كراء المنازل بجيجل

[أميال18]

السلام عليكم و رحمة الله تعالى و بركاته

كيف الحال؟؟؟؟؟ يا رب تكون على ما يرام


حسنا سأدخل في الموضوع مباشرة

مع حلول موسم الصيف، الأغلبية يروح للإصطياف في الولايات الساحلية،

و جيجل الولاية الرائعة كعادتها تستقبل العديد من المصطفين كل سنة لهذا انتشرت عندنا ظاهرة هي عادية و غريبة في نفس الوقت

ألا و هي ظاهرة كراء المنازل للمصطفين

هي عادية لأنه شيء طبيعي الواحد يكري دارو.......... مصروفة زايد في الجيب

أما الشيئ الغريب فيها فيكمن في أن أصحاب البيوت يخرجوا من ديارهم و يكروهم للمصطفين و هم ماعندهومش مكان آخر يأويهم

صديقوني بالله أغلبية العائلات كيفاه تدير

الزوجة: تروح عند اهلها

الزوج: عند أهلو

الأبناء: كل واحد وين يروح، نص عند خوالهم و نص عند عمومهم و

نص عند صحابهم

و كاين عائلات يبنوا براكة لا تتوفر فيها أدنى متطلبات الحياة العادية و يسكنوا فيها

علاه عليهم هذا الشي كامل

يجي واحد براني يسكن في دارك اللي مجهزة من كلش ،

و انتيا تتميزر في براكة أو عند الناس


كيما قالو ناس زمان

الطمع يفسد الطبع

هذا كلش على خاطر المال

يقولك 7000دينار لليلة أكيد راح تنسيك في ميزيرية 2 شهور

المهم الموضوع للنقاش

أنتم واش رايكم في الناس للي يفكروا هكذا؟؟؟؟؟

و إذا كان عندك بيت هل ستعمل مثلهم؟؟؟؟؟

[الجليس الصلح]

وأين العيب في ذلك الكل حر في بيته وسياسة الدولة تدعوا لذلك لغياب المرافق فما الحل نقولك حاجة في زلفانة ولاية غرداية الكل يكري بيته للإستفادة والإيفادة

[Rose19]

اذا كنت محتاجة المال قد ااجر بيتي و لكن بعد أن اضمن مكان لعائلتي و لكن أن اخير بين المال و العائلة فلا نقاش في هذا الموضوع فالمال :
*لا يوفر الامان و لا مراقبة اولادي الذين شردته.
*لا يضمن الثقة بين الزوجين المنفصلين منذ شهر او 2 دون أن ننسى مدة الفتور بينهما.
و ما ربحته باليمين ساصرفه بالشمال على اعادة تهيئة البيت.

[الكـ الطيبة ـلمة]

غلاء المعيشة ألغت الكثير من الأمور و المبادئ في حياة البعض

و صارت الماديات تطغى على التفكير

ربي يجيب الخير

[أميال18]

وأين العيب في ذلك الكل حر في بيته وسياسة الدولة تدعوا لذلك لغياب المرافق فما الحل نقولك حاجة في زلفانة ولاية غرداية الكل يكري بيته للإستفادة والإيفادة


بالله عليك أليس عيب أيضا في إزعاج الآخرين لمجرد أن تكري دارك و أغلبيتهم لأجل تغيير السيارة كل سنة و إعادة طلاء البيت و شراء المجوهرات...........
أتكلم عن الفئة التي لديها ما يكفيها من المال ، و للأسف هم الأكثر

شكرا لتدخلك

[أميال18]

اذا كنت محتاجة المال قد ااجر بيتي و لكن بعد أن اضمن مكان لعائلتي و لكن أن اخير بين المال و العائلة فلا نقاش في هذا الموضوع فالمال :
*لا يوفر الامان و لا مراقبة اولادي الذين شردته.
*لا يضمن الثقة بين الزوجين المنفصلين منذ شهر او 2 دون أن ننسى مدة الفتور بينهما.
و ما ربحته باليمين ساصرفه بالشمال على اعادة تهيئة البيت.


