أريد رأيكم

[رجلٌ منهك]

السلام عليكم

انا اعجبتني فتاة و انا متأكد انني لن اجد مثلها اذا ضاعت مني

انا افكر بالزواج بها لكنني لست مستعد ماديا و معنويا
بطال + ما عنديش الدراهم

تبادرة لي فكره و هي ان اقوم بخطبتها رسميا ثم اقوم
بالعقد عليها في البلدية و هكذا تصبح زوجتي مدنيا يعني بالعقد
ثم اقوم بتأخير موعد الزواج عامين او ثلاثة سنين
و في هذي المدة ندبر اموري و نتزوجها

ما رأيكم هل انا على صواب او لست على صواب

و كيف سيكون ردة فعلها في تخمينكم ؟؟؟
مع العلم انها ان ارادة فسخ الخطوبة فسيكون بطلب الطلاق و تتمركى في شهادة الميلاد تاعها مطلقة

[faty05]

هذ النوع من التفكير ما يعجبنيش

[أم نيفين]

السلام عليكم ....اخي الكريم يعني اتقبلها نصيحة مني كأخت لك....
وقتنا ضرك ولى صعيب بزاف و لمعيشة غااااااااااالية بزاااااف ...هاذي بنت الناس كي تقدم تخطبها و يسقسيك باباها واش تخدم واش تقولو؟ تقولو مانيش خدام؟ يقولك باش رايح تعيشلي بنتي؟ هيا صحا ...تقولو نخطبها و من بعد ربي يديرلها طريق... يقولك روح حوس على خدمة و من بعد ارواح نمدلك بنتي...
ولا نجعلو باباها قبل يمدلك بنتو ....انا نصيحتي ليك تقراو الفاتحة برك فيها الف بركة ....على خاطر كون لا قدر الله تتفرقو حد ما قال حد .....واحد فيكم ماينقاس
تقبل مروري اخي الكريم و نصيحتي ليك ....و إن شاء الله تكون فهمت اللهجة السطايفية هههههههه كشما مافهمتش راني هنا ....

[رجلٌ منهك]

هذ النوع من التفكير ما يعجبنيش

وش يعجبك ؟؟؟؟؟؟؟؟؟؟؟؟؟؟؟؟؟

السلام عليكم ....اخي الكريم يعني اتقبلها نصيحة مني كأخت لك....
وقتنا ضرك ولى صعيب بزاف و لمعيشة غااااااااااالية بزاااااف ...هاذي بنت الناس كي تقدم تخطبها و يسقسيك باباها واش تخدم واش تقولو؟ تقولو مانيش خدام؟ يقولك باش رايح تعيشلي بنتي؟ هيا صحا ...تقولو نخطبها و من بعد ربي يديرلها طريق... يقولك روح حوس على خدمة و من بعد ارواح نمدلك بنتي...
ولا نجعلو باباها قبل يمدلك بنتو ....انا نصيحتي ليك تقراو الفاتحة برك فيها الف بركة ....على خاطر كون لا قدر الله تتفرقو حد ما قال حد .....واحد فيكم ماينقاس
تقبل مروري اخي الكريم و نصيحتي ليك ....و إن شاء الله تكون فهمت اللهجة السطايفية هههههههه كشما مافهمتش راني هنا ....

و عليكم السلام شوفي يا عمتي ام هاني

كي يقلي روح حوس على خدمة و ارواح نمدلك بنتي نقبل يسما راه ناوي يمدهال و يستناوني حتى نلقى خدمة
و + وش رايك لوكان نقلو راني خدام طبيب ولا جزار ولا معلم و لا المهم نحشيهالو
هوما يعطوهالي و انا نقلهم راهم سبتوني من خدمتي اصبرو حتى نلقى خدمة اخرى كيخ كيييخ كيييخ
وش رايك
المهم ما نضيعهاش

[نجمة ساطعة]

صراحة اكره هذا النوع من الخطبة و فقط......

