كيف انساه ؟؟؟

[مشكلتي]

السلام عليكم
اولا نشكركم على الحلول لي راكم تبادرو بيها وإن شاء الله نتلاقى حل لمشكلتي عندكم
انا فتاة عمري 25 سنة كنت نحب شخص لمدة عامين وهو ايضا كان يحبني كنا نتلاقاو ونتحدثو بالهاتف وجاء اليوم لي افترقنا فيه لمشكل حدث بناتنا وانا كنت سبب هاداك المشكل المهم افترقنا ومشفتوش من بعدها ولكن مازالت نحبه بزااااااف وحد النهار كنت نمشي وتلاقيت بيه وصار بيناتنا حديث قالي فيه مازالني نحبك ولكن مستحيل نرجعو لبعض رغم انو المشكل بسيط وميستاهلش انا ماشي اهنا مشكلتي مشكلتي كي مارانيش قادرا ننساه جا اكثر من شخص اخطبني ولكن مقدرتش نقبل بيهم كلما نشوف واحد نشوف وجه لي نحبه كلما نسمع واحد يتكلم نحسه هو راه يتكلم ورجعت انطوائية ونبكي بزااااااف كلما نفكرفيه خلالي فرااااغ رهيب حتى رجعت منرقدش الليل كامل ونفوتها غير للبكى على جاله مرت شهور وجا شخص اخطبني دين وتربية وخدام الله يبارك الف بنت تتمناه انا قلت نقبل بيه مارانيش صغيرة باه نزيد نتشرط وبلاك ينسيني فالاول رغم انو مكان حتى شعور اتجاه هادا لي خطبني اتقابلت معاه واحكيتله على قصتي مع هاداك الشاب قالي انا نحبك بزاااااف وماراحش نفرط فيك وراح نساعدك بلي عندي باه تنسيه لكن انا مقدرتش حاولت اكثر من مرة ومقدرتش كل كلمة يقولهالي هادا الخطيب نحس الشخص الاول راه يتكلم معايا كل نظرة منو نحسها نظرات الاخر والبروبلام رجعت نبكي قدام هادا الخطيب لانو عندو نفس صفات شخصية الشخص الاول ويتشابهو في بزاف صوالح هادا لي خلاني نفكر فيه في كل دقيقة ونبكي كلما نتفكره ونشتاق ليه والله خلالي فراغ كبير واشتياق اكبر ساعدوني الله يحفظكم هادا الخطيب يستاهل كل خير لكن مارانيش عارفة كيفاه نحبه وننسا الاخر ساعدوني

[سارة البوسعادية]

كي تخرجي من ازمتك الاولى فكري بالارتباط
لانك رح تظلمي الشخص الي رح ترتبطي بيه
وتظلمي روحك
يا اختي ربي يخفف عليك وينسيك فيه

[mitrochka]

