استغربت للأمر عدات وتقاليد بلادي

[SOUSOU. DZ]

السلام عليكم حبيت اطرح عليكم هذا الموضوع

تتواجد في مجتمعاتنا العربية وبأخص في وطننا الجزائر بعض العادات والتقاليد غريبة نوعا ما كانت متواجدة بين اجدادنا

ولا زالت في حد الأن وماجعلني اطرح هذا الموضوع

عند زيارتي اليوم انا واختي لصديقتها لنبارك لها بالمولودة الجديدة في منزل اهلها

أرادت ان تأتي با بنتها لي نراها كان كان ابوها في الغرفة التي كانت فيها ابنتها

لاحظت اختي ترددها الشديد في جلب ابنتها واصرت ان تأتيا بها اختها باالمولدة تعجبنا لذالك

سألتها اختي عن السبب فأجابتها انه عيب وعيب كبير ان تحمل الأم ابنتها امام ابوها ****نقصد ابو الأم******

وقالت لنا انها توجد عادات اخرى مثل ان البنت عندما تسرح شعرها امام ابوها فهذا يعني انها تقصد

(ابي اريد الزواج) صراحة ضحكت انا واختي لأننا في العادة طالما نطلب من والدنا ان يسرح و يمشط لنا

وكما اخبرتنا ايضا ان على البنت ان لا تجلس مع اخوتها الذكور الكبار تحكي معهم وتضحك .........

بكل صراحة أفضل أن تكون علاقاتنا العائلية عفوية وبدون حواجز بشرط ان يكون هناك احترام متبادل

لا أدري ان كانت فعلا هذه الأمور غريبة ام بنسبة لي فقط لأننا لم نتربى ونتعود عليها

فمارأيكم بهذه العادات وهل يوجد لديكم عادات اخرى تعرفونها ان كانت لديكم اخبرونا بيها

[الواثق]

اضحك الله سنكم .........فعلا هي موجودة هذه العادات لكن ذهبت ادراج الرياح ....................

[فتـ حييةـاة]

احنا في عائلتنا عندنا العريس مايلقاش ابوه فاسبوع عرسو

[z.abdo]

السلام عليكم

أولا مبروك عليك عضو مميز اختي اسماء

اما عن الموضوع فانا اعرف انا هناك عادات تخالف الشرع و اخرى لا تخالف الشرع إذا لمذا نستغرب لهذا

اليس جيل آخر زمان اخترع عادته وتقاليد تخالف الشرع وتغضب الله وسكتنا عنها


ونتكلم نحن ونستغرب في عادات اجدادنا التي بها كان المجتمع محافظا وبه اسمى روابط الأسرة الحقيقية


ونرى في هذا الزمان عادات في اللباس والمعاملات ونقول عادي (normale)


بارك الله فيك اختي اسماء وجزاك الله كل خير

[silent scarf]

نتفهم ما ترفعش وليدها امام باباها .. ممكن حياء.. لكن ما تضحكش مع خاوتها هااااذي بزااااف و ممكن تؤدي الى الجفاء بين الاخوة
اما تع الشعر فهاذي مادخلتش راسي ... حنا مثلا في دارنا ما نديروش الكحل و ما نلبسوش السروال قدام جدي
نظن انو تع بكري كان عندهم عادات بزااااف مش في بلاصتها ... بصح اللي فيها حيا مرحبا بيها

[SOUSOU. DZ]

اضحك الله سنكم .........فعلا هي موجودة هذه العادات لكن ذهبت ادراج الرياح ....................

ههههه شكرا.....................صح عدات وتقاليد..البعض يؤمن بها ..................وبعض لايتمسك بها نهائيا .


شكرا لمرورك الطيب جزاك الله كل خير .

