واشي هذا

[مشكلتي]

سأكون صريح معكم شاب عمري 34 سنة
بعثت جماعه للسؤال عن عائلة و اخلاق الفتاة التي سأرتبط بها لانني معجب بها و باخلاقها و هي ماشاء الله كاملة من كل النواحي و اصغر مني بسنتين لكنها تبان عندها 24 الفايدة و الحاصول الجماعة لي بعثتهم سقساو و باش يقولو لاب البنت او ولي امرها او اخوها لم يتحدثو لاهلها بل مع الجيران اننا نسأل عن فلانة و فقط
و بعد مدة صاحة طولت ياسر
وعندما بعثت عمي كي يحدد موعد لقدوم اهلي تفاجأ برد والدها ان الفتاة أعطيناها
احرجت امام عمي كبير في السن وقالي عنمي كيفاه تبعثني لبنت مخطوبة و تقلي نعرفها ؟

واشي هذا ياناس فهموني بربي ماني فاهم ؟
ياك يقلك في الدين مايخطبش علىخطبة خوه ؟

[اميرة باحتشامي]

اي خطبة تتكلم عنها انت لم تخطب الفتاة بل بادرت بالسؤال عنها فحسب

في هذه الحالة لا يوجد خرق للقانون الشرعي /خطبة على خطبة /

[hamzagolf6]

اخي انت الغالط والله ولمادا ترسل وتصبر ومابعد تضهر فيها هدرة اخرى و يزيد وينقص في الكلام
كنت كي شفتها تروح تبحث على دارهم وكي تلقى باباها ولا خوها ترفدو معاك في السيارة وتخطبو في بنتو ولا ختو
انا هكذا ننصحك صحابي وحبابي اما خطبة نتع نساء هاذي خرطي وفيها غير تكسار الراس

[فـاطمة الزهراء]

انت لم تخطبها يا اخي فعن اي خطبة تتحدث

الخطبة ان تتحدث مع والدها شخصيا او ان ترسل والديك.


وعسى ان تكرهوا شيئا وهو خير لكم

[رزان.]

السلام عليكم

أنت قلت :

بعثت جماعه للسؤال عن عائلة و اخلاق الفتاة التي سأرتبط بها لانني معجب بها و باخلاقها و هي ماشاء الله كاملة من كل النواحي

يعني هذه ليست بخطبة ، الخطبة تبعث أهلك للبيت للتحدث مع أهلها و الإتفاق معهم على ...
+
قولك :
و بعد مدة صاحة طولت ياسر

مادام البنت و كما قلت :سأرتبط بها لانني معجب بها و باخلاقها و هي ماشاء الله كاملة من كل النواحي
لماذا تأخرت ؟ و لماذا كنت مترددا و ابعثت جماعة للسؤال عنها مادام كنت متأكد من أخلاقها + ألم تسأل الجماعة عن تصرفهم ؟؟؟؟؟؟؟
الغلطة غلطتك

أتمنى أن يرزقك الله بالزوجة الصالحة الطيبة آميــن

[soumsouma]

انتا الغالط كان رحت انتا ديركت لدارهم قال راني جايب دارنا يخطبو بنتكم
الجماعة لي بعتتها ماقامتش بدورها
و لي فيه الخير يجيبو ربي

[النجمة القطبية]

كلش بالمكتوب اخى الكريم
الخير فيما اختاره الله
ربى يعوضك ويوفقك

[رميساء خولة]

انت المخطا لانك ماسقسيتش اهلها بنفسهم سقسيت الجيران
المهم الطفلة مش من مكتوبك ربي يخلف ان شاء الله في ماهو احسن

[منهاج]

السلام عليكم

المرة الجاية كي تشوف بنت وتعجبك روح بنفسك واخطبها ما ترسلش حد في مكانك، الوساطة ما بقاتش في هاد الوقت

إن شاء الله ربي يرزقك بنت الحلال

[ahlem_22]

أنا بالنسبه ليا ياك تعرفها و بغيتها لو كان رحت نييييييشان و ان شاء الله ما يكون غير الخير

[abdel02]

لن تنال إلا ماكتب الله لك
شوف غيرها وانسى الامر حتى لا تمرض نفسك
والله الموفق.

[ترب الندى]

قدر الله و ما شاء فعل
اجترار الموضوع دون فائده يسبب صداع
ربي يفرحها و يسترها
و ربي يزرقك الزوجه الصالحه

[معجزة الاكوان]

علاه علاه
وقتاش خطبتها اصلا باش تقول فوق خطبة اخيه
معليش مهيش مكتوبك عسى ان تكرهو شيئا وهو خير لكم
ربي يرزقك بافضل منها ان شاء الله
وتكون بنت حلال
وتجيبو الذرية الصالحة
واولاد يكونو فخر للامة ان شاء الله

[أكوام الورد]

أخي الأمور ماكانتش واضحة بيناتكم مانقولكش لوكان خطبتها نيشان من ماليها بصح نقولك ربما ماكتابتش ان شاء الله ربي يعوضك بأحسن منها وربي فيه الخير

[هاجر**]

عســــــــــــــــــــــــــى أن تكرهوا شيئا وهو خير لكــــــــــــــــــــــــــم

[sonia2012]

اي خطبة تتكلم عنها انت لم تخطب الفتاة بل بادرت بالسؤال عنها فحسب

[EVE]

انت رقدت على وذنيك سي نورمال تتنخطب ويدوها ولا نتا داري، لي ينوي على لحلال ما يضيعش الوقت خير البر عاجله

[salimsalm]

لا تعتبر هذه خطبة شرعية بل مجرد استفسار عن البنت و أهلها
فتمنى لها السعادة
وربى يعوضك ويوفقك