[لؤلؤة الفردوس]

الله يهديك مكاش أب يمد بنتو لراجل بطال أهدر عليها لباباها و قولو مابيد نلقا خدمة و لا قبل أقراو الفاتحة فقط ماتعقدوش مدنيا واشنو ماتكذبش عليها قولها الصراحة

أيا أرفد ذراعتيك و روح تحوس على الخدمة واش راك تستنا ماتقعدش مقابل النت

[رجلٌ منهك]

صراحة اكره هذا النوع من الخطبة و فقط......

لم يكن سؤالي تكرهي ولا تحبي

[نجمة ساطعة]

علابالي ها ما تتخلعش انت ثاني في روحك

طلبت راينا ... اكره يعني طريقة عيانة من وجهة نظري فهمت

[رجلٌ منهك]

الله يهديك مكاش أب يمد بنتو لراجل بطال أهدر عليها لباباها و قولو مابيد نلقا خدمة و لا قبل أقراو الفاتحة فقط ماتعقدوش مدنيا واشنو ماتكذبش عليها قولها الصراحة

أيا أرفد ذراعتيك و روح تحوس على الخدمة واش راك تستنا ماتقعدش مقابل النت

اي هي تخدم علاش نخدم انا ؟
عندها ديبلوم

[رجلٌ منهك]

علابالي ها ما تتخلعش انت ثاني في روحك

طلبت راينا ... اكره يعني طريقة عيانة من وجهة نظري فهمت

طريقة عيانة بصح نديرها و نديها ذراع

[نجمة ساطعة]

ههههههههههه موضوع هبال علاه كتبت الموضوع روح ذرك اديها ربي يهنيك

[لؤلؤة الفردوس]

اي هي تخدم علاش نخدم انا ؟
عندها ديبلوم


لا حول و لا قوة الا بالله هذا واش نقولك
ربي جعل القوامة للرجل ماشي للمرأة و نتا المسؤول عليها ماشي هي مسؤولة عليك كي تجيب الذراري شوف شكون يوكلهم

[رجلٌ منهك]

لا حول و لا قوة الا بالله هذا واش نقولك
ربي جعل القوامة للرجل ماشي للمرأة و نتا المسؤول عليها ماشي هي مسؤولة عليك كي تجيب الذراري شوف شكون يوكلهم


نورمال انا مسؤول عليها نديها و نجيبها و كي تجيب لولاد تدي عطلة امومة الشهرية تبقى تمشي
جات غريبة هذي ؟؟؟؟؟؟؟؟؟؟

[لؤلؤة الفردوس]

خلاص مالا كي راك داير حسابك و خممت كيفاش لاه كتبت الموضوع هذا كااااااااامل

[النجمة القطبية]

فكرتنى فى واحد السيد حضروه مسكين قبل مدة ههههههه
بصراحة غير هو فى العالم اللى يفكر هذا التفكير :1: او احتمال تكونو توام الله اعلم
المهم روح لباباها وقولو انا طبيب كبير جراح ورد بالك غير يكون باباها مريض خطرش اكيد راح يحكيلك ويقولك يا وليدى عاونى ههه
تبانلى قولو جزار خير مممممم مى تخاف يدير كاش عرضة ويجى يشرى عليك بما انك نسيبو ههه
قولو نخدم رجل اعمال فى كاش بلاد بعيدة وهى فرات هههه
الله يهديك خويا اتكل على ربى وابحث عن عمل والصراحة راحة
والعقد مش مليح مكاش اللى تقبل حتى يجى وقتو
ربى يوفقك

[رجلٌ منهك]

نديها لوكان بالذراع و اراءكم خلاص بطلت منها

[سعاذ]

ياخي مهبول
ذوك وين عرفت عقليتك
ربي يهديك

[sara.info]

موضوع رائع .......إن شاء الله توفق فيما تصبو إليه ..........لكن أنا سوف استمتع بأخبارك في الجانب القانوني التبعي للعقد المبرم ........موفق