السلام عليكم
اولا نشكركم على الحلول لي راكم تبادرو بيها وإن شاء الله نتلاقى حل لمشكلتي عندكم
انا فتاة عمري 25 سنة كنت نحب شخص لمدة عامين وهو ايضا كان يحبني كنا نتلاقاو ونتحدثو بالهاتف وجاء اليوم لي افترقنا فيه لمشكل حدث بناتنا وانا كنت سبب هاداك المشكل المهم افترقنا ومشفتوش من بعدها ولكن مازالت نحبه بزااااااف وحد النهار كنت نمشي وتلاقيت بيه وصار بيناتنا حديث قالي فيه مازالني نحبك ولكن مستحيل نرجعو لبعض رغم انو المشكل بسيط وميستاهلش انا ماشي اهنا مشكلتي مشكلتي كي مارانيش قادرا ننساه جا اكثر من شخص اخطبني ولكن مقدرتش نقبل بيهم كلما نشوف واحد نشوف وجه لي نحبه كلما نسمع واحد يتكلم نحسه هو راه يتكلم ورجعت انطوائية ونبكي بزااااااف كلما نفكرفيه خلالي فرااااغ رهيب حتى رجعت منرقدش الليل كامل ونفوتها غير للبكى على جاله مرت شهور وجا شخص اخطبني دين وتربية وخدام الله يبارك الف بنت تتمناه انا قلت نقبل بيه مارانيش صغيرة باه نزيد نتشرط وبلاك ينسيني فالاول رغم انو مكان حتى شعور اتجاه هادا لي خطبني اتقابلت معاه واحكيتله على قصتي مع هاداك الشاب قالي انا نحبك بزاااااف وماراحش نفرط فيك وراح نساعدك بلي عندي باه تنسيه لكن انا مقدرتش حاولت اكثر من مرة ومقدرتش كل كلمة يقولهالي هادا الخطيب نحس الشخص الاول راه يتكلم معايا كل نظرة منو نحسها نظرات الاخر والبروبلام رجعت نبكي قدام هادا الخطيب لانو عندو نفس صفات شخصية الشخص الاول ويتشابهو في بزاف صوالح هادا لي خلاني نفكر فيه في كل دقيقة ونبكي كلما نتفكره ونشتاق ليه والله خلالي فراغ كبير واشتياق اكبر ساعدوني الله يحفظكم هادا الخطيب يستاهل كل خير لكن مارانيش عارفة كيفاه نحبه وننسا الاخر ساعدوني
ربي يهديك اختي،بعتلك ربي كنز و تفرطي فيه،روحي صلي وتذللي لله ان يقذف في قلبك نور البصيره،اما حاجه اخرى فإنه ما بني على باطل فهو باطل وهو ذنبك الذي يعذبك و يوهمك انك مازلت متعلقة به

[نجمة ساطعة]

مشاكلكم صدمتني .... حتى اصبحت اشك انها مجرد خيال ....

اعذريني يا اختي لثاني مرة في قسم المشاكل لم استوعب ماذا يحدث؟؟؟

....................

لما نشوف بام عيني فتاة تبكي تتمنى فقط زوج يسترها دون شروط اقول سبحان الله دنيا مهبولة

[سهول الجلفاوي]

ياجماعة راه تقلكم نحبوا
وما يحس بالجمرة غير اللي يعفس عليها
اختي نقلك حاجة جرحك كبير
وانت وحدك اللي تداويه
بصح يظهرلي قلبك هو اللي يخدم برك
عقلك نسيتيه خلاص
وكلي أمرك لربي وماتخليش نفسك للفارغ
وننصحك بكتاب لاتحزن لعائض القرني
فيه نصائح مليحة بزااااااااااااااااف
ونسأل الله لك الشفاء

[دكتورة بإذن الله]

السلام عليكم
اولا عندكم
ا اتقابلت معاه واحكيتله على قصتي مع هاداك الشاب قالي انا نحبك بزاااااف وماراحش نفرط فيك وراح نساعدك بلي عندي باه تنسيه لكن انا مقدرتش حاولت اكثر من مرة ومقدرتش كل كلمة يقولهالي هادا

راسي راه حبس اليوم خلاااااااااااااااص

مافهمتش !!

العبارة الملونة بالاحمر



هل هذا رجل ؟ روحي يا الدنيا بالعافية

[رزان.]

السلام عليكم


يا أختي خلاص قال لك


ولكن مستحيل نرجعو لبعض رغم انو المشكل بسيط وميستاهلش
؟؟؟؟؟؟؟؟؟؟؟؟؟؟

أما قولك

وجا شخص اخطبني دين وتربية وخدام الله يبارك الف بنت تتمناه انا قلت نقبل بيه مارانيش صغيرة باه نزيد نتشرط وبــــــــــلاك ينسيني فالاول رغم انو مكان حتى شعور اتجاه هادا لي خطبني اتقابلت معاه واحكيتله على قصتي مع هاداك الشاب قالي انا نحبك بزاااااف وماراحش نفرط فيك وراح نساعدك بلي عندي باه تنسيه