[SOUSOU. DZ]

احنا في عائلتنا عندنا العريس مايلقاش ابوه فاسبوع عرسو

زعما يحشم ولا واشنو :o:o:o

شكرا على مرورك صديقتي بارك الله فيك وجزاك الله كل خير نورت الموضوع

[SOUSOU. DZ]

السلام عليكم

أولا مبروك عليك عضو مميز اختي اسماء

اما عن الموضوع فانا اعرف انا هناك عادات تخالف الشرع و اخرى لا تخالف الشرع إذا لمذا نستغرب لهذا

اليس جيل آخر زمان اخترع عادته وتقاليد تخالف الشرع وتغضب الله وسكتنا عنها


ونتكلم نحن ونستغرب في عادات اجدادنا التي بها كان المجتمع محافظا وبه اسمى روابط الأسرة الحقيقية


ونرى في هذا الزمان عادات في اللباس والمعاملات ونقول عادي (normale)


بارك الله فيك اختي اسماء وجزاك الله كل خير


وعليكم السلام و رحمة الله تعالى و بركاته

أنت ثالث واحد يقولي مبروك على المميز بعد أختي و صديقتي أمال الي بيك أصبحت صديقتي

نرجع لموضوعنا

أنا أجل و أحترم و أفتخر بعادات و تقاليد أجدادنا التي بها كتبنا تاريخنا و رفعنا رؤوسنا بين الأمم

لما كانت فيه من غيرة على العرض و الوطن كانت فيه الاعتزاز بنفس و بالأرض كان جل اهتمامهم

الشرف و الحياء و القدر (كيما نقولو بالعامية)

استغرابي لم يكن سخرية من أجدادنا لكن عن استمرارها لحد الساعة .بكل صراحة أراها تقيد بين أفراد العائلة

أنا أبجل التواصل بين أفراد العائلة لما لا أحمل ابنتي بين أحضاني و أقول لوالدي حفيدتك اشتاقت اليك.

لما لا أتواصل مع أخوتي أضحك معهم و أتبادل اطراف الحديث ولما لا حتى أحكي لهم عن مشاغلي و اهتماماتي

لما لا أتودد لوالدي بتسريح شعري و أقبلها بعدما يكمل لي

فعلا كانت لنا عادات جميلة و أخرى قبيحة في زمن الماضي, نريد أن تندثر القبيحة و تبقى الصحيحة.

أجمل و قت أعيشه عندما أكون بين والدي و أخوتي دون أي حواجز تحكمنا .

أما عن العادات التي يبنيها هذا الجيل لا تبث بأي صلة بعراقة وطننا الغالي بل نسميها (التقليد الأعمى)

أرجو أن وصلتك أخي عبدو ما قصدته من وراء طرحي لهذا الموضوع

[SOUSOU. DZ]

نتفهم ما ترفعش وليدها امام باباها .. ممكن حياء.. لكن ما تضحكش مع خاوتها هااااذي بزااااف و ممكن تؤدي الى الجفاء بين الاخوة
اما تع الشعر فهاذي مادخلتش راسي ... حنا مثلا في دارنا ما نديروش الكحل و ما نلبسوش السروال قدام جدي
نظن انو تع بكري كان عندهم عادات بزااااف مش في بلاصتها ... بصح اللي فيها حيا مرحبا بيها

كيما قلتي اختي أرى أنه من الاحسن أن لانتمسك بعادات يمكن أن تؤثر سلبا على علاقاتنا العائلية

أما عن الاكتحال و لبس السروال أمام جدك فأنا لا أرى فيها بأس لأن جدك ( ربي يحفظهولكم)

من الجيل السابق لا أرى حرجا في ذلك.

[ايمان نور الجزائر]

ههه عادات وخرافات فقط
انا تاني سمعت قالك الراجل ما يحميش مع مرتو قدام والديه
لكن نظن هادي العادات ولى زمانها...اما عن المشيط نمشط كل يوم قدام بابااااا ونجبد شعري والماكياج كي نكون خارجة لهراس
هههههههه يا درى بابا واش راه فهم ...........امزح فقط
شكرا لموضوعكي عزيزتييييي

[soso sirin]

