخبيهم في الكونجيلاتور انا حابة ندير كمية لرمضان بحول المولى يعني يصلحولي

[سَلْسَبِيّلْ]

الديول كي تنحيهم من الكونجلتور فوريهم بالساشي انتاعهم حتى يطراو ومبعد استعمليهم عن تجربة راهم يصلحو

بارك الله فيك استناي كبل نتعلم نطيبهم وحدي ونزيد نجرب الكونجيلاتور انا نموت عليه مع شوربة الفريك

[hassiba09]

أهلا البنات
انا تاني نشارك معاكم بواش نوجد لرمضان ان شاء الله
نشوي الفلفلة كميات كبيرة و البادنجان و نحطها في بواطات و فالكونجيلاتور
نوجد البوراك انا نشري صاشيات و بماانو راجلي يحبهم بالحم فقط نوجد 3ً صاشيات و نديرهم هوما تاني فالعلب البلاستيكية
و في رمضا نجبد برك و نديرهم فالفور لاني مانقليهمش
نوجد تاني الثوم نقي كمية كبيرة و نرحيها فالروبو و نديرها في علب زجاجية و ندير فوقهاشوية زيت و فالفريجيدار
نقي كمية تانيك من القصبر و المعدنوس و نرحيهم و نديرهم فالكونجيلاتور
و من عادتي قبل رمضان بيومين نطيب كامل لحم الحلو و نقسمو في علب و يكفيني كامل رمضان لاننا مانكلوش منو بزاف
نوجد تانيك بعض المعجنات و نحشيها و نطيبها في ايام رمضان ان شاء الله
ندير لي ميني بيتزا تانيك و نطيبهم و في رمضان نسخنهم برك
نشري مقاضي رمضان اللي تكفيني اسبوعين الاولين
نقطع الجزر و البطاطا مكعبات صغار و نفورهم باش ايلا ستحقيتهم لشي سلاطة او قراتان او حشوة يكونو واجدين
نطيب البطاطا و نديرها معقودة و لكن مانطيبهاش حتى نستحقها
نشري التوابل و نوجدهم قدامي
نشري 4 صدورة تاع الدجاج و لا اكثر و نرحيهم لاني نستحقهم لكانش حشو او قراتان
هادا واش تفكرت الان
وبلا ماننسى توجاد الماعن و الميناج اللي كملتو الحمد لله

[{ٲُمّنيَــ㋡ ـــــةٌ}]

[QUOTE=hanadi193;10630245][quote=*
حبيبتي سلميلي على ماماتك وقوليلي نخبيهم في الكونجيلاتور انا حابة ندير كمية لرمضان بحول المولى يعني يصلحولي[/quote

تاني هي تسلم عليك انا ماما كنجلاتوا وكي جبدتيوا باش تطيب لقاتوا كامل يبس وعاد يتكسر اذا كان في طريقة الله اعلم لحفظه اتمنى ان تلقاي الطريقة المناسبة لحفظه +++++++ تدليني عليها لانه حنا في بسكرة عندنا السخانة بزاااااااف والله كي نعود نطيب فيه الروح نتاعي تطلع

[سَلْسَبِيّلْ]

أهلا البنات
انا تاني نشارك معاكم بواش نوجد لرمضان ان شاء الله
نشوي الفلفلة كميات كبيرة و البادنجان و نحطها في بواطات و فالكونجيلاتور
نوجد البوراك انا نشري صاشيات و بماانو راجلي يحبهم بالحم فقط نوجد 3ً صاشيات و نديرهم هوما تاني فالعلب البلاستيكية
و في رمضا نجبد برك و نديرهم فالفور لاني مانقليهمش
نوجد تاني الثوم نقي كمية كبيرة و نرحيها فالروبو و نديرها في علب زجاجية و ندير فوقهاشوية زيت و فالفريجيدار
نقي كمية تانيك من القصبر و المعدنوس و نرحيهم و نديرهم فالكونجيلاتور
و من عادتي قبل رمضان بيومين نطيب كامل لحم الحلو و نقسمو في علب و يكفيني كامل رمضان لاننا مانكلوش منو بزاف
نوجد تانيك بعض المعجنات و نحشيها و نطيبها في ايام رمضان ان شاء الله
ندير لي ميني بيتزا تانيك و نطيبهم و في رمضان نسخنهم برك
نشري مقاضي رمضان اللي تكفيني اسبوعين الاولين
نقطع الجزر و البطاطا مكعبات صغار و نفورهم باش ايلا ستحقيتهم لشي سلاطة او قراتان او حشوة يكونو واجدين
نطيب البطاطا و نديرها معقودة و لكن مانطيبهاش حتى نستحقها
نشري التوابل و نوجدهم قدامي
نشري 4 صدورة تاع الدجاج و لا اكثر و نرحيهم لاني نستحقهم لكانش حشو او قراتان
هادا واش تفكرت الان
وبلا ماننسى توجاد الماعن و الميناج اللي كملتو الحمد لله
يعني طيبي المعجنات وفي رمضان غير تجبدي وهل يكونو بنان