الزواج حياة و مودة و محبة و مسؤولية و... قبل اتخاذ القرار تأكدي أنك ستنسين الأول فما ذنب الثاني و الذي قبل بك و أراد مساعدتك فلا تظلميه

و تندمي طول حياتك

[محمد...عبد النور]

السلام عليكم أختي
أظنك لا تعي ما تقولين و لا تدركين ما تفعلين
شخص مررت عليه مرور
الكرام لازواج لا والوتبدليه و تتعلقي بيه
و ربي راه بعثلك واحد في الحلال تتمناه نساء كثيرات
لا أراك الا سفيهة لا تعرفين التصرف
و ممصحك ، اذا عندك صور او نذكارات او أي شيئ من قبل الشخص الاول غير ارميهم و لا ادفنيهم على خاطر كل ما ترين احدى الذكريات القلب راه يتفكر و يحزن
المهم نصيحة مني ، ربي عوضك بالحلال ، اذن اقبلي رزق ربك الكريم الرحيم و الا اذا أصريتي فلتحذري انتقامه فهو قوي و أمره بين الكاف و النون فقد تندمين حياته لذكريات الزمن بديل ان ينسيك اياك
فقط استعيني بالاستغفار و و الصلاة و الدعاء
ربي يوفقك أختي و ليس في الدنيا ما نأسف عليه الا ذنوبنا الكثيرة
ربي يبارك فيك و يرزقك الثبات و اليقين و يصرف عنك كل هم
ســــــــــــــــــــــــــــــــــــــــلام

[فـاطمة الزهراء]

ما عساي اقول

اقسم بالله ان قلبي يتفطر وحزيــــــــــنة جداااااااا لما اراه من بنات جنسي






حابة نقول الي في قلبي و خايفة نجرحك بدون قصد

وخايفة نجاملك ونظلمك....


ولست ادري اي مشكلة احل لك

هل مشكلة بعدك عن الله ام حب حراااام ام مشكلة انك فضحتي نفسك امام خطيبك؟




كاني اقرأ سيناريو مسلسل تركــــــي


اختي كلمة واحدة نقولها ليك



عودي الى ربك و

تــــــــــــــــــــــوبي اليه

وما انت فيه الا بما كسبت نفسك

وهو القادر على ان يصلح حالك اذا رأى منك صدقــــــــا...

اللهم اهدينا وثبتنا ولاتزغ قلوبنا بعد اذ هديتنا....

[naceur baba]

اواه كان لازم ماتقوليلوش هذه غلطة كبيرة من بعد يولي يعاير فيك بيه ويشك فيك اختي سرك خليه عندك وادفنيه كيما يقول المثل خليه في جواه حتى تصيب دواه واكثري من الاستغفار وحاولي ماتفكريش فيه ربي معاك

[محمد جديدي التبسي]

الحب يأتي بعد الزواج وكل هذه حماقات ومراهقات
فكري في أشياء مفيدة تشغلي وقت فراغك
استعيذي بالله من الشيطان الرجيم اكثري من الذكر والدعاء وقراءة القرآن
فكري في ايجابيات خطيبك الكثيرة فكري في الذي أراد الحلال بخطبته لك
ربي يكون معك ويوفقك لكل خير

[النجمة القطبية]

قولى اللهم يا مقلب القلوب ثبت قلبى على دينك ردديها بخشوع
قولى اللهم ارزقنى الانس بقربك كرريها بخشوع
قولى اللهم لا تكلنى الى نفسى طرفة عين واصلحلى شانى كله كرريها بخشوع
استغفرى طوال اليوم
استودعى نفسك وقلبك وكل شئ الله
صلى وكعتين فى جوف الليل مع الدعاء بخشوع
هذا ابتلاء وامامك الحل وثقى انه الحل ان اصلحتى النية وتوكلتى على الله
وربى يصلحلك الحال ويعوضك بالزوج الصالح وان كنت بصراحة استغرب موقف خطيبك
الله اعلم وفقك الله

[الفتآة]