هاذو العادات والله ماكان كامل منهم لانو كاين الي حتى يعقدو واحد مي انا وليد عمتي ولادو راهم رجال والله يحشم باه يكون هو و هوما مع خالو الي هو بابا و تاني كنتنا كانت حاسبة بلي ماتقدرش تلقى بابا هي و خويا حتى قلنالها حنى هاذي ماعندناش .حنا في دارنا عقليتهم هايلة معنتها بابا ماعلابالوش كامل نمشط شعري قدامو و نقلك حاجة والله كي نكون رايحة لعرس و لا نشري حاجة نروح نقيسها و نقلو علابالي راني نهبل.والله بابا نهدرو معاه عادي حتى في موضوع الزواج ماشي يقول لماما وهي تقولنا والله هو يهدر روحو و تاني مع اخواتي والله نهدر في اي موضوع مانحشم ماوالو مي عارفة حدودي معنتها كاين شي عادات والله ملاح لانهم يديرو الحرمة .فكرتيني اختي الكبيرة نهار تزوجت حنا كنا صغار راجلها كنا نسلمو عليه عادي مي كي كبرنا قالها قوليلهم مايسلموش عليا و في جالو ماوليناش نسلمو حتى على واحد هي نقلك والله دار حاجة مليحة نقصنا شوية ذنوب حتى واحد ماراهش مستحق.هذا وين دخلت للدار رحت نيشان للميكرو صبت موضوعك رديت منبعد نرجع و نكمل الهدرة

[النجمة القطبية]

اهلا بيك سوسو
الحقيقة مثل تلك العادات غير موجودة فى اسرتى والحمد لله فكلنا نتعامل بعفوية شديدة ولم اسمع بها من قبل
لكن خالتى بفضل الله عرفنا من خلالها هذه العادات
مثلا خالتى لما تزوجت وجدت بعض العادات عند اهل زوجها
كمثال الكنة لا تجلس مع زوجها فى حضور والده
والله عادة مضحكة هههههههه لان والد زوجها لما يزورهم فى بيتها مع عجوزتها ابنهم يخرج ويروح الصالون او المطبخ مثلا :1:
لست ادرى الى متى الله يهدينا

[النجمة القطبية]

[quote=فتـ حييةـاة;10401961]احنا في عائلتنا عندنا العريس مايلقاش ابوه فاسبوع عرسو [
وين يروح

[الامل بالله]

هههههههههههههههههههههه

صح كاين منها سوسو

شوفي اسماء حنا جدتي واش تقولنا مثلا اذا درنا سواك تقولنا متحشموش قدام باباكم انا بكري جامي درتها كي تزوجت و درتهاش قدامو و حنا اصلا السواك نديروه غير بالمناسبة و حنا نضحكو نووووووووووورمال
و الحاجة الثانية الكحل كحل تع العينين انا منديرش مي اختي الكبيرة دير تقوللها انا الكحل مدرتوش حتان تزوجت و تبدا سلسلة من الحكايات و الذم
و كي العادة و كيما بنات هذا الوقت قليل وين تلقاي وحدة لابسة روبا حنا نكونو لا بسين بيجامات تقولنا علاه لراكم حازمين رواحكم في سراول كي الرجال
و عندي مرت عم ماما كبيرة اذا شافتني لابسة سروال تبقى غير تشوف فيا و تقولي نجيبلك روبا تع ايمان ايمان بنتها هههههههههههههههه
و اذا بديت نحكي منكملش

[قضــــــــــــ وقدر ـــــــــــاء]

السلام عليكم
أنا رأيي كالآتي:
ماذكرته من تقاليد عندي أفضل من أن تتصرف البنت أمام
والدها وإخوتها بقلة احترام
كرفع صوتها وارتدائها للملابس غير المحتشمة
حتى وإن كانت مبالغة فهي في نظري تدخل إطار الحشمة
والتقدير للآخرين
والله أعلم
بارك الله فيك

[SOUSOU. DZ]

ههه عادات وخرافات فقط
انا تاني سمعت قالك الراجل ما يحميش مع مرتو قدام والديه
لكن نظن هادي العادات ولى زمانها...اما عن المشيط نمشط كل يوم قدام بابااااا ونجبد شعري والماكياج كي نكون خارجة لهراس
هههههههه يا درى بابا واش راه فهم ...........امزح فقط
شكرا لموضوعكي عزيزتييييي

اهلا اختي ايمان كيف الحال ان شاء الله بخير

صح هذي العادة اول مرة نسمع بيها ****الراجل ما يحميش مع مرتو قدام والديه******

ههههه اسكتي برك وقيل راه فاهم حوايج واحدة اخرى مي نقولك الرجال مايتبهوش لهذي الصوالح .