[سَلْسَبِيّلْ]

ايه حبيبتي المجتهدة للقيت نخبرك

[ام نسمة]

مرحبا اردت مشاركتكم رئيت انكن تهتمن بصنع اوراق الديول في المنزل انا صراحة انفضل ديول اسمهم العايلة راهم يجو اشكال انواع كاين بالاعشاب والحارين والعاديين انت و واش حبيتي وزيد كي تحشيهم وتكونجليهم يبقو كما هوما ما يتكسرو ما يكسرولك راسك الا انه عندي استفسار بخصوص اللحم المرحي الطازج غالي بزاف واللي يطحنولك البوشي وكان دجا جابده من الكونجي لاتور واحنا انعاودو انطيبوه ونرجعوه للفريقو ماشي خطر على الصحة هدا واش حبيت نعرف وللاسف انا مازال مادرت والو على خاطر حتى السمانة الجاية عاد نبدا نلرحل لداري الجديدة وايضا سؤال بخصوص الثوم كي تطحنوه وتديروه في الثلاجة ومغطي بالزيت قداش يبقى صالح لللاستعمال والحشاوش كي تجمدوهم تبقى فيهم نفس النكهة والريحة ولا تتبدل بصراحة هدا اول رمضان ليا راح نستعمل فيه طريقة التجميد انا كل عام انحضر كل شي طازج كل يوم بيومو وكنت انعاني من ضياع كل يومي في المطبخ والسنا راني حابة نبدل طبايعي ان شاء الله ورمضان كريم عليكم جميعا

[*ام فتحي*]

اخواتي من فضلكم قلولي كيف تحضر المشماش لا ني لما نيبس يتغير لونه وشكله
راني حابة نوجد للحلو

[سَلْسَبِيّلْ]

اختي المشماش انا تاني جربت جففت تغير لون ومجاش كما ليتباع فلي تعرف الطريقة تفيدنا بيها

[سَلْسَبِيّلْ]

مرحبا اردت مشاركتكم رئيت انكن تهتمن بصنع اوراق الديول في المنزل انا صراحة انفضل ديول اسمهم العايلة راهم يجو اشكال انواع كاين بالاعشاب والحارين والعاديين انت و واش حبيتي وزيد كي تحشيهم وتكونجليهم يبقو كما هوما ما يتكسرو ما يكسرولك راسك الا انه عندي استفسار بخصوص اللحم المرحي الطازج غالي بزاف واللي يطحنولك البوشي وكان دجا جابده من الكونجي لاتور واحنا انعاودو انطيبوه ونرجعوه للفريقو ماشي خطر على الصحة هدا واش حبيت نعرف وللاسف انا مازال مادرت والو على خاطر حتى السمانة الجاية عاد نبدا نلرحل لداري الجديدة وايضا سؤال بخصوص الثوم كي تطحنوه وتديروه في الثلاجة ومغطي بالزيت قداش يبقى صالح لللاستعمال والحشاوش كي تجمدوهم تبقى فيهم نفس النكهة والريحة ولا تتبدل بصراحة هدا اول رمضان ليا راح نستعمل فيه طريقة التجميد انا كل عام انحضر كل شي طازج كل يوم بيومو وكنت انعاني من ضياع كل يومي في المطبخ والسنا راني حابة نبدل طبايعي ان شاء الله ورمضان كريم عليكم جميعا

اما عن اللحم فاستعملي الطازج ماشي الكونجلي راهو كاين وشنهي السعر يختلف وكتكونجليه منبعد يجي مليح قالولي على هذه الطريقة لكن مجربتهاش

[ام نسمة]

اما عن اللحم فاستعملي الطازج ماشي الكونجلي راهو كاين وشنهي السعر يختلف وكتكونجليه منبعد يجي مليح قالولي على هذه الطريقة لكن مجربتهاش

شكرا للافادة لكن انا لا اثق في البوشي لانهم يقلون طازج لكن يكدبو واللحم كونجلي

[عصفورة الليل]

اخواتي و الله شوقتوني نشارككم أنا الحق في رمضان ماندخلش للكوزينة بزاف لان زوجي مايهتمش بالاكل بزاف المهم عندو زغب شوربة و يكتر من السلائط و الفوكه و لكان تضحكو نهار نحب نتفنن بكاشي قراتان او بوراك نكلهم وحدي و بما انني هدا العام مداير رججيم ما حندير والو الا انني حب نحضر بعض الشريك و نحطو في الثلاجة للسحور فالسحور مهم جدا لزجي عذرا على الاطالة رمضان كريم

[gazala-dz]