بارك الله فيك أختاه

المال لا يجمع على حساب العائلة

أؤكد لك الأغلبية ليسو بحاجة ماسة له بل حبا فيه يجعلهم يكروا ديارهم

[أميال18]

غلاء المعيشة ألغت الكثير من الأمور و المبادئ في حياة البعض

و صارت الماديات تطغى على التفكير

ربي يجيب الخير


بارك الله فيك أختاه

غلاء المعيشة على الجميع و ليس عليهم فقط

بل المادة هي من سيطرت على المبادئ

[علي م]

لا اله الا الله ولا مغني الا الله
اللهم اعفينا واعفو عنا

[ميرثا]

بدون تعليق ولات هد المشكل يقلقني حقا
سيرتو كتشوف نتاع لافامي يبروفيتيو

ربي يهدينا

[الواثق]

اصلا نحن نوفرو المال من اجل اننا نستر اهلنا في البيت والملبس والمأكل والمشرب .............واحد يحوس على الدراهم بتشريد عائلته يعني راهو همو في المادة فقط ولاتعنيه عائلته فهي تحصيل حاصل فقط ..............................ليس دائما هذا فممكن واحد اضطر لذلك مع ايجاد الحلول المناسبة ......................كما ان الكراء فيه شبهة كبيرة خاصة العائلات التي تقضي العطلة الصيفية فيها يعني هناك من يفتح بيته للرذيلة والمحرامات دون ان يعلم لذلك والله المستعان.....والله اعلم

[mina18]

المشكل الأكبر انو مابقاتش هناك مودة وتراحم بين الناس لأنو كاين الي عندهم ديار يكريوها لعائلة محددة فالخريف الشتاء والربيع لكن فجوان لازم العايلة هذيك تخرج ومايضمنولهاش وين تروح منين على بالهم بلي ماعندهمش سكنة كون عندهم سكنة لكان ماجاوش يكريو
المهم والله العادة هذي انتاشرت بزاف في جيجل والحاجة الي تغضني هذي هي كيفش العام كامل وهو كاري عندك وكي تلحق الصيف تخرجو وين التربية والرحمة وين الأخلاق والشهامة والله حالة ربي يهديهم

[z.abdo]

يفولو للشر والعياذ بالله

[SOUSOU. DZ]

السلام عليكم

والله شيء غريب حقاربي يهديهم يرحم بوك كيفاش يفكرو اي واحد رايح يدخل لدارهم رايح يخربها وماشي رايح يستحفظ بيها هذا من جيها

ومن جهة تانية كي يروح لديار ماليهم اذارايحين يصرفو طبعا مايكونش استفادو ولا شيء واذا يبروفيتو هذيك حاجة اخرى

ربي يهيدهم والله على جال المادة يفرق العايلة ناس والله متعرفي كيفاش يفكرو صراحة
شكرا على موضوع حقا يستحق النقاش
ارجو ان تقبلي مروري جزاك الله خيرا

[أميال18]

بدون تعليق ولات هد المشكل يقلقني حقا
سيرتو كتشوف نتاع لافامي يبروفيتيو

ربي يهدينا


السلام عليكم



بوركت أختاه

بالفعل يمكن كاين ناس يشوفوها أمر عادي ، لكن كي يعود الأمر لللإستغلال و الله تتقلق

اللهم آمين
و ربي يصلح احوالنا





لا اله الا الله ولا مغني الا الله
اللهم اعفينا واعفو عنا




السلام عليكم


بوركت أخي

اللهم آمين

و لا حول ولا قوة إلا بالله العلي العظيم

[أميال18]

اصلا نحن نوفرو المال من اجل اننا نستر اهلنا في البيت والملبس والمأكل والمشرب .............واحد يحوس على الدراهم بتشريد عائلته يعني راهو همو في المادة فقط ولاتعنيه عائلته فهي تحصيل حاصل فقط ..............................ليس دائما هذا فممكن واحد اضطر لذلك مع ايجاد الحلول المناسبة ......................كما ان الكراء فيه شبهة كبيرة خاصة العائلات التي تقضي العطلة الصيفية فيها يعني هناك من يفتح بيته للرذيلة والمحرامات دون ان يعلم لذلك والله المستعان.....والله اعلم