شكرا لمرورك تسلمي

[SOUSOU. DZ]

هاذو العادات والله ماكان كامل منهم لانو كاين الي حتى يعقدو واحد مي انا وليد عمتي ولادو راهم رجال والله يحشم باه يكون هو و هوما مع خالو الي هو بابا و تاني كنتنا كانت حاسبة بلي ماتقدرش تلقى بابا هي و خويا حتى قلنالها حنى هاذي ماعندناش .حنا في دارنا عقليتهم هايلة معنتها بابا ماعلابالوش كامل نمشط شعري قدامو و نقلك حاجة والله كي نكون رايحة لعرس و لا نشري حاجة نروح نقيسها و نقلو علابالي راني نهبل.والله بابا نهدرو معاه عادي حتى في موضوع الزواج ماشي يقول لماما وهي تقولنا والله هو يهدر روحو و تاني مع اخواتي والله نهدر في اي موضوع مانحشم ماوالو مي عارفة حدودي معنتها كاين شي عادات والله ملاح لانهم يديرو الحرمة .فكرتيني اختي الكبيرة نهار تزوجت حنا كنا صغار راجلها كنا نسلمو عليه عادي مي كي كبرنا قالها قوليلهم مايسلموش عليا و في جالو ماوليناش نسلمو حتى على واحد هي نقلك والله دار حاجة مليحة نقصنا شوية ذنوب حتى واحد ماراهش مستحق.هذا وين دخلت للدار رحت نيشان للميكرو صبت موضوعك رديت منبعد نرجع و نكمل الهدرة

اهلا وسهلا بالغالية كيفك ان شاء الله تمام نورتي

ههههه والله واحد لعوايد اسكتي برك كاين لي يضحكو وكاين لي تستغربي منهم

حتى نتي تقولي هكذا باباك *** نشري حاجة نروح نقيسها و نقلو علابالي راني نهبل**** والله مام انا نقولي شوفني بهذي البسة على بالي راني بوقصة يقعد يقولي بنتي تعرفي مثال ديال حوحو يشكر روح مي كي يقول هولي نتحرق . ربي يخليلنا والدينا وربي يقدرنا باش نسعدوهم

ههه كنت تسلمي وماعلبالك باوالو ياك هههه والله انتي وحدك ايا دوكا خلصي راجل ختك لي نقصلك الذنوب ..

****هذا وين دخلت للدار رحت نيشان للميكرو*** يا انا تناني تقولي ماما ياو الميكرو هذا دالك عقلك. مي نقولك والله مانقدر نفارق ادمان خاصة في منتدى الجلفة

*****صبت موضوعك رديت منبعد نرجع و نكمل الهدرة**** مرحبا بيك في كل وقت موضوع موضوعط تفضلي الوقت لي تحبي

شكرا على مرورك الطيب

[SOUSOU. DZ]

اهلا بيك سوسو
الحقيقة مثل تلك العادات غير موجودة فى اسرتى والحمد لله فكلنا نتعامل بعفوية شديدة ولم اسمع بها من قبل
لكن خالتى بفضل الله عرفنا من خلالها هذه العادات
مثلا خالتى لما تزوجت وجدت بعض العادات عند اهل زوجها
كمثال الكنة لا تجلس مع زوجها فى حضور والده
والله عادة مضحكة هههههههه لان والد زوجها لما يزورهم فى بيتها مع عجوزتها ابنهم يخرج ويروح الصالون او المطبخ مثلا :1:
لست ادرى الى متى الله يهدينا

اهلا نجمة كيفك ان شاء الله تمام نورتي

مام حنا والله جامي سمعنا بيهم استغربنا وكيما قلتي في دارنا نتعامل بعفوية شديدة

يخا وعلاش مسكين انا في بالي كي يقعد بجانب زووجة اولديه يفرح باسكو اي اب يتمنى وليدو يتزوج ويفرح بيه ويشوف ولادو ولا راني غالطة

ان شاء الله ربي يعطيهم على حساب نيتهم

شكرا على موروك جزاك الله كل خير

[SOUSOU. DZ]