السلام عليكم ورحمة الله وبركاته
أختي الكريمة،
أغلبنا من مرّ بمثل هاته التجارب والتي لم تعد عليه إلا بالحسرة والخسران
المشكلة فيك أنت لأنك تسلطين الأضواء على التفكير به ، فلو حاولت أن تتناسيه وانشغلت بأمور أخرى
كنت قد بدأت تلحظين التغيير بينك وبين نفسك ...
وعجبا أنك لمدة سنتين ولازلت متعلقة التفكير به
وياليتك تعلمين أيضا أنه لوكان يحبك لقصد البيت من بابه فعلى ماأظن أنكما لستما صغيران على الزواج
أما أن يقول لك أحبك ولا أستطيع الزواج بك فهذا أسلوب صاحبه لعوب ويجب أن تتوخي منه الحذر جيدا
ثانيا :
إنه لمن الخطإ أنك صارحت من أتى لخطبتك عن ماضيك
فإياك أن تعيديها مرة أخرى ... لأنك تجاهرين بمعصيتك ثم إن كتب لك الزواج بذلك الخاطب فلا تحسبي أن رأيه تجاه علاقتك الأولى توقف عند ذلك الحد لأنه وكما يقال {كل خطاب رطاب}
ولتنتظري ردة الفعل بعد الزواج
مايهمك هو أن تشغلي بالك بتفكير آخر وكلما تذكرته حاولي أن تتناسيه
ولامانع في أن تكون الدموع سلاحك أو الصراخ قرينك فالإثنين يخففان عنك
وفكري في مستقبلك وفي حياتك الزوجية
واسألي الله أن يعضوك منه خيرا

[توكل]

لا حول ولا قوة الا بالله ربى يهديك استغفرى الله واحمدى الله انتى بداتى بالخطا العلاقات قبل الزواج محرمة شرعا وهده هى النتيجة تعلقتى به وبعد دلك دهب
والله ما عدت افهم الفتيات اليوم ربى يهدينا

[رُوح طِــஐـــفلة]

حسيت روحي نقرا في رواية

يا أختي ربي يهديك
راكي كبيرة وتعرفي صلاحك
نورمالمو 25 سنة مابقالكش تفكري بالطريقة هاذي
نحبو وماقدرتش ننساه وافترقنا ..؟
واش نقولك
أحمدي ربي لي رزقك براجل وقف معاك
وتقبل الماضي تاعك
لأنو لو ضيعتيه مستحيل تلقاي واحد كيفو

روحي استغفري مولاك
وابداي تفكري كيفاش تربي ولادك
هاذي تجربة وفاتت انسايها وكملي حياتك

[الواثقة بالله2012]

شوفي يا الحبيبة انا ما ما ظنيتش راني نقرا قصة نورمال هادا فيلم تركي واسمحيلي

كيفاه واحد يخطبك وتحكيلو على حبيبك وتزيدي تبكي والله فيلم تركي


مهما كانت مصداقية القصة

هادا حتى وان تزوجتيه يجي نهار يعايرك ويكرهلك حياتك كاشي واحد يحكي اسرار هاكدا


ربي يهديك انعلي الشيطان وعلى فكرة 25 سنة ايلا ماراكيش تقري ولا تخدمي راكي كبيرة

خممي في روحك وبركي من المراهقة المتاخرة


اسمحبلي على صراحتي بصح الجيل نتاعكم هش بزاااااف

[حمزه أبو مريم]

السلام عليكم ورحمة الله وبركاته
سبحان الله والحمد لله ولا إله إلا الله والله أكبر ولا حول ولا قوة إلا بالله .
هادا لي خطبني اتقابلت معاه واحكيتله على قصتي مع هاداك الشاب قالي انا نحبك بزاااااف وماراحش نفرط فيك وراح نساعدك بلي عندي باه تنسيه
ما شاء الله عاشت الرجولة ، سبب ضياع النساء فساد الرجال مع أن لفظة الرجال لا تليق بهؤلاء .
من علامات النجاح في النهايات الرجوع إلى الله في البدايات
أعبدي الله واستعيني به يهديك الصراط المستقيم .
اللهم إنّا نسألك العفو والعافية .
والسلام

