المساعد الشخصي الرقمي

مشاهدة النسخة كاملة : الكورجات ملات الفريجيدار ..الله يسامحك يا بابا

silent scarf
2012-06-15, 07:02
السلام عليكم
كورجات ... كورجات ... كورجات .... دائما كورجات.. انا كرهت الكورجات

درتها شكشوكة ماحبتش تكمل .. قليتها وحدها بالبيض ماحبتش تكمل ..درتها قراتان ماحبتش تكمل ... درتها سلاطة ما حبتش تكمل
اعطوني حللللللللللل ... مازال مادرتهاش غير معجون:1:
بصح كاينة حاجة وحدة مازال ماجربتهاش خاطر ما نعرفش الطريقة نيشان بش تجيني بنينة و زوييينة
و هي الطبق التقليدي تاعها المحشية بالفيونداشي و تطيب في لاصوص تع اللحم
ايا خوتاتي اللي تعرف طريقة الطبق تكتبلي الوصفة

و اللي عندها وصفة جديدة تاني تمدهالي الله يحفظكم راني في ازمة راه قريب يخرجلي قرن كورجات في راسي
ايمان2009
2012-06-15, 12:00
ههههههههههه والله ضحكتيني عندنا نفس الازمة انا ثانؤ رجلي يحبها مقلية منين يخرج يشريها غير هي زادت جات عندي صاحبتي جابتلي كيلو قاتلي اي مليحة للطفل ديريلو legume قريب دخت والوصفة اللي طلبتيها انا نطيبها مرقة عادي في البرمة ماش في الكوشة
نطيب مرقة بيضة باللحم ولا الدجاج ومانكثرش وندير فيها المعدنوس لاخاطر نموت عليه نقشر الباطاطا و نفرغها من الوسط وكيف كيف الكورجات نوجد لافارس تاعي لحم مرحي شوية بصل شوية ثوم ملح فلفل اسود معدنوس (زيتون اخضر مقطع رقيق وتقدري ماتحطيهش انا مانديروش ديما) وتعجنيهم بالبيض ماتكثريش باه ماتجيكش جارية و ادا جرات زيديلها شوية ارز مرحي واحشي البطاطا و الكورجات وارميهم في المرقة حتي يطيبو
وادا حبيتي في الكوشة تطيبي المرقة تاعك وتحشي الخضرة و تحطيها في البلاطو و تصبي المرق حتى تتغطى الخضرة ماش تغرق تجي قدقد ادا حبيتي غطيها بالبابييي الومنيوم باه ماتنشفش وادا حابيتي خليها تطيب هكاك وبصحتك
مقدسية
2012-06-15, 12:19
الدرس السادس لام رامي هو ماتبحثين عنه بالتاكيد:
http://www.djelfa.info/vb/showthread.php?t=995100
silent scarf
2014-02-14, 00:24
ههههههههههه والله ضحكتيني عندنا نفس الازمة انا ثانؤ رجلي يحبها مقلية منين يخرج يشريها غير هي زادت جات عندي صاحبتي جابتلي كيلو قاتلي اي مليحة للطفل ديريلو legume قريب دخت والوصفة اللي طلبتيها انا نطيبها مرقة عادي في البرمة ماش في الكوشة
نطيب مرقة بيضة باللحم ولا الدجاج ومانكثرش وندير فيها المعدنوس لاخاطر نموت عليه نقشر الباطاطا و نفرغها من الوسط وكيف كيف الكورجات نوجد لافارس تاعي لحم مرحي شوية بصل شوية ثوم ملح فلفل اسود معدنوس (زيتون اخضر مقطع رقيق وتقدري ماتحطيهش انا مانديروش ديما) وتعجنيهم بالبيض ماتكثريش باه ماتجيكش جارية و ادا جرات زيديلها شوية ارز مرحي واحشي البطاطا و الكورجات وارميهم في المرقة حتي يطيبو
وادا حبيتي في الكوشة تطيبي المرقة تاعك وتحشي الخضرة و تحطيها في البلاطو و تصبي المرق حتى تتغطى الخضرة ماش تغرق تجي قدقد ادا حبيتي غطيها بالبابييي الومنيوم باه ماتنشفش وادا حابيتي خليها تطيب هكاك وبصحتك

ههههه يعطيك الصحة الكورجات كانت 30 الف للكيلو .. تفكرت الموضوع وليت ليه
silent scarf
2014-02-14, 00:26
الدرس السادس لام رامي هو ماتبحثين عنه بالتاكيد:
http://www.djelfa.info/vb/showthread.php?t=995100

الله يحفظك اختي راني تغكرت الموضوع اليوم لهدما جابلي راجلي الكورجات يا ريت نلقى وصفة جديدة
tokio hotel
2014-02-14, 12:15
وصفة ام ماجد رائعة و الا حصلتى فيه ابعتيهولى