هههههههههههههههههههههه

صح كاين منها سوسو

شوفي اسماء حنا جدتي واش تقولنا مثلا اذا درنا سواك تقولنا متحشموش قدام باباكم انا بكري جامي درتها كي تزوجت و درتهاش قدامو و حنا اصلا السواك نديروه غير بالمناسبة و حنا نضحكو نووووووووووورمال
و الحاجة الثانية الكحل كحل تع العينين انا منديرش مي اختي الكبيرة دير تقوللها انا الكحل مدرتوش حتان تزوجت و تبدا سلسلة من الحكايات و الذم
و كي العادة و كيما بنات هذا الوقت قليل وين تلقاي وحدة لابسة روبا حنا نكونو لا بسين بيجامات تقولنا علاه لراكم حازمين رواحكم في سراول كي الرجال
و عندي مرت عم ماما كبيرة اذا شافتني لابسة سروال تبقى غير تشوف فيا و تقولي نجيبلك روبا تع ايمان ايمان بنتها هههههههههههههههه
و اذا بديت نحكي منكملش

اهلا امووووولتي كيفك نورتي

ههههههههه والله مسكين جداك تبانلي هبلتوها مي مام هي تقدر هذا الجيل تاع اخر زمان وللا لالا

والله ياامل هذي وحدها ***علاه لراكم حازمين رواحكم في سراول كي الرجال***** ربي يهديهم ويهدينا

اسكتي برك اذا فتحنا هذا الموضوع ماشي رايح يخلاص

شكرا على مرورك العطر

[SOUSOU. DZ]

السلام عليكم
أنا رأيي كالآتي:
ماذكرته من تقاليد عندي أفضل من أن تتصرف البنت أمام
والدها وإخوتها بقلة احترام
كرفع صوتها وارتدائها للملابس غير المحتشمة
حتى وإن كانت مبالغة فهي في نظري تدخل إطار الحشمة
والتقدير للآخرين
والله أعلم
بارك الله فيك

وعليكم السلام اهلا


نعم عندك حق وكما ذكرت في الموضوع يجب ان نتصرف امام اهل بااحترام ولكن لا احبذ ان تكون بينا حواجز مثال **على البنت ان لا تجلس مع اخوتها الذكور الكبار تحكي معهم وتضحك ........*** اريد رأيك وبكل صراحة في هذا العادة .

وفيك برك شكرا لمرورك جزاك الله كل خير. واريد ان اعلمك ان كل هذه العادات انا شخصيا احترمها واحترم كل مايعمل ويتصرف بيها . ولكن استغربت منها لا اكثر ولا اقل

[Lydia istanboul]

لا أقصد أن أكون عنصرية و لكن هذا التمسك بالعادات البالية اراه يختلف من عرش الى اخر,يعني مثلا نحن في عرشنا عادي اجلس في الطاولة و اتغدى مع أبي و إخوتي و كل عائلاتنا هكذا و للأسف زوجنا عمتي لعرش لطالما جدودنا رفضو التزاوج معهم ربما لإدراكهم الاختلاف بيننا المهم عمتي تعاني الأمرين معهم فمثلا عيب كبير تلفظ اسم زوجها لما تتحدث عنه أمامهم و عيب أكبر منه لو تكلم زوجها أمام والديه ثم يا ويلها لو نادت إبنتها أمام حماها و الويل ثم الويل لو حملت إبنتها بين يدها,تخيلو يا جماعة الخير,مرة سقطت إبنتها من على السلم فما كانت من عمتي الا ان ترد بفطرتها أن نادت بإسم إبنتها و هرعت إليها تحملها فما كان من حماها إلا أن يخرج من البيت متأففا على قلة حياء عمتي:confused::confused::confused::confused::confu sed::confused::confused: يا عباد الله هل هذا حق؟هل هاته العادات تستحق أن يثنى عليها و يقال هي أحسن من العري الحاصل الآن؟ أنا اقول لا لقلة الحياء و لا لنقيضه قلة الإنسانية,و عمتي المسكينة تعاني الكثير من عادات هذا العرش العجيب الغريب و إن أردتي أختي فعلي اسألها عن آخر إكتشافاتها في مفهوم الحياء عند بعضهم لكي أوسع معارفك بهذه الثقافة الشنيعة.:mh92::mh92::mh92::mh92::mh92::mh92:

[SOUSOU. DZ]