[khadija mayar]

يا اختي ربي يخفف عليك وينسيك فيه
بصح نظن راكي كبيرة على صوالح كيما هك
والحب يجي غير بعد الزواج اما هذ العلاقات العابرة مش مليحة يسبولك الوسواس بعيد الشر
تقربي لله وأدعي وان شاء ربي يستجاب دعاك

[الطيب الصحراوي]

السلام عليكم نسأل الله لك الهداية كيف تسمحين لنفسك بإقامة علاقة مايسمى حب مع شخص أجنبي فهذا ليس في المستوى لو كان إنسان صالح ، لذهب مباشرة لوليك ولما أقام معك هذه العلاقة المحرمة في شريعة الاسلام ، وأنت صدقت الاكذوبة ، وعيشك في أوهام حتى يستفرد الذئب بالشاة ، أنا لا أقول لك أنسايه ، أنا أقول لك عليك التوبة مما وقعت فيه ، والبكاء بحرقة على المعصية وليس على هذا الشخص ، لازم الرجوع إلى الله والاستغفار ونسيان ماوقع في الذهن من هذه العلاقات الاجرامية التي تكون نهايتها انتهاك الأعراض والفضيحة فندعو الله لك الثبات ويرزقك التوبة النصوح ، وهذه نصيحة أخ مشفق لا يرضى لبنات المسلمين أن تتسقط في هذه المستنقعات ، والله الموفق والهادي إلى سبيل الرشاد .

[نسمة_10]

حكيتلو قصتك مع الشاب الاخر وتقبل الموضوع وقالك نحاول نسيك فيه
وين رانا عايشين يا الهي !!
ادا كانت القصة حقيقية راكي غلطتي غلطة كبيرة كي حكييتلو الماضي والاسرار لانو راح يهبلك ويبقى ديما يشك
ثانيا مادامك مزلتي تخممي في الشخص الاخر لاه قبلتي بهدا اصلا لاه موضوع لعبة هدا انسان مش لازم تتمسخري بيه
الاحسن تلغي فكرة الزواج في هده الفترة وصفي ذهنك من تراكمات الماضى وتلك العلاقة ادرسي اعملي افعلي اي شئ مفيد تشغلي بيه نفسك
خير من تظلمي هدا الشخص معاك ادا تزوجتيه
ودعك عنك هده العلاقات غير الشرعية والعابرة
سلام

[زهرة البيت]

أنا نحس بيك أختي ولي تجربة مشابهة لقصتك بصح أنا كنت أقوى منك تخطبت لأنسان آخر وعمري حسستوا بواش كان في قلبي وبعدها رجعلي الانسان الأول حاب يخطب مع أني كنت نحبو و أنا لي خليتو بسبب أني كنت رافضة علاقة غير رسمية وعانيت كيفك أو أكثر المهم بعدها قلتلو فات الأوان و أني مخطوبة وتألمت جدا لذلك وخممت نبطل مع خطيبي في لحظة ضعف ثم تراجعت بعد فترة تداخلت فيها كل أفكاري وأحاسيسي و تأكدت أن حبه القديم بقي وهم في داخلي ومن الأفضل لي تقبل ماكتبه الله لي وحمده على هذه النعمة و اكمال طريقي وعدم الالتفات للماضي وأ، أكون أقوى من نفسي في مواجهة ضعفي والحمد لله تصالحت مع نفسي ورصيت بقدري وأحس بالرضى والحب تجاه زوجي المستقبلي أتمنى أن لاتضيعي وقتك أ،ت فقط تحسين أن لا أمل في الأنسان الأول لأنه رافض فكرة الرجوع اليك وتريدين ارضاء غرورك تتمنين أن يرجع اليك مرة أخرى لكن صدقيني يومها لن ترتاحي وبعد التفكير لن ترجعي اليه وستكملين طريقك مع خطيبك لأنك سترين أنه لايمكنك الاتغناء عنه بهده السهولة من الأجل حبك الأول