يعطيكم الصحة رانا نستفادو منكم
ممكن برك الاخت اللي قالت على البصل تقولنا اذا هو نفس طريقة الثوم ولالا
وربي يجازيكم

[سوسو الطموحة]

المشماش اغسليه ونشفيه حطيه فوطة اقسميه من بعد على اثنين...ورتبيه فوق بلاطو...ماتلصقيهمش في بعضاهم ....لما يجمدو عاودي اجبديهم وديرهم في ساشي واقلبيهم للكونجيلاتور....هذه هي طريقة المشماش اولفريز....السر انه لازم ينشف ثم يتكنجلى..
ضرك دالتي حابة نسال لابات فولتي ....لما نشرها نخبيها في الكونجيلاتور ومانخافش ....اللي مجربة تقولي
انا نحب في رمضان نخب

[*ام فتحي*]

شكراااااااااختيييييييي

[سَلْسَبِيّلْ]

والله معلومة مليحة نتاع المشماش انا غسلتو وكونجليتو مباشرة لان المجفف مصلحش لون مقزز

[لينا11]

انا خبيت ثوم مرحي وبصلة مرحية ثاني
وحمص الي غلى شانو يحبو زوجي بزاف فالفريك رنختو وقسمتو فالشكاير
توابل
وزوجي يحب بزاف البوراك بالمخ
نشري 03ساشيات تاع ماركة جدتي ونكونجليهم ونجبد قيس مانحب والباقي نخليه فالكونجيلاتور
وجدت ماعن سبيسيال رمضان نبدلو شوية
ساعات اللحم مرحي نتبلو ونملحو ونقسمو في ساشيات ننحي قيس مانسحق بلا ما يفسد الباقي
ونحط فالكونجيلاتور

[سَلْسَبِيّلْ]

وشبيك اختي اللحم متكونجليهش مرحي لازم يتشرا واجد يتكونجلا غير 3 ايام سمعتها في نتاع صباحيات المختص في الصحة الغذائية

[liliane24]

والله أخواتي أنا ككل النساء راني نوجد الفريك نخدمه و نرحيه ،
نوجد المسفوف و الزبيب أنتاعه ، ننقي السانوج و الجلجلانية و حبة حلاوة للمعاجن
نحضر عصير المشماش و نكونجليه على خاطر في رمضان ما نليكونش المشماش، كذلك حضرت كونفيتور المشماش على خاطر راجلي يتسحر بخبز الدار و المربى،
نعصر القارص و نكونجليه في كعبات نحتاجه في عصير التفاح، و الإجاص و.......
نطيب شوية طماطم ونخبيها فقط لأنها تولي غالية.
في الأسبوع الأخير نخدم سنيوة بقلاوة على خاطر مانحبش حوايج برى، و ليلة قبل نخدم كمية من خبز الدار و نكونجليه على خاطر راجلي يسحر بيه.
موالفة نغسل الفريز و نستقطره مليح و نكونجليه ولما نخرجه مباشرة نرحيه للحصول على عصير لذيذ:بصح هاذي المرة الفريز ماجاش مليح ما كونجليتوش.
هذا واش نكونجلي، الثوم و البصل و الفلفل و.......و غيرها من الخضار نخدمهم نيين نفضل ذلك بصح نطيب الصباح باكرا قبل ما تبدأ السخانة.

[تجويد4]

السلام عليكم

راح نقلكم تجاربى مع رمضان

نخبى الجلبان و القرناع يتقشر و تحكيه بالقارص و فى الساشى و للكنجيلاتور
جربت تانى نكنجلى خضرة الحريرة و لأنو كل وحدة و تجربتها ووصفتها نتاع الحريرة و من بين الوصفات المتعددة كاينة حريرة الخضرا انا قبل رمضان نشرى اللفت و الجزر و الجريوات و نغسلهم و نقشرهم و نقطهم قطع صغيرة فى كل صالشى ندير شوية كرافس +دبشة+جزر+لفت+جزر من مل نوع شوية قدر ما ننصب الفطورو نغلق عليه و للمجمد


تانى اليوم رانى نحضر فى الثوم و البصل شفت الطريقة عند صديقتى و عجبتنى

تقشرى الثوم و تحطيهم فى طنجرة + قليل ماء+ قليل جدا زيت+ قليل فلفلاسود+ قليل كسبر مرحى اذا حبيتى
نقصى الغاز و خلى الكل ينضج

كيطيب مليح ارحى الكل فى المكسور و عمريه فى بلارة و دخليه المجمد

البصل نفس الطريقة بصح مادريش فلفلف لكجل و الكسبر

كيطيب ارحيه و فرشيه فى بلاطو تخليه المجمد و كيجمد قصيه مربعات

و حطى حسب حاجتك فى الساشيات و دخليه المجمد


يتبع

[نسمة حياة]

افكاااااااااااااااار هااااااااااااايلة افدتوووووووونا ,,,,,,,,,