لا أقصد أن أكون عنصرية و لكن هذا التمسك بالعادات البالية اراه يختلف من عرش الى اخر,يعني مثلا نحن في عرشنا عادي اجلس في الطاولة و اتغدى مع أبي و إخوتي و كل عائلاتنا هكذا و للأسف زوجنا عمتي لعرش لطالما جدودنا رفضو التزاوج معهم ربما لإدراكهم الاختلاف بيننا المهم عمتي تعاني الأمرين معهم فمثلا عيب كبير تلفظ اسم زوجها لما تتحدث عنه أمامهم و عيب أكبر منه لو تكلم زوجها أمام والديه ثم يا ويلها لو نادت إبنتها أمام حماها و الويل ثم الويل لو حملت إبنتها بين يدها,تخيلو يا جماعة الخير,مرة سقطت إبنتها من على السلم فما كانت من عمتي الا ان ترد بفطرتها أن نادت بإسم إبنتها و هرعت إليها تحملها فما كان من حماها إلا أن يخرج من البيت متأففا على قلة حياء عمتي:confused::confused::confused::confused::confu sed::confused::confused: يا عباد الله هل هذا حق؟هل هاته العادات تستحق أن يثنى عليها و يقال هي أحسن من العري الحاصل الآن؟ أنا اقول لا لقلة الحياء و لا لنقيضه قلة الإنسانية,و عمتي المسكينة تعاني الكثير من عادات هذا العرش العجيب الغريب و إن أردتي أختي فعلي اسألها عن آخر إكتشافاتها في مفهوم الحياء عند بعضهم لكي أوسع معارفك بهذه الثقافة الشنيعة.:mh92::mh92::mh92::mh92::mh92::mh92:

السلام عليكم اهلا اهلا اختي

والله غير غاضتني عمتك بزاف كيفاش وصلت بيهم . ربي يجبلها الصبر هدا مكان
والله نقولك الصح استغربت انظن يكون هدا تخلف ام مادا؟؟؟؟؟؟؟؟؟؟؟

شكرا على مروركم الطيب وعلى طرحك جزاك الله كل خير نور الموضوع بوجودك

[راجي رضوان الرحمان]

أهلا وسهلا أختي سوسو،هذي غيبة،قلبنا المنتدى عليك ،وخاصة الاخت سيرين

[مريم الصابرة]

السلام عليكم اختي والله ضحكتيني على اللي تمشط تقول حبيت نتزوج ضرك نشد المشطة حتى يطيح كامل شعري ههههههههههه يا ختي صح إحنا بزاف عندنا عادات وخرافات الصراحة مثلا عندنا عادة هنا تقولك مثلا لما تتزوج الفتاة تخرج حفيانة بلا صباط ما فهمتش انا علاه قلتلهم رجيليا يتغبرو نروح لراجلي موسخة ههههههههه وزيدي عادات دوارنا هنا تقولك لما تتزوج فتاة اقرصيها او مسحي بالغوب بلونش ت نتاعها تتزوجي موراها يا ختي عييت نمسح هههههههههه والو شكرا حنونة

[SOUSOU. DZ]

أهلا وسهلا أختي سوسو،هذي غيبة،قلبنا المنتدى عليك ،وخاصة الاخت سيرين


اهلا بيك اخي رضوان كيفك ان شاء الله لاباس . الله لا يغيبك صح كنت نحوس راني رد في الموضوع لي دارتو عليا اختي سرين و علاش غبت هدي ايامات ادا حبيت روح زور

شكرا على مرورك مرة اخرى وبارك الله فيك

[ليلى الأمل]

السلام عليكم

أغرب العادات التي رأيتها في بعض المناطق هي عادات في الاعراس

رش الماء وراء العروسة

كسر العروسة لبيضة عند خروجها من بيت ابيها او دخولها بيت زوجها

العروسة تجلس وتنهض سبع مرات

حزام العروسة لكي ترزق بمولود

للاسف خرافات ولازال الكثير يتمسك بها

خرافات ان لم أقل شرك بالله

الله يداوي الحال

[SOUSOU. DZ]

السلام عليكم اختي والله ضحكتيني على اللي تمشط تقول حبيت نتزوج ضرك نشد المشطة حتى يطيح كامل شعري ههههههههههه يا ختي صح إحنا بزاف عندنا عادات وخرافات الصراحة مثلا عندنا عادة هنا تقولك مثلا لما تتزوج الفتاة تخرج حفيانة بلا صباط ما فهمتش انا علاه قلتلهم رجيليا يتغبرو نروح لراجلي موسخة ههههههههه وزيدي عادات دوارنا هنا تقولك لما تتزوج فتاة اقرصيها او مسحي بالغوب بلونش ت نتاعها تتزوجي موراها يا ختي عييت نمسح هههههههههه والو شكرا حنونة