[شلطون]

ايها الأخ اعلم ان الله اذا كتبها لك فتتزوجها وان لم تكن من نصيبك فلا تتزوجها
أما قولك وخططك فهي غير مقبولة بتاتا لأنك بدأت بنية خبيثة أي أنك تفسد عنها حياتها بقولك تكتب في شهادة ميلادها مطلقة
كيف تفكر بهذا التفكير الغير اسلامي
اخي الكريم دعك من نفسك فهي تأمرك بالسوء
ادعوا الله ان يمن لك بعمل ومن ثم تسهل عنك حكاية الزواج
أما تقول ان هي الفتاة الوحيدة فأظن انه يوجد الكثير
واعلم ان كذلك الفتاة لديها في مخييلتها فارس احلامها
فلا تنغص معيشة على من يعاملك معاملة طيبة

[catia]

اخي العزيز
انا اقوللك حط روحك في بلاصت باباها راح تعرف الجواب الصحيح

[شلطون]

نديها لوكان بالذراع و اراءكم خلاص بطلت منها

هذا كلام فقط
كنت قبل قليل قد رديت على انسان يتقبل النصيحة
أما وان قلت هذا الكلام فأنت شربة

[شلطون]

اخي العزيز
انا اقوللك حط روحك في بلاصت باباها راح تعرف الجواب الصحيح

يا اختاه لاتردين على هذا فهذا النوع يتيري فقط في البنات
فموضوعه وطرقة الرد يبينان انه (مشاق) هدرة مع البنات

[شلطون]

ياخي مهبول
ذوك وين عرفت عقليتك
ربي يهديك

يا اختاه لاتردين على هذا فهذا النوع يتيري فقط في البنات
فموضوعه وطرقة الرد يبينان انه (مشاق) هدرة مع البنات

[شلطون]

موضوع رائع .......إن شاء الله توفق فيما تصبو إليه ..........لكن أنا سوف استمتع بأخبارك في الجانب القانوني التبعي للعقد المبرم ........موفق

وين راه الرائع في الموضوع
الاخ قالت نديها بسيف
هذا موضوع مليح
آوه راكم غير تخرطوا
الاخ حاب يردوا عليه البنات باش يكثر الهدرة معاهم
اما كلامه فقط ثرثرة

[ياسين البرج]

موضوع غير جدي بتاتا

[الوداع]

من يدري بالاك تربح عليها ويفتح عليك ربي ... ان وافقت قبيلتها

[~ ســارة ~]

انت قلت نحوس على رايكم
بعد البنت لاتربطها لا تربطك و انت ازدم يازدام وورينا حنة يديك و كي دبر رحك تقدم كي الرجال

[نسائم الهدى]

ألا ليت القسم يعود كما كان يوما
عذرا
ولكن هذا الموضوع ينطبق عليه وصف وااااااحد
سخيييييييييييييييييييييف

[warda16]

السلام عليكم
قصة شيقة وممتعة انا في رايي متقبلكش اخاطر لبات نتاع دوك ايحوسو على راجل خدام او عندو لاسورونس قبل كولشي
الااذا صارحتها بلي تحبها اوفهماتك
ماتنساش بلي كولي بالمكتوب ربي يخرجها على خير انشاء الله تقبلك
ااااااااامييييييييييييين ياربي العالمين
تقبل مروري وشكر

[ام محمد الحبيب]

انت انسان مريض واقيلا
حطيت موضوع ما عندو ساس من راس باه الناس تعاونك و وليت تتمهزا بيهم
ما ظنيت كاينة مرا لا والو راك غير تجوز في وقتك
ربي يهديك راك فارغ شغل.

[حقائب فرح]

السلام عليكم اخي الكريم انا من رايي ان لاتستعجل في العقد ولك ان تخطبها دون عقد لكي لا يتسرع كليكما فهدا افضل للجميع