السلام عليكم

أهلا أخي
بالفعل يا أخي الواثق الناس أشكال فمنهم من يوفر المال للعيش بسلام مع العائلة
و منهم من يجمعه حبا فيه و على حساب العائلة
ربي يهدينا





المشكل الأكبر انو مابقاتش هناك مودة وتراحم بين الناس لأنو كاين الي عندهم ديار يكريوها لعائلة محددة فالخريف الشتاء والربيع لكن فجوان لازم العايلة هذيك تخرج ومايضمنولهاش وين تروح منين على بالهم بلي ماعندهمش سكنة كون عندهم سكنة لكان ماجاوش يكريو
المهم والله العادة هذي انتاشرت بزاف في جيجل والحاجة الي تغضني هذي هي كيفش العام كامل وهو كاري عندك وكي تلحق الصيف تخرجو وين التربية والرحمة وين الأخلاق والشهامة والله حالة ربي يهديهم
السلام عليكم

أهلا أختي mina
و الله كاينة يعطيك الصحة مابقاتش الرحمة في قلوب الناس

عندي خالة عندها 4 شهور و هي تحوس تكري العائلة اللي تروح عنها تقولها نكريلك لكن بشرط في الصيف تخرجي

هي لوكان عندها ويح تروح علاه تجي عندك أصلا
ربي يسترنا

المال أعمى قلوب الناس

[أميال18]

يفولو للشر والعياذ بالله

السلام عليكم
أهلا اخي
ربي يستر

السلام عليكم

والله شيء غريب حقاربي يهديهم يرحم بوك كيفاش يفكرو اي واحد رايح يدخل لدارهم رايح يخربها وماشي رايح يستحفظ بيها هذا من جيها

ومن جهة تانية كي يروح لديار ماليهم اذارايحين يصرفو طبعا مايكونش استفادو ولا شيء واذا يبروفيتو هذيك حاجة اخرى

ربي يهيدهم والله على جال المادة يفرق العايلة ناس والله متعرفي كيفاش يفكرو صراحة
شكرا على موضوع حقا يستحق النقاش
ارجو ان تقبلي مروري جزاك الله خيرا

السلام عليكم
بوركت أختي
ان شاء الله يهديهم و يهدينا أجمعين
المادة تفسد الطباع
صح في الأخير أكيد راح يصرف جزء منو في تهيئة بيته من جديد
لكن يبقاولو بزاف انتي مش عارفة شحال يكروهم لليلة الواحدة ............. منقولش خير سيرثو كي تكون قريبو من البحر
شكرا لمرورك

[ZENZIKO]

[SIZE="6"]اريد استاجار بيت في جيجل لمدة 10 ايام , يرجى ان ترسل لي المعلومات اللزمة في الامايل zenziko@yahoo.fr

[ZENZIKO]

اريد استاجار بيت studio في جيجل لمدة 10 ايام , يرجى ان ترسل لي المعلومات اللازمة

[رندة نهاد]

الطريقة الوحيدة لكسب المال بسرعة اكبر في نظرهم خاصة في موسم الاصطياف وهاذي ماشي غير في جيجل في جل الولايات الساحلية نسمع بيها بزاااااااااااف تبالي سلبيات الطريقة اكثر من 2 دورو اللي يدخلوهم نقعد في داري كسرة والماء وعلاه نروح نعيش عالة عند الناس؟ داري تستر عاري
تقبلوا مروري بكل ود
اقعدوا في دياركم خير لكم وروحو تخدمو حاجة اخرى خير من لا تشردو ولادكم
https://encrypted-tbn2.gstatic.com/images?q=tbn:ANd9GcQlWY24aYD1ggYbidpPV2fMqhnRpNCTO AeJ8oLF0r04mfTnertw

[عبد الله 22]

مصائب قوم عند قوم فوائد بالنسبة للعائلة في المدن الداخلية و الجنوبية تشكل لهم فرصة، اما في جيجل فأستغرب كيف يقدموا هذا التنازل في فصل الصيف وهو الفصل الذي من المفترض أن تجتمع فيه العائلة وتكون في عطلة جماعية تقربها من بعضها