وعليكم اسلام
ههههههههههههههههههههههههههههههههههههههه والله غير قتلتيني بضحك ربي يهديك خاصة تروح راجلها مسخا باش بطردها من دار في اول ليلة ولا هادي قاتلهم اسكتو اقرصيها او مسحي بالغوب بلونش ت نتاعها تتزوجي موراها

وعلاش تقولي هكدا يجي النهار ويلحق مكتوبك ليليا ونفرحو بيك ربي يرزقك بزوج صالح لي يسعدك ويهنيك وان شاء الله رايحة ندعيلك في علم الغيب

شكرا على مرورك الطيب لي نور الموضوع

[SOUSOU. DZ]

السلام عليكم

أغرب العادات التي رأيتها في بعض المناطق هي عادات في الاعراس

رش الماء وراء العروسة

كسر العروسة لبيضة عند خروجها من بيت ابيها او دخولها بيت زوجها

العروسة تجلس وتنهض سبع مرات

حزام العروسة لكي ترزق بمولود

للاسف خرافات ولازال الكثير يتمسك بها

خرافات ان لم أقل شرك بالله

الله يداوي الحال


يخا عليا واشنو هدا مسكينة هدي العروووسة لي يديرولها هدوم التقاليد ماتجي تروح لدار رجلها يخرجوها طول وعرض اول مرة نسمع بهدي التقاليد

ربي يحفظك اختي على مرورك الطيب ربي يبارك فيك تسلمي

[SOUSOU. DZ]

احنا في عائلتنا عندنا العريس مايلقاش ابوه فاسبوع عرسو

منك بصح يخا وين يرووح ؟؟؟....................شكرا لمرورك

[** موحدة 02 **]

السلام عليكم
تبقى عادات و امور لازم الناس تتخلى عليها .. هنا في المنطقة اللي تزوجت فيها كي يكون قاعد خوك ما تصلحيش الدار قدامو معناتها تقعد الدار معفونة حتى يخرج باش تقدري تصلحي و تخيلي يلا عاد واحد داخل و و احد خارج .. راهي الدار تقعد طول النهار بوسخها.. ياخي عادات يا خي
انا شخصيا ما تربيتش على الحياء من والديا او من اخوتي و رغم هذا كاين امور نعرف بابا ما يحبهاش مانديرهاش مثلا الكحل او النمص **زيادة على انو حرام ** لكن بعد الزواج** اوتوماتيكيا ** المرة تستحى من باباها و من خاوتها خاصة في اللباس

الله يصلح حوالنا

[SOUSOU. DZ]

السلام عليكم
تبقى عادات و امور لازم الناس تتخلى عليها .. هنا في المنطقة اللي تزوجت فيها كي يكون قاعد خوك ما تصلحيش الدار قدامو معناتها تقعد الدار معفونة حتى يخرج باش تقدري تصلحي و تخيلي يلا عاد واحد داخل و و احد خارج .. راهي الدار تقعد طول النهار بوسخها.. ياخي عادات يا خي
انا شخصيا ما تربيتش على الحياء من والديا او من اخوتي و رغم هذا كاين امور نعرف بابا ما يحبهاش مانديرهاش مثلا الكحل او النمص **زيادة على انو حرام ** لكن بعد الزواج** اوتوماتيكيا ** المرة تستحى من باباها و من خاوتها خاصة في اللباس

الله يصلح حوالنا

وعليكم السلام

ههه والله هدي حاجة جديدة اول مرة نسمع بيها يخي يخي كيفاش دايرة هدي ماكش منها وادا خوك مخرجش من الدار يعني الدارة تقعد مخلط والله ربي يهديهم

مي صح عندك الحق حرام لي قلتيها مام انا عمري مكان ستاربيني وبين والدي واو اخوتي

شكرا على مرورك الطيب جزاك الله كل خير

[بلسم الجراح]

كانت هدي العادات عندنا بصح راهي في طريق الانقراض

[SOUSOU. DZ]

كانت هدي العادات عندنا بصح راهي في طريق الانقراض

الحمد الله

شكرا على مرورك اختي بارك الله فيك